完整藏文原文 · 德格版页 当前仅加载第 45 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་ཞི་བར་གྱུར་ཏོ། །བཅོམ་ལྡན་འདས་ཀྱི་འོད་ཀྱིས་ཀྱང་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་དང་མཉམ་པ་དག་ཏུ་སྣང་བར་གྱུར་ཏོ། །དེའི་མོད་ལ་སྲིད་པའི་རྩེ་མོ་ནས་མནར་མེད་པའི་བར་གྱི་སེམས་ཅན་ཐམས་ཅད་བདེ་བར་གྱུར་ཏོ། །
D94.045.0017a01.01བཅོམ་ལྡན་འདས་ཀྱི་འོད་དེ་ལས་རིན་པོ་ཆེ་བཀོད་པ་མཐའ་ཡས་པའི་པད་མ་འདབ་མ་འབུམ་ཡོད་པ་བྱེ་བ་ཁྲག་ཁྲིག་བྱུང་བར་གྱུར་ནས། པད་མ་ཐམས་ཅད་ལ་ཡང་བཅོམ་ལྡན་འདས་ཤཱཀྱ་ཐུབ་པ་ཇི་ལྟ་བ་བཞིན་དུ། དེ་བཞིན་གཤེགས་པ་རྣམས་འཁོར་དེ་ལྟ་བུ་དག་དང་
D94.045.0017a02.01བཞུགས་ཏེ། མཆོག་ཏུ་དགའ་བའི་རྒྱལ་པོ་ཡང་ཐམས་ཅད་ལ་གསོལ་བ་འདེབས་ལ། སངས་རྒྱས་དེ་དག་ཐམས་ཅད་ཀྱིས་ཀྱང་ཏིང་ངེ་འཛིན་འདི་བཀའ་སྩལ་ནས། སེམས་ཅན་གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་
D94.045.0017a03.01ལྡོག་པར་མཛད་དོ། །འདི་ནི་བྱང་ཆུབ་སེམས་དཔའི་སྤྱོད་པ་ལ་འཇུག་པ་སྟོན་པ་སྤྱོད་པ་ཡོངས་སུ་དག་པར་བྱེད་པ་ཞེས་བྱ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་བཀའ་
D94.045.0017a04.01སྩལ་པ། མཆོག་ཏུ་དགའ་བའི་རྒྱལ་པོ་དེ་ལྟ་བས་ན་སྦྱིན་པ་ལྷུར་མ་བྱེད་པར། ཆོས་ལ་མཆོད་པ་བྱ་བའི་ཕྱིར་ནི་མཆོད་པ་གྱིས་ཤིག །མཆོག་ཏུ་དགའ་བའི་རྒྱལ་པོ་སྔོན་བྱུང་བ་འདས་པའི་དུས་བསྐལ་པ་གྲངས་མེད་པ་མང་པོ་དག་བྱུང་བ་ན་དེ་བཞིན་གཤེགས་པ་དགྲ་བཅོམ་
D94.045.0017a05.01པ་ཡང་དག་པར་རྫོགས་པའི་སངས་རྒྱས་གསེར་སྡུག་མཛེས་པ་རྣམ་པར་ངེས་པའི་འོད་ཀྱི་གཟི་བརྗིད་ཀྱི་རྒྱལ་པོ་ཞེས་བྱ་བ་ཞིག་བྱུང་སྟེ། སྐུ་ཚེའི་ཚད་ནི་དཔག་ཏུ་མེད་དོ། །སངས་རྒྱས་ཀྱི་ཞིང་གི་བཀོད་པ་ནི་མཐའ་ཡས་སོ། །འཁོར་ནི་གྲངས་མེད་དོ། །ཕྱི་མའི་དུས་ལྔ་བརྒྱ་
D94.045.0017a06.01པ་ཐ་མའི་ཚེ་དེའི་ཆོས་སྨྲ་བ་རིན་པོ་ཆེའི་ལུས་མཐའ་ཡས་པར་གྲགས་པ་སྤྱོད་པའི་མཛོད་ཅེས་བྱ་བ་ཞིག་བྱུང་བར་གྱུར་ཏེ། དེ་ཏིང་ངེ་འཛིན་འདི་སྟོན་པ་ན་དགེ་སློང་གཞན་དག་གིས་བསྟན་པ་ཐམས་ཅད་ལས་བསྙིལ་བར་གྱུར་ཏོ། །དེ་ནས་ཆོས་སྨྲ་བ་དེ་ཞུམ་པ་མེད་པའི་སེམས་
D94.045.0017a07.01