完整藏文原文 · 德格版页 当前仅加载第 45 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཙན་དན་དམར་པོས་བྱུགས་ནས་ཀྱང་། །དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ལག་{བཟངས་,བཟང་}རྒྱལ་པོའི་ཕོ་ཉའི་ཚེ། །དེ་བཞིན་གཤེགས་པ་དབྱངས་སྙན་སྒྲོགས་པར་མཛད་པ་གང་། །འཁོར་བཅས་བྱེ་བ་དག་ལ་ཆོས་གོས་གསུམ་
D94.045.0293a01.01ཕུལ་ནས། །དང་པོ་ཁོ་ནར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་ནི། །ཚན་པོ་ཆེར་གྱུར་གཡུལ་ངོར་ཆས་པའི་ཚེ། །བདེ་གཤེགས་ལེགས་མཐོང་ལ་ནི་རྒྱལ་མཚན་གཅིག །ཕུལ་ནས་དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་
D94.045.0293a02.01གཤེགས་པ་འོད་འཕྲོ་སྨན་པའི་ཚེ། །དེ་བཞིན་གཤེགས་པ་སྐྱེ་བོའི་མཆོད་རྟེན་ལ། །སྤོས་ཀྱི་རེང་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་བྱིན་ལམ་སྟོན་ཚེ། །དེ་བཞིན་གཤེགས་པ་འོད་ཆེན་ཞེས་བྱ་བ། །དེ་ལ་ལམ་
D94.045.0293a03.01དག་མཚོན་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་འབྱུང་གནས་མཉན་པའི་ཚེ། །དེ་བཞིན་གཤེགས་པ་བརྫི་བ་མེད་གཤེགས་དེ། །ཉན་ཐོས་འཁོར་བཅས་བྱེ་བ་བསྒྲལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་
D94.045.0293a04.01གཤེགས་ལྷ་ཡི་མེ་ཏོག་ནོར་བུ་མཁན། །གྱུར་ཚེ་དེ་བཞིན་གཤེགས་པ་བློ་གསལ་ལ། །ནོར་བུ་རིན་ཆེན་སྤྲས་པའི་གདུགས་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དོན་ལེགས་སེམས་པ་རྒྱལ་བུའི་ཚེ། །དེ་བཞིན་གཤེགས་པ་གསུང་སྙན་དེ་ལ་
D94.045.0293a05.01ནི། །ནོར་བུ་རིན་ཆེན་སྤྲས་པའི་བླ་རེ་ཕུལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཆོས་ཀྱི་དབང་ཕྱུག་ཤིང་མཁན་གྱི། །བུར་གྱུར་ཚེ་ན་བདེ་གཤེགས་སྐར་འོད་ཀྱི། །གཤེགས་ཟམ་དག་ནི་བཤམ་པ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
D94.045.0293a06.01བདེ་གཤེགས་བློ་གྲགས་ཀུན་དགའ་ར་སྲུངས་ཚེ། །དེ་བཞིན་གཤེགས་པ་ཟླ་བའི་སྒྲོན་དེ་ལ། །མོན་སྲན་གྲེའུ་ཡི་མེ་ཏོག་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྤོབས་བརྩེགས་ཚོང་པའི་བུར་གྱུར་ཚེ། །དེ་བཞིན་གཤེགས་པ་ཡེ་ཤེས་ཏོག་དེ་
D94.045.0293a07.01