完整藏文原文 · 德格版页 当前仅加载第 45 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ནི་མི་འཇིགས་པ་དང་པོའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཡང་དག་པར་ཟག་པ་ཟད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཟག་པ་ཟད་པ་གང་ཡིན་པ་དེ་ནི་སྦྱིན་པའིའོ། །བག་ཆགས་སེལ་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བ་མེད་པ་གང་ཡིན་པ་དེ་ནི་བཟོད་
D94.045.0084b01.01པའིའོ། །ཡོངས་སུ་ཤེས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དམ་བཅས་པ་ལ་འཇིག་རྟེན་གྱི་ཆོས་བརྒྱད་ཀྱིས་མི་གཡོས་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བ་ལ་ཉམས་པ་མེད་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་
D94.045.0084b02.01པ་གཉིས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ངེས་པར་འབྱིན་པའི་ལམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། ལམ་ཐབས་ལ་རྟོག་པ་གང་ཡིན་པ་དེ་ནི་སྦྱིན་པའིའོ། །འཐོབ་པར་བྱེད་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །འགོག་པ་ལ་རྟོག་པ་གང་ཡིན་པ་དེ་ནི་
D94.045.0084b03.01བཟོད་པའིའོ། །འཇུག་པར་བྱེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རབ་ཏུ་འཇོག་པར་བྱེད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་གྲོལ་བར་བྱེད་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་མི་འཇིགས་པ་གསུམ་
D94.045.0084b04.01པའི་ཕ་རོལ་ཏུ་ཕྱིན་པ་དྲུག་གོ །དེ་ལ་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གང་ཞེ་ན། བར་དུ་གཅོད་པ་རྣམས་ལ་སྐྱེ་བ་མེད་པར་རྟོག་པ་གང་ཡིན་པ་དེ་ནི་སྦྱིན་པའིའོ། །མ་སྐྱེས་པར་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆགས་པ་མེད་པར་རྟོག་
D94.045.0084b05.01པ་གང་ཡིན་པ་དེ་ནི་བཟོད་པའིའོ། །བར་དུ་གཅོད་པ་རྣམས་ཀྱི་ཁ་ན་མ་ཐོ་བ་མེད་པ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །བར་དུ་གཅོད་པ་རྣམས་ལ་ཐེ་ཙོམ་མེད་པར་རྟོག་པ་གང་ཡིན་པ་དེ་ནི་བསམ་གཏན་གྱིའོ། །བར་དུ་གཅོད་པ་རྣམས་ལ་ཆུང་ངུ་དང་། འབྲིང་
D94.045.0084b06.01དང་། ཆེན་པོས་ངེས་པ་དང་། མ་ངེས་པར་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བར་དུ་གཅོད་པའི་ཆོས་ཀྱི་གཏམ་གྱི་ཕ་རོལ་ཏུ་ཕྱིན་པ་དྲུག་གོ།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བརྒྱད་པ།
D94.045.0084b07.01