完整藏文原文 · 德格版页 当前仅加载第 45 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཕ་རོལ་ཏུ་ཕྱིན་པ་དྲུག་གོ། །དེ་ལ་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྲ་མའི་ཚིག་སྤངས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །བྱམས་པ་ལ་དམིགས་པའི་ཐོགས་པ་མེད་པའི་སེམས་ཀྱི་ཚུལ་ཁྲིམས་ཀྱི་གོ་བགོས་པ་
D94.045.0057a01.01གང་ཡིན་པ་དེ་ནི་ཚུལ་ཁྲིམས་སོ། །སེམས་མཉམ་པའི་བཟོད་པ་གང་ཡིན་པ་དེ་ནི་བཟོད་པའོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་ཟང་ཟིང་མེད་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །གཟུངས་རབ་ཏུ་ཐོབ་པའི་བསམ་གཏན་གང་ཡིན་པ་དེ་ནི་
D94.045.0057a02.01བསམ་གཏན་ནོ། །རྣམ་པར་གྲོལ་བས་ཡོངས་སུ་བཟུང་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འཁོར་མི་ཕྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་
D94.045.0057a03.01གང་ཞེ་ན། ནད་པ་མགོན་མེད་པ་རྣམས་ལ་གསོས་སྦྱིན་པ་གང་ཡིན་པ་དེ་ནི་སྦྱིན་པའོ། །སྡུག་བསྔལ་གྱིས་ཉམ་ཐག་པ་རྣམས་ཡོངས་སུ་སྐྱོབ་པ་གང་ཡིན་པ་དེ་ནི་ཚུལ་ཁྲིམས་སོ། །བླ་མས་སྤྱོས་པ་བཟོད་ཅིང་མི་ཁྲོ་བ་གང་ཡིན་པ་དེ་ནི་བཟོད་པའོ། །མངལ་ན་
D94.045.0057a04.01ཀུན་ཏུ་རྨོངས་པ་གསོ་བར་བྱེད་པ་དང་། བསྟན་པ་ལས་མངོན་པར་འཕགས་པ་རྣམས་ལ་སྟོན་པ་དང་། དགེ་སློང་མ་རྣམས་ལ་རྗེས་སུ་བསྲུང་བའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །གཞན་ལ་ཕན་པའི་ཕྱིར་མ་ལ་བསྙེན་བཀུར་བྱེད་པ་གང་ཡིན་པ་
D94.045.0057a05.01དེ་ནི་བསམ་གཏན་ནོ། །སྐྱེ་བོ་མང་པོའི་འགྱོད་པ་སེལ་བའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་ཡོངས་སུ་དག་པ་བསྐྱེད་པ་སྒྲུབ་པར་བྱེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཕྱོགས་རྣམ་པར་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཐོགས་
D94.045.0057a06.01པ་མེད་པར་མིག་སྦྱིན་པ་གང་ཡིན་པ་དེ་ནི་སྦྱིན་པའོ། །སྒྲིབ་པ་མེད་པའི་སེམས་ཀྱི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །བསམ་པ་ངེས་པའི་བཟོད་པ་གང་ཡིན་པ་དེ་ནི་བཟོད་པའོ། །སྐྱོ་བ་མེད་པའི་མངོན་པར་ཤེས་པ་མ་བསྒྲུབས་པ་སྒྲུབ་པ་གང་ཡིན་པ་དེ་
D94.045.0057a07.01