完整藏文原文 · 德格版页 当前仅加载第 45 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །སུམ་ཅུ་གསུམ་ཡོད་གཞལ་མེད་ཁང་པ་ཡབ། །ཡིད་དགའ་ཡུམ་ཡིན་ཁ་ལོ་སྒྱུར་བ་ནི། །སྲས་པོ་ཤིན་ཏུ་བདེན་པ་རིམ་གྲོ་པ། །འགྲོ་སྡུག་པ་ཞེས་བྱ་བ་མཁས་པ་སྟེ། །ཆགས་པ་མེད་པར་གནས་
D94.045.0172a01.01པ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཞི་བཅུ་སྟེ། །ཀུན་ལའང་སེམས་ནི་ཟླ་བ་ཉ་འདྲ་བ། །བྱེ་བ་ཕྲག་ནི་ཉི་ཁྲི་ཉི་ཁྲི་ཡོད། །མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །ལོ་གྲངས་སྟོང་ཕྲག་བཅུ་བཞིའི་བར་དུ་གནས། །
D94.045.0172a02.01མཚུངས་པ་མེད་པ་མྱ་ངན་འདས་ནས་ཀྱང་། །མཆོད་རྟེན་གྲངས་ནི་ཐེར་འབུམ་ཕྲག་བཅུ་འབྱུང་། །དེ་བཞིན་གཤེགས་པ་ཡོན་ཏན་སྙིང་པོ་ཡི། །སྐྱེ་བའི་ཡུལ་ནི་མཆོད་རྟེན་མཆོད་ཅེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་བདག་ཉིད་
D94.045.0172a03.01ཆེན་པོ་ཡབ། །འགྲོས་མཆོད་རྒྱལ་ཡུམ་སྲས་པོ་རྫུ་འཕྲུལ་ཅན། །ཤིན་ཏུ་འབྱོར་ཞེས་བྱ་བ་རིམ་གྲོ་པ། །ཆུ་ལྷ་དགའ་ཞེས་བྱ་བ་མཁས་པ་སྟེ། །ཚངས་པ་ལྷ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །དྲི་གསུམ་དྲི་བྲལ་ཆགས་པ་མེད་གྱུར་པ། །
D94.045.0172a04.01བྱེ་བ་ཕྲག་ནི་བརྒྱ་བརྒྱ་འབྱུང་བར་འགྱུར། །རྒྱལ་བའི་སྐུ་ཚེ་ལོ་གྲངས་ཁྲི་ཆིག་སྟོང་། །འཇིག་རྟེན་གསུམ་ལ་ཕན་ཕྱིར་དམ་ཆོས་དག །ལོ་གྲངས་ཉི་ཁྲི་སུམ་སྟོང་བར་དུ་གནས། །རྒྱལ་བའི་སྐུ་གདུང་བཅས་པའི་མཆོད་རྟེན་གཅིག །དཔག་ཚད་བཞི་པ་གདུགས་གྲངས་སྟོང་དང་ལྡན། །
D94.045.0172a05.01དེ་བཞིན་གཤེགས་པ་བདེན་པར་སྤྱོད་པ་ཡི། །སྐྱེ་བའི་ཡུལ་ནི་བདེན་པ་འདོད་ཅེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དྲུག་ཡོད་ཡབ་ནི་སྟོབས་ལྡན་ཞི། །འོད་མཛེས་པ་ཞེས་བྱ་བ་རྒྱལ་བའི་ཡུམ། །སྲས་པོ་མཆོག་ལྡན་དོན་{བཟངས་,བཟང་}རིམ་གྲོ་པ། །ཡོན་ཏན་
D94.045.0172a06.01མཐུ་རྩལ་ཞེས་བྱ་མཁས་པ་སྟེ། །མཐུ་རྩལ་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་ཉོན་མོངས་དྲི་མ་ཀུན་སྤངས་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །ཞི་བར་ཕྱིན་པའི་དམ་པའི་ཆོས་
D94.045.0172a07.01