完整藏文原文 · 德格版页 当前仅加载第 45 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །སངས་རྒྱས་ཡོན་ཏན་ལྡན་པ་ཕྱིར་མི་ལྡོག །དེ་དག་དགུ་འབུམ་དགུ་འབུམ་འདུས་པར་འགྱུར། །མི་ཚེ་ལོ་གྲངས་བྱེ་བ་བདུན་ཅུ་དྲུག །གྲགས་པ་མཐའ་ཡས་དག་གི་དམ་ཆོས་དག །ལོ་གྲངས་དགུ་འབུམ་ཉི་ཁྲིའི་བར་དུ་
D94.045.0204b01.01གནས། །རྒྱལ་བའི་སྐུ་གདུང་དག་ནི་རྒྱས་འགྱུར་ཏེ། །ཁམས་གསུམ་ཀུན་ཏུ་རྣམ་པར་གང་བར་འགྱུར། །འཇིག་རྟེན་མགོན་པོ་ཚངས་པ་སྐྱེ་བའི་ཡུལ། །དགའ་ཞིང་སྡུག་ལ་ཚངས་པ་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཚངས་པའི་དཔང་པོ་ཡབ། །
D94.045.0204b02.01ཚངས་དབྱངས་མ་ཞེས་བྱ་བ་རྒྱལ་བའི་ཡུམ། །སྲས་པོ་སྐད་སྙན་དན་མཆོག་རིམ་གྲོ་པ། །ཚངས་པའི་གྲོགས་ཞེས་བྱ་བ་མཁས་པ་སྟེ། །ཚངས་པ་རྣམ་པར་ལྟ་བ་རྫུ་འཕྲུལ་ཅན། །འདུས་པ་ལན་ཅིག་ཡིན་ཏེ་དགྲ་བཅོམ་པ། །ཐམས་ཅད་ཉོན་མོངས་བདུད་ནི་བཅོམ་པ་པོ། །བྱེ་བ་ཕྲག་ནི་
D94.045.0204b03.01གྲངས་ཀྱང་མེད་པ་འབྱུང་། །མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །དམ་པའི་ཆོས་ནི་ཉིན་གཅིག་གནས་པར་འགྱུར། །རྒྱལ་བ་མྱ་ངན་འདས་པའི་སྐུ་གདུང་ནི། །མཆོད་རྟེན་དཔག་ཚད་བདུན་པ་གཅིག་ཅིག་འབྱུང་།། །།
D94.045.0204b04.01འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་བདུན་པ། འཇིག་རྟེན་མགོན་པོ་སྐྱེས་མཆོག་སྐྱེ་བ་ཡི། །ཡུལ་ནི་མཆོག་ཏུ་མཛེས་པ་ཞེས་ཀྱང་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་བརྒྱ་ཡོད་ལྗོན་ཤིང་དབང་པོ་ཡབ། །ང་
D94.045.0204b05.01རྒྱལ་ལྗོན་ཤིང་མ་ནི་རྒྱལ་བའི་ཡུམ། །སྲས་པོ་མཆོག་མ་ལེགས་མཆོག་རིམ་གྲོ་པ། །ཆོས་ཀྱི་མཆོག་མ་ཞེས་བྱ་མཁས་པ་སྟེ། །གསལ་བར་གནས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་ཉི་ཤུ་ཀུན་ལ་ཡང་། །དགྲ་བཅོམ་ཐམས་ཅད་དྲི་མ་སྤྲུགས་པ་པོ། །ཐེར་འབུམ་ཕྲག་
D94.045.0204b06.01ནི་དགུ་དགུ་འབྱུང་བར་འགྱུར། །མི་ཚེ་ལོ་གྲངས་དག་ནི་སུམ་ཁྲི་ཡིན། །གྲགས་པ་མཐའ་ཡས་པ་ཡི་དམ་ཆོས་དག །ལོ་གྲངས་ཉི་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །མཆོད་རྟེན་དཔག་ཚད་དྲུག་པ་འབྱུང་བར་འགྱུར། །དེ་བཞིན་གཤེགས་
D94.045.0204b07.01