完整藏文原文 · 德格版页 当前仅加载第 45 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །དཔག་ཚད་བཅུ་གཉིས་གསེར་གྱི་བླ་རེར་ལྡན། །རིན་ཆེན་མཆོག་གི་རྣ་རྒྱན་དག་གིས་བརྒྱན། །བདེ་གཤེགས་འཇིག་རྟེན་མཆོག་མ་སྐྱེ་བའི་ཡུལ། །ཤིན་ཏུ་སྙན་པའི་གཏམ་དང་ལྡན་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་གསུམ་
D94.045.0234a01.01མེ་ཏོག་བཟང་པོ་ཡབ། །དཔལ་རྒྱལ་མེ་ཏོག་ཡུམ་ཡིན་མེ་ཏོག་གསལ། །སྲས་ཡིན་ཙམ་པ་ཀ་ནི་རིམ་གྲོ་པ། །མེ་ཏོག་སྡུག་ཅེས་བྱ་བ་མཁས་པ་སྟེ། །འཇིགས་མེད་མེ་ཏོག་ཅེས་བྱ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་དྲུག་ཀུན་ལའང་། །ཆགས་ལས་འདས་པ་འཇིག་རྟེན་མི་
D94.045.0234a02.01ལྟ་བ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ལྔ་སྟོང་ཡིན། །དམ་ཆོས་ལོ་གྲངས་བདུན་ཁྲི་དྲུག་སྟོང་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་བཞི་པ་མུ་ཏིག་བླ་རེར་བཅས། །བཻ་དཱུརྱ་ཡི་རྣ་རྒྱན་བརྩེགས་པར་ལྡན། །དེ་བཞིན་
D94.045.0234a03.01གཤེགས་པ་སྐར་མའི་འོད་དག་གི། །སྐྱེ་བའི་ཡུལ་ནི་འོད་འཕྲོ་ཅན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་ཉི་ཤུ་སྣང་བའི་དབང་པོ་ཡབ། །འོད་འཕྲོ་སྣང་ཞེས་བྱ་བ་རྒྱལ་བའི་ཡུམ། །སྲས་པོ་མེད་བྱིན་འོད་ལྡན་རིམ་གྲོ་པ། །གློག་འོད་གཟི་བརྗིད་བློ་གྲོས་
D94.045.0234a04.01ཅན་ཡིན་ཏེ། །འོད་འཕྲོ་གསལ་བའི་དཔལ་ནི་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང་། །ཆུ་བོ་བཞི་ཡི་ཕ་མཐར་ལེགས་གནས་པ། །བྱེ་བ་ཕྲག་ནི་ཉི་ཤུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བརྒྱད་སྟོང་ཡིན། །ཡོན་ཏན་སློབ་དཔོན་དག་གི་དམ་ཆོས་དག །
D94.045.0234a05.01ལོ་གྲངས་སུམ་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཚན་མོ་མར་མེ་སྟོང་སྙེད་འོད་ཀྱང་འབར། །དེ་བཞིན་གཤེགས་པ་ཞི་བའི་སྟོབས་དག་གི། །སྐྱེ་བའི་ཡུལ་ནི་མཁས་པས་མཆོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་
D94.045.0234a06.01ཤུ་རྩ་བདུན་ཡབ་ནི་རྣམ་གྲོལ་ཡིན། །དགྲ་བཅོམ་དགའ་ཞེས་བྱ་བ་རྒྱལ་བའི་ཡུམ། །སྲས་པོ་འཆད་མཁན་དགེ་ལེགས་རིམ་གྲོ་པ། །མཆོད་རྟེན་ཆེན་པོ་ཞེས་བྱ་མཁས་པ་སྟེ། །རྒོལ་བས་འཇིགས་པ་མེད་པ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་དྲུག་ཀུན་ལའང་། །འཇིག་
D94.045.0234a07.01