完整藏文原文 · 德格版页 当前仅加载第 45 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་མེད་ཅིང་དངོས་པོ་བཅབས་པ་མེད་པ་གང་ཡིན་པ་དེ་ནི་རྣོ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཐམས་ཅད་ལ་ཇི་ལྟ་བ་བཞིན་དུ་བཟོད་ཅིང་ཕྱིན་ཅི་ལོག་མེད་པས་བསྐྱེད་པ་གང་ཡིན་པ་དེ་ནི་རྣོ་བའི་བཟོད་པའི་ཕ་རོལ་ཏུ་ཕྱིན་པའོ། །མོས་པ་ཇི་ལྟ་བ་བཞིན་ལ་
D94.045.0031b01.01ཕྱིར་ཟློགས་པ་མེད་པར་གནས་པ་གང་ཡིན་པ་དེ་ནི་རྣོ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྣོ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །བྱང་ཆུབ་སེམས་དཔར་
D94.045.0031b02.01གྱུར་པ་ན་ཉན་ཐོས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པར་ཤེས་ཤིང་། རང་སངས་རྒྱས་ཀྱི་ཕ་རོལ་ཏུ་ཕྱིན་པ་རྣམས་མ་ལུས་པ་ཤེས་ཀྱང་འདོད་ཆགས་དང་བྲལ་བ་ཡང་མ་ཡིན། སོ་སོའི་སྐྱེ་བོ་ཡང་མ་ཡིན། སྦྱིན་གནས་ཀྱང་མ་ཡིན་ལ། སྨོན་ལམ་གྱིས་སྐྱེ་བ་ལ་ཡང་
D94.045.0031b03.01མངོན་པར་ཞེན་པ་མེད་པ་གང་ཡིན་པ་དེ་ནི་རྣོ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་རྣོ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཟབ་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པའི་སྦྱིན་པ་གང་ཡིན་པ་དེ་ནི་ཟབ་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་
D94.045.0031b04.01ཅན་དང་འཐུན་པར་གནས་པའི་ཚུལ་ཁྲིམས་ཞེན་པ་མེད་པ་དེ་ལ། མ་ཆགས་པས་མཁས་པ་རྣམས་ཀྱིས་བསྔགས་པའི་ཚུལ་ཁྲིམས་གང་ཡིན་པ་དེ་ནི་ཟབ་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་ཞེ་ན། དང་པོ་བྱང་ཆུབ་ཏུ་སེམས་བསྐྱེད་པ་དང་།
D94.045.0031b05.01ལྷག་པའི་བསམ་པ་ལ་འཇུག་པ་ལས་སོ། །བདག་མེད་པ་དང་ལྡན་པའི་བཟོད་པའི་ཕ་རོལ་ཏུ་ཕྱིན་པ་རྣམ་པར་སྨིན་པ་དང་། རྣམ་པར་སྨིན་པ་མ་ཡིན་པ་དང་། རྣམ་པར་སྨིན་པ་དང་བཅས་པ་ལ་རྣམ་པར་རྟོག་པ་མེད་པ་གང་ཡིན་པ་དེ་ནི་ཟབ་པའི་བཟོད་པའི་ཕ་རོལ་ཏུ་ཕྱིན་པ་སྟེ།
D94.045.0031b06.01དེ་ག་ལས་བལྟ་ཞེ་ན། ཆོས་ཚོལ་བའི་སྤྱོད་པ་དང་ལྡན་པ་ལས་སོ། །ཁམས་གསུམ་ལ་ཡང་མངོན་པར་ཞེན་པ་མེད་པ་ཡིན་ལ། མྱ་ངན་ལས་འདས་པ་ལ་རློམ་སེམས་སུ་ཡང་མི་བྱེད་པ་གང་ཡིན་པ་དེ་ནི་ཟབ་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། དེ་ག་ལས་བལྟ་
D94.045.0031b07.01