完整藏文原文 · 德格版页 当前仅加载第 45 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་མེད་འདམ་བརྒལ་སྦྱངས་པ་པོ། །བྱེ་བ་ཕྲག་ནི་བཅུ་བཅུ་ཁོ་ན་ཡོད། །མི་ཚེའི་ཚད་ནི་ལོ་གྲངས་སུམ་བརྒྱ་ཡིན། །རྣམ་པར་གྲོལ་བར་ཕྱིན་པའི་དམ་ཆོས་དག །ལོ་གྲངས་སྟོང་ཕྲག་བཅུ་ཡི་བར་དུ་གནས། །མཆོད་རྟེན་བྱེ་བ་བརྒྱ་ཕྲག་གཉིས་ཡོད་དེ། །གསེར་
D94.045.0160a01.01ལས་བྱས་པའི་དྲ་བས་ཀུན་ཏུ་གཡོགས། །དེ་བཞིན་གཤེགས་པ་ཤིན་ཏུ་མཐོར་གཤེགས་ཀྱི། །སྐྱེ་བའི་ཡུལ་ནི་ལྷ་ཡིས་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་ཚད། །དགུ་བཅུ་གཉིས་ཡོད་ལྗོན་པའི་དབང་པོ་ཡབ། །དགའ་བ་ཅན་ནི་ཡུམ་ཡིན་སྲས་
D94.045.0160a02.01པོ་ནི། །ཡོན་ཏན་དགའ་བ་རྒྱལ་བ་རིམ་གྲོ་པ། །དགྲ་བཅོམ་དགའ་ཞེས་བྱ་བ་མཁས་པ་སྟེ། །དགེ་སློང་སྐར་མཁན་གྲགས་པ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །ཀུན་ལའང་སེམས་ཞི་དུལ་བར་ལྡན་པ་དག །བྱེ་བ་ཕྲག་ནི་ཉི་ཤུ་གཉིས་གཉིས་
D94.045.0160a03.01ཡོད། །མི་ཚེ་ལོ་གྲངས་སྟོང་ཕྲག་བཞི་བཅུ་ཡིན། །རྟོག་པ་མེད་པ་དེ་ཡི་དམ་ཆོས་དག །ལོ་གྲངས་སྟོང་ཕྲག་དགུ་ཡི་བར་དུ་གནས། །རྒྱལ་བའི་མཆོད་རྟེན་དཔག་ཚད་གསུམ་པ་གཅིག །གསེར་དག་གིས་ནི་རྣམ་པར་སྤྲས་པར་འགྱུར། །མི་ཡི་མཆོག་མ་སྐྱེ་བའི་དབང་པོ་ཡི། །
D94.045.0160a04.01སྐྱེ་བའི་ཡུལ་ནི་འཇིག་རྟེན་འཕགས་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ཤིན་ཏུ་མཆོད། །འཇིགས་པ་མེད་པ་ཡུམ་ཡིན་སྲས་པོ་ནི། །འཇིག་རྟེན་དགའ་བ་རྒྱལ་བ་རིམ་གྲོ་པ། །ཚོགས་ཅན་བློ་ཞེས་བྱ་བ་མཁས་པ་སྟེ། །
D94.045.0160a05.01འབྲུག་སྒྲ་དབྱངས་ཞེས་བྱ་བ་རྫུ་འཕྲུལ་ཅན། །འདུས་པ་དག་ནི་ལན་གྲངས་བཅུ་དྲུག་སྟེ། །ཀུན་ལའང་དྲི་གསུམ་དྲི་དག་ཡིད་ལྡན་པ། །སེམས་སྦྱངས་བྱེ་བ་ཕྲག་ནི་དྲུག་དྲུག་ཡོད། །མི་ཚེའི་ཚད་ནི་ལོ་གྲངས་ཉིས་སྟོང་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་
D94.045.0160a06.01གྲངས་སྟོང་ཕྲག་བདུན་ཅུ་གཉིས་སུ་གནས། །མཆོད་རྟེན་བྱེ་བ་སྟོང་ཕྲག་གཉིས་ཚང་སྟེ། །རིན་པོ་ཆེ་ཡིས་རྣམ་པར་སྤྲས་པར་འགྱུར། །སྨྲ་བའི་ཟླ་བ་བློ་གྲོས་བཟང་པོ་ཡི། །སྐྱེ་བའི་ཡུལ་ནི་ངེས་པའི་མདངས་ཞེས་བྱ། །རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །དཔག་
D94.045.0160a07.01