完整藏文原文 · 德格版页 当前仅加载第 45 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །འཕགས་པའི་རིགས་ཡིན་བདུད་རྣམས་ཕུང་བྱེད་པ། །སྲིད་ལས་ཐར་བྱེད་བདེ་བར་གཤེགས་པས་བསྟོད། །ཏིང་འཛིན་འདི་ནི་བདེ་བར་གཤེགས་པའི་ནོར། །ཤིན་ཏུ་མཉམ་འཇུག་ཚུལ་ནི་བྱེ་བའི་སྒོ། །རྗེས་སུ་རྟོགས་བྱེད་ཚིམ་བྱེད་གཅོད་བྱེད་ཅིང་། །
D94.045.0010a01.01སྡུག་བསྔལ་བཅོམ་པ་བདེ་བའི་རྗེས་འཇུག་པ། །ཏིང་འཛིན་འདི་ནི་བདེ་གཤེགས་སྤྱོད་པ་ཡིན། །བྱང་ཆུབ་ཡན་ལག་མེ་ཏོག་དྲན་རྟོགས་བྱེད། །ངོ་ཚ་ཤེས་པར་ལེགས་གནས་དགེ་བ་བསྡུས། །བྱང་ཆུབ་ཡན་ལག་ཕྲེང་བ་བདེ་གཤེགས་དགྱེས། །ཏིང་འཛིན་མཆོག་དེ་འདི་
D94.045.0010a02.01ནི་གསུངས་པ་ཡིན། །བྱང་ཆུབ་ཡན་ལག་ཕྲེང་བ་རྣམ་ཐར་པ། །རབ་ཏུ་སྐྱེ་བྱེད་ཞིང་གི་ཕ་མཐར་ཕྱིན། །ཟླ་བའི་འོད་བྱེད་སྣང་བྱེད་སྲིད་གསུམ་འདས། །ཆོས་མཆོག་འདི་ཀུན་ཟླ་བས་བསྟོད་པ་ཡིན། །སེམས་གཡེངས་ཚུལ་འཆོས་ཤེས་ཁེ་རྙེད་པ་དག །སྤངས་ནས་དགོན་
D94.045.0010a03.01པར་བསྟེན་པར་འགྱུར་བྱ་ཞིང་། །སྦྱོར་བ་རྣམ་གསུམ་དག་པར་འགྱུར་བྱ་ན། །ཏིང་ངེ་འཛིན་འདི་ཡང་དག་བསྒྲུབ་པར་གྱིས། །ཕ་རོལ་འཆིང་དང་གཡོ་དང་ཤེས་ཁེའི་རྒྱུ། །སྤངས་ནས་རང་གི་ཡོན་ཏན་མི་རྗོད་པར། །ཆོས་གོས་གསུམ་དང་བསོད་སྙོམས་སྤྱོད་པར་ཤོག །
D94.045.0010a04.01འདི་ལ་སྦྱོར་གྱུར་{སྩོགས་,སོགས་}འཇོག་བྱེད་མ་གྱུར། །འཕགས་པ་བགེད་པའི་ངང་ཚུལ་ལྡན་བྱ་ཞིང་། །གལ་ཏེ་ཏིང་འཛིན་མྱུར་ཐོབ་འདོད་ན་ནི། །མཁས་པས་རྟག་ཏུ་དྲི་བ་བརྩམ་པར་གྱིས། །དྲིས་ནས་ཡང་དག་བསྒྲུབ་ལའང་གནས་པར་གྱིས། །ཚོགས་ལས་ཐག་རིང་ཞི་
D94.045.0010a05.01གནས་དགར་འགྱུར་དང་། །འགྲོ་ཀུན་ལ་ནི་མཛའ་བས་མཉེན་བྱ་ཞིང་། །ཚུལ་འཆོས་གཞི་ཡི་གྲགས་པ་གཞར་བཏང་ན། །ཏིང་འཛིན་ཞི་བ་འདི་ནི་བཙལ་བར་གྱིས། །ངོ་ཚ་ཤེས་གོས་དབེན་པའི་རོ་ཡི་ཟས། །བསམ་གཏན་མལ་ཆ་སྟན་དང་དབེན་པའི་ཁྱིམ། །བདག་
D94.045.0010a06.01མེད་རྟོགས་ལ་རྟག་ཏུ་དགའ་བྱེད་ན། །མཁས་པ་གཞན་གྱི་བདེ་ལ་འདོད་མི་འགྱུར། །གལ་ཏེ་ཏིང་འཛིན་འདི་མྱུར་ཐོབ་འདོད་ན། །ཁྲོས་པས་སྨྲས་ན་གཞན་ལ་བཟོད་པ་དང་། །ང་རྒྱལ་བསྐྱེད་མི་བྱ་ཞིང་ང་བྲལ་བྱ། །ལས་ཀྱི་རྣམ་པར་སྨིན་ལའང་མངོན་དད་གྱིས། །ངན་
D94.045.0010a07.01