完整藏文原文 · 德格版页 当前仅加载第 45 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུམ། །དབང་པོ་སྲས་ཡིན་བཟང་དབང་རིམ་གྲོ་པ། །དབང་ཆེན་ཏོག་ནི་བློ་གྲོས་ཅན་ཡིན་ཏེ། །མཚོན་ཆའི་དབང་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང་། །མི་སློབ་དགྲ་བཅོམ་པ་ཡི་ཚོགས་ཀུན་དག །བྱེ་བ་ཕྲག་ནི་
D94.045.0211a01.01དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །དམ་ཆོས་ལོ་གྲངས་ཆིག་ཁྲི་ཆིག་སྟོང་གནས། །སྐུ་གདུང་མཆོད་རྟེན་ཡིད་འོང་གཅིག་ཡིན་ལ། །འཕང་དུ་དཔག་ཚད་བཅུ་གཉིས་པ་ཡིན་ཏེ། །གསེར་གྱི་རྒྱལ་མཚན་ཏོག་བཅས་དག་གིས་སྤྲས། །
D94.045.0211a02.01དེ་བཞིན་གཤེགས་པ་ཤུགས་འཆང་སྐྱེ་བ་ཡི། །ཡུལ་ནི་ཆོས་ཀྱི་རྒྱལ་མཚན་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །བདུན་ཅུ་རྩ་གཉིས་ཡབ་ནི་བློ་{བཟངས་,བཟང་}ཡིན། །ཡོན་ཏན་རྒྱ་མཚོ་ཞེས་བྱ་རྒྱལ་བའི་ཡུམ། །སྲས་པོ་བདེན་སྨྲ་སྟོབས་ལྡན་རིམ་གྲོ་པ། །
D94.045.0211a03.01མཐུ་རྩལ་སྟོབས་ཞེས་བྱ་བ་མཁས་པ་སྟེ། །གོམས་པར་མཆོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །ཕྱིར་མི་ལྡོག་པ་བྱང་ཆུབ་གནས་པ་ཀུན། །བྱེ་བ་ཕྲག་ནི་བདུན་ཅུ་བཞི་བཞི་ཡོད། །མི་ཚེ་ལོ་གྲངས་དགུ་ཁྲི་སུམ་སྟོང་ཡིན། །རྒྱལ་བ་
D94.045.0211a04.01མྱ་ངན་འདས་ནས་དམ་ཆོས་དག །ལོ་གྲངས་ཐེར་འབུམ་ཕྲག་ནི་གསུམ་དུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །ཞིང་རྣམས་ཀུན་དུ་མཛེས་པ་དག་ཏུ་འགྱུར། །སེམས་ཅན་སྙིང་པོ་སྐར་རྒྱལ་སྐྱེ་བ་ཡི། །ཡུལ་ནི་འོད་འཕྲོའི་འོད་དང་ལྡན་ཞེས་བྱ། །རྒྱལ་
D94.045.0211a05.01བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་སྦྱིན་སྲེག་འོད་འཕྲོ་ཡབ། །འོད་འཕྲོ་ཆེན་མོ་ཞེས་བྱ་རྒྱལ་བའི་ཡུམ། །སྲས་པོ་སྐར་མཁན་སྣང་དབང་རིམ་གྲོ་པ། །རབ་ཏུ་བརྒྱན་ཞེས་བྱ་བ་མཁས་པ་སྟེ། །འོད་དབང་མཐའ་ཡས་པ་ནི་རྫུ་འཕྲུལ་ཅན། །
D94.045.0211a06.01འདུས་པ་ལན་གྲངས་སུམ་ཅུ་དྲུག་ཀུན་ལའང་། །དགྲ་བཅོམ་རྣམ་པར་ཐར་པ་བརྒྱད་ཐོབ་པ། །བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །མི་ཚེ་ལོ་གྲངས་ཉི་ཁྲི་ཉིས་སྟོང་ཡིན། །མྱ་ངན་འདས་པ་དེ་ཡི་དམ་ཆོས་དག །ལོ་གྲངས་བདུན་ཁྲིའི་བར་དུ་གནས་པར་འགྱུར། །
D94.045.0211a07.01