完整藏文原文 · 德格版页 当前仅加载第 45 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་ནི་བསམ་གཏན་གྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཆོས་ཀྱི་ངོ་བོ་མཉམ་པ་ཉིད་དུ་བརྟགས་པའི་བཟོད་པ་གང་ཡིན་པ་དེ་ནི་བསམ་གཏན་གྱི་བཟོད་པའི་ཕ་རོལ་ཏུ་ཕྱིན་པའོ། །སེམས་ཀྱི་ཀུན་ནས་དཀྲིས་པ་རྣམ་པར་སེལ་བའི་བརྩོན་འགྲུས་གང་ཡིན་པ་དེ་ནི་
D94.045.0044b01.01བསམ་གཏན་གྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཐོས་པའི་བདག་ཉིད་ཀྱི་ཤེས་རབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱི་བསམ་གཏན་གྱི་ཕ་རོལ་ཏུ་ཕྱིན་པའོ། །འདོད་ཆགས་རབ་ཏུ་ཞི་བའི་ཤེས་རབ་ཀྱི་བསམ་གཏན་གང་ཡིན་པ་དེ་ནི་བསམ་གཏན་གྱི་
D94.045.0044b02.01ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བསམ་གཏན་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་མངོན་པར་ཤེས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མར་མེ་ཕུལ་བའི་རྣམ་པར་སྨིན་པ་ལྷའི་མིག་འགྲུབ་པར་འགྱུར་བ་གང་ཡིན་པ་དེ་ནི་མངོན་
D94.045.0044b03.01པར་ཤེས་པའི་སྦྱིན་པའི་ཕ་རོལ་ཏུ་ཕྱིན་པའོ། །ལྷའི་རྣ་བ་འགྲུབ་པར་འགྱུར་བ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཞིག་པ་གང་ཡིན་པ་དེ་ནི་མངོན་པར་ཤེས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྔོན་གྱི་གནས་རྗེས་སུ་དྲན་པ་འགྲུབ་པར་བྱེད་པ་གཉིས་སུ་
D94.045.0044b04.01མེད་པའི་ཡེ་ཤེས་ཀྱིས་ཡོངས་སུ་བསྔོས་པའི་བཟོད་པ་གང་ཡིན་པ་དེ་ནི་མངོན་པར་ཤེས་པའི་བཟོད་པའི་ཕ་རོལ་ཏུ་ཕྱིན་པའོ། །སེམས་ཅན་ལ་དམིགས་ཤིང་འཇིག་རྟེན་པའི་དགེ་བའི་རྩ་བ་ཡང་དག་པར་འགྲུབ་པ་གང་ཡིན་པ་དེ་ནི་མངོན་པར་ཤེས་པའི་བརྩོན་འགྲུས་ཀྱི་
D94.045.0044b05.01ཕ་རོལ་ཏུ་ཕྱིན་པའོ། །རྫུ་འཕྲུལ་བསྒྲུབ་པ་དང་། འགོག་པར་ཤེས་པ་རྒྱས་པར་བྱེད་པ་དང་། སྙོམས་པར་འཇུག་པ་ཡོངས་སུ་འཛིན་པའི་བསམ་གཏན་གང་ཡིན་པ་དེ་ནི་མངོན་པར་ཤེས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །དེ་ལས་བྱུང་བ་སེམས་ཀྱི་རྣམ་
D94.045.0044b06.01གྲངས་ཤེས་པའི་མངོན་པར་ཤེས་པ་དང་། ཟག་པ་ཟད་པར་འགྱུར་བའི་མངོན་པར་ཤེས་པ་དང་། འགོག་པའི་སྙོམས་པར་འཇུག་པ་ལས་བྱུང་བའི་ཤེས་རབ་གང་ཡིན་པ་དེ་ནི་མངོན་པར་ཤེས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་མངོན་པར་ཤེས་
D94.045.0044b07.01