完整藏文原文 · 德格版页 当前仅加载第 45 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་པོ་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ཆོས་ལ་བཟོད་པ་ལས་ངེས་པར་བྱུང་བའི་ཤེས་རབ་ནི་དཔེར་ན་བྲམ་ཟེའི་བུ་སྤྲིན་གྱི་ལྟ་བུ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་འོད་མཐའ་ཡས་པའི་ཕ་རོལ་
D94.045.0055a01.01ཏུ་ཕྱིན་པ་དྲུག་གང་ཞེ་ན། ཐབས་ལ་མཁས་པའི་སྦྱིན་པའི་ཕ་རོལ་ཏུ་ཕྱིན་པ་དྲུག་གི་རྣམ་པར་སྨིན་པས་སངས་རྒྱས་ཀྱི་ཞིང་མཐའ་ཡས་པར་སངས་རྒྱས་ཀྱི་འོད་ཀྱིས་འགེངས་པ་གང་ཡིན་པ་དེ་ནི་སྦྱིན་པའོ། །མི་སྐྱེ་བའི་ཆོས་ལ་བཟོད་པ་ཐོབ་པས་ཡོངས་སུ་བསྔོ་བའི་ཚུལ་ཁྲིམས་
D94.045.0055a02.01གང་ཡིན་པ་དེ་ནི་ཚུལ་ཁྲིམས་སོ། །ཆོས་ལ་འདུ་ཤེས་པའི་བཟོད་པ་ཡོངས་སུ་བསྔོ་བ་གང་ཡིན་པ་དེ་ནི་བཟོད་པའོ། །སྟོང་པ་ཉིད་ལ་སྒོམ་པར་དགའ་བའི་བརྩོན་འགྲུས་ཡོངས་སུ་བསྔོ་བ་གང་ཡིན་པ་དེ་ནི་བརྩོན་འགྲུས་སོ། །ཕྱིར་མི་ལྡོག་པའི་བསམ་གཏན་ཡོངས་སུ་བསྔོ་
D94.045.0055a03.01བ་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ལ་གནས་པའི་ཤེས་རབ་ཐམས་ཅད་དུ་ཡོངས་སུ་བསྔོ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་འོད་མཐའ་ཡས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཤི་
D94.045.0055a04.01བ་ལ་ཐུག་པའི་སྦྱིན་པ་གང་གི་རྣམ་པར་སྨིན་པས་དགའ་ལྡན་ནས་ཤི་འཕོས་པ་ན་{ཡི་དགས་,ཡི་དྭགས་}རྣམས་ཀྱི་བཀྲེས་པ་ཕྱིད་པ་གང་ཡིན་པ་དེ་ནི་སྦྱིན་པའོ། །ཤི་བ་ལ་ཐུག་པ་རྣམས་བཅིངས་པ་ལས་དགྲོལ་བའི་ཕྱིར་བདག་ཉིད་གཏོང་བའི་ཚུལ་ཁྲིམས་ནི་དཔེར་ན་རྒྱལ་པོའི་བུ་ལེགས་བྱིན་གྱི་
D94.045.0055a05.01སྔོན་གྱི་ཚུལ་གང་ཡིན་པ་དེ་ནི་ཚུལ་ཁྲིམས་སོ། །བཟོད་པ་ནི་དཔེར་ན་ཉའི་སྐྱེས་པའི་རབས་ལས་གྲོག་སྦུར་དེ་དག་གིས་བདག་གི་ཤ་ཟོས་ནས་བདེ་བར་གྱུར་ན་ལེགས་སོ་ཞེས་བྱ་བ་གང་ཡིན་པ་དེ་ནི་བཟོད་པའོ། །རྟའི་རྒྱལ་པོ་རྔོག་ལྡན་སྡུག་བསྔལ་བ་རྣམས་ལ་སྙིང་བརྩེ་བའི་
D94.045.0055a06.01ཕྱིར་བརྩོན་པ་གང་ཡིན་པ་དེ་ནི་བརྩོན་འགྲུས་སོ། །ནད་ཀྱི་བར་གྱི་བསྐལ་པའི་བསམ་གཏན་ནི་དཔེར་ན་བྲམ་ཟེའི་བུ་དེ་བི་དྷ་འཛམ་བུའི་གླིང་དུ་རེག་པ་ལྔ་ཞི་བར་བྱེད་པ་ལྟ་བུ་གང་ཡིན་པ་དེ་ནི་བསམ་གཏན་ནོ། །ཚོང་པ་ལྔ་བརྒྱ་དང་རྒྱལ་པོའི་སྲས་མོ་བུ་མོ་ལྔ་བརྒྱ་དག་ཐར་བར་
D94.045.0055a07.01