完整藏文原文 · 德格版页 当前仅加载第 45 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་རྒྱལ་མཚན་གྱི། །སྐྱེ་བའི་ཡུལ་ནི་མེ་ཏོག་ལྡན་ཞེས་བྱ། །དེའི་རིགས་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་ཡབ་ནི་ཚོགས་དབང་པོ། །དེའི་ཡུམ་ལུས་མཆོག་ཅེས་ནི་བྱ་བ་ཡིན། །ཡོན་ཏན་སྟོབས་སྲས་སྒྲ་གཅན་རིམ་གྲོ་པ། །ཁ་ལོ་
D94.045.0127b01.01སྒྱུར་ཞེས་བྱ་བ་མཁས་པ་སྟེ། །སྤྲིན་པོ་ཆེ་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་དྲང་སྲོང་མཆོག་དགྲ་བཅོམ། །ཚོགས་པ་བྱེ་བ་བརྒྱ་ཕྲག་གསུམ་ཡང་ཡོད། །གཉིས་པར་གཉིས་ཡོད་གསུམ་པར་བྱེ་བརྒྱ་གཅིག །དེ་ཚེ་མི་ཚེ་ལོ་གྲངས་སྟོང་ཡིན་ནོ། །མྱ་ངན་
D94.045.0127b02.01འདས་པ་དེ་ཡི་དམ་ཆོས་དག །ལོ་གྲངས་སུམ་སྟོང་བར་དུ་གནས་པར་འགྱུར། །མྱ་ངན་འདས་པའི་མཆོད་རྟེན་བྱེ་བ་སྟེ། །སྐུ་གདུང་དམ་པ་རྣམས་ཀྱང་འཕེལ་བར་འགྱུར། །དེ་བཞིན་གཤེགས་པ་མཆོག་དགའ་གྲགས་པ་ཡི། །སྐྱེ་བའི་ཡུལ་ནི་བསོད་ནམས་ལྡན་ཞེས་
D94.045.0127b03.01བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བཅུ་ཡོད་ཡབ་ནི་འདྲོན་{བཟངས་,བཟང་}ཡིན། །དེ་ཡི་ཡུམ་ནི་སྤྲིན་ལྡན་མ་ཞེས་བྱ། །སྲས་ནི་རྒྱལ་པོ་སྐྱེ་ལྡན་རིམ་གྲོ་པ། །ཚུལ་ཁྲིམས་དགའ་ཞེས་བྱ་བ་ཤེས་རབ་ཅན། །བདུད་རྩི་སྟོབས་ཞེས་བྱ་བ་རྫུ་འཕྲུལ་ཅན། །
D94.045.0127b04.01འདུས་པ་དང་པོར་བྱེ་བ་ཕྲག་དྲུག་ཡོད། །གཉིས་པར་ལྔ་ཡོད་གསུམ་པར་གཉིས་ཡོད་དོ། །དེ་ཡི་ཚེ་ན་འདྲེན་པའི་སྐུ་ཚེའི་ཚད། །ལོ་གྲངས་སྟོང་ཕྲག་བརྒྱད་ཅུ་རྩ་གཉིས་ཡིན། །འདྲེན་པ་ཡོངས་སུ་མྱ་ངན་འདས་ནས་ཀྱང་། །དམ་ཆོས་ལོ་གྲངས་བྱེ་བ་ཕྲག་གཉིས་གནས། །
D94.045.0127b05.01མཆོད་རྟེན་འབུམ་ཕྲག་བདུན་ཅུ་རྩ་གཉིས་ཏེ། །རྒྱལ་མཚན་གྱིས་བརྒྱན་གདུགས་སྟོང་དག་གིས་ཁྱབ། །ཡོན་ཏན་མཐའ་ཡས་བརྩོན་འགྲུས་བརྟན་པ་ཡི། །སྐྱེ་བའི་ཡུལ་ནི་དགའ་སྡུག་ཅེས་ཀྱང་བྱ། །དེ་བཞིན་གཤེགས་རིགས་རྒྱལ་རིགས་འོད་ཀྱི་ཚད། །དཔག་ཚད་གཅིག་ཡོད་
D94.045.0127b06.01ཡབ་ནི་མྱ་ངན་མེད། །དེ་ཡི་ཡུམ་ནི་མེ་ཏོག་ལྡན་ཞེས་བྱ། །སྲས་པོ་འབྱོར་ལྡན་གྲགས་པ་རིམ་གྲོ་པ། །འོད་བྱེད་རྒྱལ་པོ་ཞེས་བྱ་ཤེས་རབ་ཅན། །ལེགས་དོན་སྤྱོད་ཅེས་བྱ་བ་རྫུ་འཕྲུལ་ཅན། །དགེ་སློང་ཚོགས་པ་བྱེ་བརྒྱ་ལྔ་བཅུ་དྲུག །དེ་ཚེ་འདུས་པ་གཉིས་པར་ལྔ་བཅུ་ཡོད། །
D94.045.0127b07.01