完整藏文原文 · 德格版页 当前仅加载第 45 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དཔག་ཚད་དྲུག་ཅུའོ། །ཡབ་ནི་མངོན་ཤེས་བྱིན་ཞེས་བྱའོ། །ཡུམ་ནི་ཡིད་འོང་སེམས་ཞེས་བྱའོ། །སྲས་ནི་ཟིལ་མི་ནོན་ཞེས་བྱའོ། །རིམ་གྲོ་པ་ནི་ཕན་པར་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཐུན་པར་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་
D94.045.0153b01.01ཏུ་འགྲོ་ཞེས་བྱའོ། །འདུས་པ་ནི་ལན་ཉི་ཤུ་སྟེ་ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསམ་གཏན་དགྱེས་སྐྱེ་བའི་ཡུལ་ནི་ཞི་བ་
D94.045.0153b02.01ཉམས་དགའ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་བརྒྱའོ། །ཡབ་ནི་རླུང་གནས་ཞེས་བྱའོ། །ཡུམ་ནི་མི་གནས་སེམས་ཞེས་བྱའོ། །སྲས་ནི་རིན་ཆེན་རབ་ཞི་ཞེས་བྱའོ། །རིམ་གྲོ་པ་ནི་ཆོས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་
D94.045.0153b03.01པར་དག་སྤྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་ལ་དད་པ་ཞེས་བྱའོ། །འདུས་པ་ནི་ལན་དགུ་སྟེ་ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ནི་ལོ་བདུན་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་
D94.045.0153b04.01རྒྱས་པར་འགྱུར་རོ། །དེ་བཞིན་གཤེགས་པ་རྫོགས་ལྡན་སྐྱེ་བའི་ཡུལ་ནི་བཀོད་པ་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་མི་ཐུབ་པ་མེད་པ་ཞེས་བྱའོ། །ཡུམ་ནི་བློ་མཚུངས་མ་ཞེས་བྱའོ། །སྲས་ནི་བློ་གྲོས་ཞི་བ་ཞེས་
D94.045.0153b05.01བྱའོ། །རིམ་གྲོ་པ་ནི་སྡུག་པར་ལྟ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཛིན་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤེས་རབ་འདོད་ཅེས་བྱའོ། །འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་
D94.045.0153b06.01ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྣམ་པར་རོལ་པ་སྐྱེ་བའི་ཡུལ་ནི་བཀོད་པ་དཔག་ཏུ་མེད་པ་ཞེས་བྱའོ། །རིགས་ནི་རྒྱལ་རིགས་སོ། །
D94.045.0153b07.01