完整藏文原文 · 德格版页 当前仅加载第 45 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་དགེ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བོ་མང་པོ་ལ་རྣམ་པར་སྨིན་པ་གང་ཡིན་པ་དེ་ནི་བསམ་གཏན་གྱིའོ། །ལུས་ཀྱི་རྫུ་འཕྲུལ་གྱིས་གདམས་ངག་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ལུས་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་
D94.045.0088b01.01པ་དྲུག་གོ། །དེ་ལ་ངག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ངག་འཁྲུལ་པ་མེད་པར་འབྱུང་བ་གང་ཡིན་པ་དེ་ནི་སྦྱིན་པའིའོ། །ཐམས་ཅད་དུ་སོང་བའི་དབྱངས་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཁོར་དགའ་བར་འགྱུར་བ་གང་ཡིན་པ་
D94.045.0088b02.01དེ་ནི་བཟོད་པའིའོ། །ཀུན་ཏུ་སྒྲོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མོས་པར་འབྱུང་བ་གང་ཡིན་པ་དེ་ནི་བསམ་གཏན་གྱིའོ། །རེ་བ་ལ་སྟོན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ངག་གི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གོ། །
D94.045.0088b03.01དེ་ལ་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡིད་ཀྱི་ལས་རང་བཞིན་གྱིས་རྒྱུན་མི་འཆད་པ་གང་ཡིན་པ་དེ་ནི་སྦྱིན་པའིའོ། །རྗེས་སུ་ཆགས་པ་དང་ཁོང་ཁྲོ་བ་སྤོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སོ་སོར་བརྟགས་པ་སྒྲུབ་པ་གང་
D94.045.0088b04.01ཡིན་པ་དེ་ནི་བཟོད་པའིའོ། །ངའོ་སྙམ་པའི་ང་རྒྱལ་སྤོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །གཏི་མུག་དང་བྲལ་བ་གང་ཡིན་པ་དེ་ནི་བསམ་གཏན་གྱིའོ། །ཚད་མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཡིད་ཀྱི་ལས་ཡེ་ཤེས་ཀྱི་རྗེས་སུ་འཇུག་
D94.045.0088b05.01པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཁམས་ལ་རྟོག་པ་གང་ཡིན་པ་དེ་ནི་སྦྱིན་པའིའོ། །ཕུང་པོ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་མཆེད་ལ་རྟོག་པ་གང་ཡིན་པ་དེ་ནི་
D94.045.0088b06.01བཟོད་པའིའོ། །ལས་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉོན་མོངས་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །སེམས་ཅན་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འདས་པའི་དུས་ལ་མ་ཐོགས་པའི་ཡེ་ཤེས་མཐོང་བའི་ཕ་རོལ་ཏུ་ཕྱིན་
D94.045.0088b07.01