完整藏文原文 · 德格版页 当前仅加载第 45 函德格 334a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་བློ་མཆོག་ལ། །མཆིལ་ལྷམ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་བསོད་ནམས་བློ་གྲོས་ཕྲེང་རྒྱུད་ཚེ། །དེ་བཞིན་གཤེགས་པ་རབ་དགྱེས་གསལ་བ་ལ། །མེ་ཏོག་དག་གི་ཆུན་པོ་ཕུལ་ནས་ཀྱང་། །དང་པོར་
D94.045.0334a01.01བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྦྱིན་སྲེག་འོད་འཕྲོ་ཐགས་མཁན་ཚེ། །དེ་བཞིན་གཤེགས་པ་བདག་ཉིད་སྣང་བ་ལ། །རས་ཀྱི་ཁ་ཚར་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡོན་ཏན་མཐའ་ཡས་གཟི་བརྗིད་ཕུང་པོ་ནི། །
D94.045.0334a02.01ཚོང་པ་བྱེད་ཚེ་བདེ་གཤེགས་མི་ཡི་པད་མ་ལ། །རས་ཡུག་ཟུང་དུ་སྦྱར་ཏེ་དབུལ་བ་བྱས་ནས་ཀྱང་། །དང་པོ་ཉིད་དུ་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་སྟབས་ནི་ཤིང་སྲུངས་ཚེ། །དེ་བཞིན་གཤེགས་པ་སྤོས་དྲི་ཞིམ་པ་ལ། །སེའུ་འབྲུའི་བཅུད་ཁུ་དག་ནི་ཕུལ་ནས་ཀྱང་། །
D94.045.0334a03.01དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མི་གཡོ་ཤིང་སྲུངས་ཚེ། །དེ་བཞིན་གཤེགས་པ་མཆོད་པ་མཆོག་དེ་ལ། །ཨ་ཏི་མུག་ཏའི་མེ་ཏོག་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་རབ་གསལ་སྨན་པའི་ཚེ། །དེ་
D94.045.0334a04.01བཞིན་གཤེགས་པ་མེ་ཏོག་སྣ་ཚོགས་ལ། །མར་ཁུར་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འོད་སྤྱོད་ཁྱིམ་བདག་བུར་གྱུར་ཚེ། །དེ་བཞིན་གཤེགས་པ་འཕགས་པའི་དཔལ་དེ་ལ། །ཕྲེང་བ་བརྒྱུས་པ་དག་ནི་ཕུལ་ནས་ཀྱང་། །
D94.045.0334a05.01དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གླུ་དབྱངས་ཤིང་རྟ་མཁན་གྱི་ཚེ། །དེ་བཞིན་གཤེགས་པ་ནམ་མཁའ་མཚུངས་དེ་ལ། །གཟིམས་ཁྲི་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་གླུ་དབྱངས་
D94.045.0334a06.01སྨན་པའི་ཚེ། །དེ་བཞིན་གཤེགས་པ་པད་མའི་འོད་ཟེར་ལ། །མེ་ཏོག་སིལ་མ་དག་ནི་གཏོར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་འཁོར་ལོ་འཛིན་པ་ཕྲེང་རྒྱུད་ཚེ། །དེ་བཞིན་གཤེགས་པ་གསལ་བའི་ལྷ་དེ་ལ། །མེ་ཏོག་སིལ་མ་དག་
D94.045.0334a07.01