完整藏文原文 · 德格版页 当前仅加载第 45 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་དགའ་ཞེས་བྱ་ཡུམ་ཡིན་སྲས་པོ་ནི། །ཚེར་མ་མེད་པ་དགའ་བ་རིམ་གྲོ་པ། །སྐྱེ་བོས་མཆོད་ཅེས་བྱ་བ་མཁས་པ་སྟེ། །རྒོལ་བ་འཇོམས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཞི་བརྒྱ་བརྒྱད་ཅུ་སྟེ། །ཀུན་ལའང་འདམ་རྫབ་དྲ་བ་མུན་སྤངས་
D94.045.0164a01.01པ། །རྡུལ་བྲལ་སྲིད་ལས་གྲོལ་བ་ཤ་སྟག་འདུས། །མི་ཚེ་ལོ་གྲངས་དག་ནི་བརྒྱ་ཡང་ཡིན། །མགོན་པོ་མཆོག་མ་མྱ་ངན་འདས་ནས་ཀྱང་། །དམ་པའི་ཆོས་ནི་ལོ་གྲངས་བརྒྱད་ཅུར་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་དྲུག་ཁྲི་དྲུག་
D94.045.0164a02.01སྟོང་འབྱུང་། །འཇིག་རྟེན་མཁྱེན་པ་ལེགས་པར་སྐྱེས་པ་ཡི། །སྐྱེས་པའི་ཡུལ་ནི་དེས་པ་ཞེས་ཀྱང་བྱ། །རྒྱལ་བ་རྒྱལ་རིགས་ཡིན་ཏེ་འོད་དཔག་ཚད། །བྱེ་བ་བདུན་ཅུ་ཡབ་ནི་བདག་ཉིད་ཆེ། །འོད་སྐྱོང་མ་ཞེས་བྱ་བ་རྒྱལ་བའི་ཡུམ། །སྲས་པོ་གློག་འོད་དྲག་ཤུལ་རིམ་
D94.045.0164a03.01གྲོ་པ། །ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །སྐྱོན་སེལ་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །གནས་མེད་ཕ་རོལ་ཕྱིན་པ་ཐམས་ཅད་པོ། །བྱེ་བ་ཕྲག་ནི་སུམ་ཅུ་གསུམ་གསུམ་ཡོད། །མི་ཚེ་ལོ་གྲངས་དག་ནི་ཉིས་སྟོང་ཡིན། །
D94.045.0164a04.01རྒལ་བར་གྱུར་པའི་དམ་པའི་ཆོས་དག་ཀྱང་། །ལོ་གྲངས་སུམ་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བཟང་པོ་བྱེ་བ་བརྒྱ་ཕྲག་གསུམ། །སངས་རྒྱས་ཐུབ་པ་མེད་པའི་ཚོགས་དག་གི། །སྐྱེ་བའི་ཡུལ་ནི་མཚན་གྱིས་བརྒྱན་ཅེས་བྱ། །
D94.045.0164a05.01རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་དོན་ཡོད་ཡིན། །གྲགས་ལྡན་མ་ཞེས་བྱ་བ་ཡུམ་ཡིན་ནོ། །སྲས་པོ་ཟླ་{བཟངས་,བཟང་}བདེན་པ་རིམ་གྲོ་པ། །སྟོབས་ཀྱིས་འགྲོ་ཞེས་བྱ་བ་མཁས་པ་སྟེ། །རྣམ་པར་འཕྲུལ་པའི་གཟི་བརྗིད་རྫུ་འཕྲུལ་ཅན། །འདུས་
D94.045.0164a06.01པ་ལན་གྲངས་བཞི་ཁྲི་ཀུན་ལ་ཡང་། །སྲིད་པའི་འཆིང་ལས་གྲོལ་བ་ཐམས་ཅད་པོ། །དྲང་སྲོང་ཆེ་སྲས་བྱེ་བ་བྱེ་བ་ཡོད། །མི་རྣམས་ཚེ་ཚད་ལོ་གྲངས་བཞི་ཁྲི་ཡིན། །འཇིག་རྟེན་བླ་མ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བརྒྱད་ཁྲིའི་བར་དུ་གནས། །སྐུ་གདུང་
D94.045.0164a07.01