完整藏文原文 · 德格版页 当前仅加载第 45 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་པད་མའི་ངོས་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུ་རྩ་དྲུག་གོ། །ཡབ་ནི་བསོད་ནམས་འབྱོར་ཅེས་བྱའོ། །ཡུམ་ནི་སའི་དབང་ཕྱུག་མ་ཞེས་བྱའོ། །
D94.045.0154b01.01སྲས་ནི་བཀྲ་ཤིས་ཞེས་བྱའོ། །རིམ་གྲོ་པ་ནི་དྲག་ཤུལ་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཁྲུག་པ་མེད་པར་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུལ་པ་མེད་པར་སེམས་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་
D94.045.0154b02.01བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བརྒྱད་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཛོད་སྤུ་ལྡན་སྐྱེ་བའི་ཡུལ་ནི་ཡིད་དུ་འོང་བའི་གཟི་
D94.045.0154b03.01བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་ཤེས་རབ་ཅན་རྒྱལ་མཚན་ཞེས་བྱའོ། །ཡུམ་ནི་མཉམ་སེམས་ཞེས་བྱའོ། །སྲས་ནི་དགའ་བའི་ང་རོ་ཞེས་བྱའོ། །རིམ་གྲོ་པ་ནི་ཡིད་དུ་འོང་བའི་ང་རོ་ཞེས་བྱའོ། །ཤེས་རབ་ཅན་རྣམས་
D94.045.0154b04.01ཀྱི་མཆོག་ནི་སྐྱེ་བོ་ཕལ་པོ་ཆེའི་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ངེས་པར་གནས་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་དགུ་སྟོང་གི་བར་དུ་གནས་སོ། །
D94.045.0154b05.01སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོབས་པ་གྲགས་པ་སྐྱེ་བའི་ཡུལ་ནི་ཡོངས་སུ་དག་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཁྲི་དྲུག་སྟོང་ངོ་། །ཡབ་ནི་ཐར་པ་དགའ་ཞེས་བྱའོ། །ཡུམ་ནི་རིན་ཆེན་ཅན་ཞེས་བྱའོ། །
D94.045.0154b06.01སྲས་ནི་རྒྱལ་བྱིན་ཞེས་བྱའོ། །རིམ་གྲོ་པ་ནི་ཡོན་ཏན་སྤོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་འཁྲུལ་པ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བརྟན་ཞེས་བྱའོ། །འདུས་པ་ནི་ལན་སུམ་ཅུ་རྩ་གཉིས་ཏེ། ཐམས་ཅད་ལ་ཡང་ས་ཡ་ཕྲག་གསུམ་
D94.045.0154b07.01