完整藏文原文 · 德格版页 当前仅加载第 45 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ནི་སྦྱིན་པའིའོ། །ཐམས་ཅད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཟིལ་གྱིས་མི་ནོན་པ་གང་ཡིན་པ་དེ་ནི་བཟོད་པའིའོ། །ཡོངས་སུ་བསྔོས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བསམ་གཏན་གྱིའོ། །ཡོངས་
D94.045.0082a01.01སུ་གཅོད་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མཚན་མ་མེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྨོན་པ་མེད་པར་མྱུར་དུ་ཐོབ་པ་གང་ཡིན་པ་དེ་ནི་སྦྱིན་པའིའོ། །ཆགས་པ་མེད་པ་རབ་ཏུ་ཐོབ་པ་གང་ཡིན་
D94.045.0082a02.01པ་དེ་ནི་ཚུལ་ཁྲིམས་ཀྱིའོ། །ཁམས་གསུམ་ལ་མངོན་པར་མི་བལྟ་བ་གང་ཡིན་པ་དེ་ནི་བཟོད་པའིའོ། །བར་མ་དོར་ཆུད་མི་ཟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་ལ་དམིགས་པ་གང་ཡིན་པ་དེ་ནི་བསམ་གཏན་གྱིའོ། །བག་ཆགས་འདོན་པ་གང་ཡིན་པ་དེ་ནི་ཤེས་རབ་
D94.045.0082a03.01ཀྱི་སྟེ། འདི་དག་ནི་སྨོན་པ་མེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་ཀྱི་སྙིང་པོར་སྐྱིལ་མོ་ཀྲུང་གཅིག་གིས་སྐུ་མ་དུབ་པ་གང་ཡིན་པ་དེ་ནི་སྦྱིན་པའིའོ། །སྐུ་གཟི་བྱིན་དང་ལྡན་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
D94.045.0082a04.01ཆོས་མངོན་པར་བརྗོད་པ་གང་ཡིན་པ་དེ་ནི་བཟོད་པའིའོ། །ཆོས་མངོན་པར་བརྗོད་ཅིང་ཕྱིན་ཅི་མ་ལོག་པར་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །ཐར་པ་འཛིན་པ་གང་ཡིན་པ་དེ་ནི་བསམ་གཏན་གྱིའོ། །སྒྱུ་མར་རྟོགས་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་
D94.045.0082a05.01དག་ནི་གཞན་གྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་གཞན་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ཚོང་པ་ག་གོན་གྱིས་མཆོད་སྟོན་གསོལ་བ་གང་ཡིན་པ་དེ་ནི་སྦྱིན་པའིའོ། །ཀླུ་བཏང་བཟུང་གིས་དཀྲིས་ཏེ་བཞུགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཚངས་པ་ཉེ་བར་
D94.045.0082a06.01འོངས་ནས་གསོལ་བ་འདེབས་པ་གང་ཡིན་པ་དེ་ནི་བཟོད་པའིའོ། །སངས་རྒྱས་ཀྱི་སྤྱན་གྱིས་གཟིགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །གདུལ་བ་རྣམས་ལ་ཡང་དང་ཡང་གཟིགས་པ་གང་ཡིན་པ་དེ་ནི་བསམ་གཏན་གྱིའོ། །གཏི་མུག་མེད་པའི་ཆོས་ཀྱི་འཁོར་ལོ་སྐོར་བ་ན།
D94.045.0082a07.01