完整藏文原文 · 德格版页 当前仅加载第 45 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་ཞེས་བྱ་བ་མཁས་པ་སྟེ། །ཆོས་ལ་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །དགྲ་བཅོམ་དེ་དག་ཐམས་ཅད་འདུས་འགྱུར་ཏེ། །བྱེ་བ་ཕྲག་ནི་ཉི་ཤུ་བཞི་བཞི་ཡོད། །མི་ཚེ་ལོ་གྲངས་ཉི་ཁྲི་ཚང་བར་འགྱུར། །འགོག་པར་ཕྱིན་པ་
D94.045.0201a01.01དམ་པའི་ཆོས་དག་ཀྱང་། །ལོ་གྲངས་ཉི་ཁྲི་དྲུག་སྟོང་བར་དུ་གནས། །སེམས་ཅན་མཁས་པ་མྱ་ངན་འདས་ནས་ཀྱང་། །སྐུ་གདུང་མཆོད་རྟེན་དཔག་ཚད་གཉིས་པ་གཅིག །རྡུལ་དང་བྲལ་བ་རྒྱུ་སྐར་རྒྱལ་པོ་ཡི། །སྐྱེ་བའི་ཡུལ་ནི་ཟླ་བའི་འོད་ཅེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་
D94.045.0201a02.01ཚད། །བདུན་ཅུ་རྩ་གཉིས་ཡབ་ནི་ཟླ་བཟང་ཡིན། །ཟླ་མཆོག་མ་ཞེས་བྱ་བ་རྒྱལ་བའི་ཡུམ། །སྲས་པོ་ཟླས་བྱིན་ཟླ་ལེགས་རིམ་གྲོ་པ། །འོད་ཟེར་ཆེན་པོ་ཞེས་བྱ་མཁས་པ་སྟེ། །གཟི་བརྗིད་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །དགྲ་བཅོམ་བྱེ་
D94.045.0201a03.01ཕྲག་བདུན་ཅུ་གཉིས་གཉིས་དང་། །གཞན་ཡང་བྱེ་བ་ཕྲག་ནི་བརྒྱ་བརྒྱ་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །མཚུངས་པ་མེད་པ་མྱ་ངན་འདས་པ་ཡི། །དམ་ཆོས་ལོ་གྲངས་དགུ་བཅུ་དྲུག་ཏུ་གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །སྲིད་པ་གསུམ་
D94.045.0201a04.01ན་མཆོད་ཅིང་བཀུར་བར་འགྱུར། །དེ་བཞིན་གཤེགས་པ་སྨན་པའི་རྒྱལ་པོ་ཡི། །སྐྱེ་བའི་ཡུལ་ནི་ཀུན་ནས་གནས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡུལ་འཁོར་བཟང་པོ་ཡབ། །མདངས་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་ལྷ་ལེགས་
D94.045.0201a05.01འགྲོས་ལྡན་རིམ་གྲོ་པ། །དགའ་ལྡན་ཞེས་ནི་བྱ་བ་མཁས་པ་སྟེ། །མི་ཟད་བློ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་ཐམས་ཅད་དག་ཀྱང་འདུས་འགྱུར་ཏེ། །བྱེ་བ་ཕྲག་ནི་དགུ་བཅུ་གཉིས་སྙེད་འབྱུང་། །དེ་ན་མི་རྣམས་དག་གི་ཚེ་ཡི་ཚད། །ལོ་གྲངས་བདུན་ཁྲི་དག་ཏུ་ཚང་བར་
D94.045.0201a06.01འགྱུར། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་{བཅྭ་,བཅོ་}བརྒྱད་བར་དུ་གནས། །མིག་སྦྱིན་པ་ནི་མྱ་ངན་འདས་ནས་ཀྱང་། །སྐུ་གདུང་མཆོད་རྟེན་དཔག་ཚད་གསུམ་པ་གཅིག །དེ་བཞིན་གཤེགས་པ་བསོད་ནམས་གླང་པོ་ཡི། །སྐྱེ་ཡུལ་གླང་པོ་རིན་
D94.045.0201a07.01