完整藏文原文 · 德格版页 当前仅加载第 45 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་བཟོད་པ་གང་ཡིན་པ་དེ་ནི་བཟོད་པའོ། །གཟུགས་ཀྱི་འདུ་ཤེས་རྣམ་པར་བཤིག་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རྣམ་པར་ཐར་པས་ངེས་པར་བྱུང་བའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ལྷག་མཐོང་གི་ཡོ་བྱད་
D94.045.0053a01.01ཞི་གནས་ཀྱི་ས་ལ་གནས་པ་གཟུངས་ཀྱིས་ཡོངས་སུ་སྦྱང་བ་བྱས་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་མངོན་པར་ཤེས་པ་རྒྱུན་ཆད་པ་མེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ལུས་འདོད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སོ་སོར་བརྟགས་པའི་
D94.045.0053a02.01སྟོབས་ཅན་མི་མཛའ་བ་རྣམས་ལ་ཡོངས་སུ་གཏོང་བའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཉམ་ཆུང་བ་རྣམས་ལ་མཐུ་མི་སྟོན་པས་ཉམས་པ་མེད་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལས་ཀྱི་སྒྲིབ་པ་ལ་ཇི་མི་སྙམ་པའི་བཟོད་པ་གང་ཡིན་པ་དེ་ནི་བཟོད་
D94.045.0053a03.01པའོ། །མི་མཛའ་བ་སྤངས་པའི་བརྩོན་འགྲུས་ནི་དཔེར་ན་རྒྱལ་པོའི་བུ་དགེ་བའི་བློ་གྲོས་ཀྱི་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །སྙིགས་མའི་དུས་ཀྱི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཐར་པ་ལ་གནས་པས་ངེས་པར་འཁོར་བར་བྱ་བར་སྦྱོར་དུ་
D94.045.0053a04.01འཇུག་པའི་ཤེས་རབ་ནི་དཔེར་ན་ཀུན་ཏུ་རྒྱུ་རྟོགས་བྱེད་ཀྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ལུས་འདོད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་གནས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཁོར་བར་ངན་སོང་གསུམ་གྱི་ཕྱིར་སྦྱིན་པ་ནི་དཔེར་ན་{རི་དགས་,རི་དྭགས་}
D94.045.0053a05.01ལ་རྔོན་པ་བྱེད་པའི་རྣམ་པར་སྨིན་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བ་དང་བྲལ་བའི་ཚུལ་ཁྲིམས་ནི་དཔེར་ན་ལྷ་ཆེན་པོས་གཅིག་ནས་གཅིག་ཏུ་བསྟན་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་སོ། །བརྙས་པས་སྡུག་བསྔལ་བར་གྱུར་ཀྱང་འཁྲུག་པ་
D94.045.0053a06.01མེད་པའི་བཟོད་པ་ནི་དཔེར་ན་བཟོད་པར་སྨྲ་བའི་ལྟ་བུ་གང་ཡིན་པ་དེ་ནི་བཟོད་པའོ། །ཚེགས་ཆེན་པོའི་གནས་སྐབས་ཐོབ་པས་སྒྱིད་ལུག་པ་མེད་པའི་བརྩོན་འགྲུས་ནི་དཔེར་ན་རྒྱ་མཚོ་ཆེན་པོར་ནོར་བུ་རིན་པོ་ཆེ་ལྟ་བུ་གང་ཡིན་པ་དེ་ནི་བརྩོན་འགྲུས་སོ། །བཙུན་མོའི་འཁོར་
D94.045.0053a07.01