完整藏文原文 · 德格版页 当前仅加载第 45 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པ་རྣམས་མི་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉོན་མོངས་པ་སྐྱེས་པའི་སྐྱོན་མཐོང་ནས་འདོར་བ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་ལ་སྨོན་པ་གང་ཡིན་
D94.045.0070a01.01པ་དེ་ནི་ཚུལ་ཁྲིམས་ཀྱིའོ། །དེ་སྤོང་ཞིང་འབར་བ་མེད་པ་གང་ཡིན་པ་དེ་ནི་བཟོད་པའིའོ། །ཉོན་མོངས་པ་ཤེས་ཤིང་ཤེས་པས་ཉོན་མོངས་པ་ཟིལ་གྱིས་གནོན་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གང་ལ་རྟོག་ཅིང་དཔྱོད་པ་དེ་ནི་བསམ་གཏན་གྱིའོ། །སྤོང་བ་དང་མི་སྐྱེ་བ་ཤེས་
D94.045.0070a02.01པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་སྐྱེས་པ་རྣམས་སྤོང་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་ལ་འདུན་ཅིང་རྨོངས་པ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་
D94.045.0070a03.01པའོ། །དགེ་བ་ཐོབ་པ་ལ་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྟོང་པ་ཉིད་ཀྱི་རྣམ་པས་དགེ་བ་ལ་རྟོག་པ་གང་ཡིན་པ་དེ་ནི་བཟོད་པའིའོ། །ལུས་དང་སེམས་ཀྱིས་ཕ་རོལ་གནོན་པ་ལ་ཐོགས་པ་མེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །འཐོབ་པ་དང་མཚན་
D94.045.0070a04.01མ་མེད་པར་འཛིན་པ་བརྗེད་པ་མེད་པ་གང་ཡིན་པ་དེ་ནི་བསམ་གཏན་གྱིའོ། །འཐོབ་པའི་རྒྱུ་ལ་མི་སྐྱེ་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྣམ་པར་སྨིན་པ་སྟེ། འདི་དག་ནི་དགེ་བ་མ་སྐྱེས་པ་རྣམས་བསྐྱེད་པར་བྱ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་དགེ་བའི་ཆོས་སྐྱེས་
D94.045.0070a05.01པ་རྣམས་ཕྱིར་ཞིང་གནས་པར་བྱ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། དགེ་བ་སྐྱེས་པ་རྣམས་ཆུད་ཟ་བ་མེད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་སྨིན་པའོ། །དེ་དག་ལ་མངོན་པར་དགའ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྦྱོར་བ་ལས་སྡོད་པ་ལས་ངེས་
D94.045.0070a06.01པར་བྱུང་བ་གང་ཡིན་པ་དེ་ནི་བཟོད་པའིའོ། །ཀུན་ཏུ་བསྲུང་ཞིང་ཀུན་ནས་མ་རྨོངས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བསྒོམ་པའི་སྟོབས་ཅན་གང་ཡིན་པ་དེ་ནི་བསམ་གཏན་གྱིའོ། །ཡོངས་སུ་བསྔོ་བ་ཐམས་ཅད་ཀྱི་རྗེས་སུ་འཇུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་
D94.045.0070a07.01