完整藏文原文 · 德格版页 当前仅加载第 45 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་པའི་བསམ་པས་ཞུགས་པའི་སྦྱོར་བ་ནི་དཔེར་ན་ངང་པའི་སྐྱེས་པའི་རབས་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་ཐམས་ཅད་ལ་སེམས་མཉམ་པ་ཉིད་གང་ཡིན་པ་དེ་ནི་བཟོད་པའིའོ། །ཤེས་པ་ཐམས་ཅད་རྣམ་པར་དཔྱོད་པ་གང་ཡིན་པ་དེ་ནི་བརྩོན་འགྲུས་
D94.045.0091b01.01ཀྱིའོ། །གཞན་གྱིས་བསྒྲགས་པ་ལས་བརྟེན་ནས་སྙོམས་པར་འཇུག་པ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །འཁོར་བ་ན་ཡོངས་སུ་སྐྱོ་བ་མེད་པའི་ཤེས་པ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་
D94.045.0091b02.01བྱང་ཆུབ་སེམས་དཔའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟད་པ་ཤེས་པ་ལ་ཐོགས་པ་མེད་པར་སྦྱོར་བ་གང་ཡིན་པ་དེ་ནི་སྦྱིན་པའིའོ། །སྦྱོར་བ་ཆ་ཕྲ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མཚན་ཉིད་མེད་པ་
D94.045.0091b03.01ལ་སྦྱོར་བ་གང་ཡིན་པ་དེ་ནི་བཟོད་པའིའོ། །ཡོངས་སུ་གཅོད་པའི་དམིགས་པ་ལ་སྦྱོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་ལྟ་བར་སྦྱོར་བ་གང་ཡིན་པ་དེ་ནི་བསམ་གཏན་གྱིའོ། །མི་ཤེས་པ་ཐམས་ཅད་དང་བྲལ་ཞིང་ཤེས་པ་ཐམས་ཅད་རབ་ཏུ་ཐོབ་པ་གང་ཡིན་པ་དེ་ནི་ཤེས་
D94.045.0091b04.01རབ་ཀྱི་སྟེ། འདི་དག་ནི་ཟད་པ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྲེད་པའི་རྩ་བ་དགུ་པོ་དག་མི་སྐྱེ་བར་ཤེས་པ་གང་ཡིན་པ་དེ་ནི་སྦྱིན་པའིའོ། །གནོད་སེམས་ཀྱི་དངོས་པོ་དགུ་མི་
D94.045.0091b05.01སྐྱེ་བར་ཤེས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འཇིག་རྟེན་གྱི་ཆོས་ཀྱིས་མ་གཏུགས་པ་གང་ཡིན་པ་དེ་ནི་བཟོད་པའིའོ། །རྣམ་པར་ཐར་པ་ཡོངས་སུ་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མི་སློབ་པའི་ཤེས་པ་བཅུ་པོ་དག་མཐོང་བ་གང་ཡིན་པ་དེ་ནི་བསམ་
D94.045.0091b06.01གཏན་གྱིའོ། །ཡོངས་སུ་གཅོད་པར་འགྱུར་བ་མེད་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་སྐྱེ་བ་ཤེས་པས་རབ་ཏུ་ཕྱེ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་བྱིན་གྱི་རླབས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། དམ་པའི་ཆོས་མ་ནུབ་ཀྱི་བར་དུ་ཆོས་ཐམས་
D94.045.0091b07.01