完整藏文原文 · 德格版页 当前仅加载第 92 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་བུད་ཅིང་བཟླས་བརྗོད་བྱས་ན། བུས་པ་ཙམ་གྱི་མོད་ལ་ཐམས་ཅད་རབ་ཏུ་ཞི་བར་འགྱུར་རོ། །ཆར་མི་འབབ་པའི་ཚེ། ཀླུའི་གནས་མཚོ་འགྲམ་དུ་བུས་ན་མོད་ལ་ཀླུའི་རྒྱལ་པོ་རྣམས་ཆར་པའི་རྒྱུན་གཏོང་བར་འགྱུར་རོ། །ཆར་ཆེས་པའི་ཚེ་སྤྲིན་ལོགས་སུ་
D686.092.0315a01.01བུས་ན་ཤིན་ཏུ་ཆར་ཆེ་བ་ཞི་བར་འགྱུར་རོ། །ལན་འགའ་ཡང་མཚན་མ་ངན་པ་དང་། བཀྲ་མི་ཤིས་པ་འབྱུང་བར་མི་འགྱུར་རོ། །མཚམས་ཆེན་པོ་གཅད་ན་རི་མཐོན་པོའི་ཁར་བུས་ཏེ། ཇི་ཙམ་དུང་སྒྲ་ཐོས་པ་དེ་ཙམ་ཚུན་ཆད་མཚམས་ཆེན་པོ་གཅད་པར་བྱས་པར་འགྱུར་རོ། །
D686.092.0315a02.01དཀྱིལ་འཁོར་མཚམས་གཅད་ན་བསྐོར་ཞིང་བུས་ན་དཀྱིལ་འཁོར་གྱི་མཚམས་གཅད་པ་བྱས་པར་འགྱུར་རོ། །དེ་ནས་ཁྲོ་བོའི་རྒྱལ་པོའི་སྦྱིན་སྲེག་གི་ཆོ་ག་སྒྲུབ་པ་བླ་ན་མེད་པ་ཐམས་ཅད་བྱ་བ་ལ་སེམས་ཅན་ཐམས་ཅད་ཞི་བར་བྱ་བ་ལ་ནས་དང་ཡུངས་ཀར་དང་མར་བསྲེས་ལ་
D686.092.0315a03.01ཤིང་ཨརྐའི་མེ་བུས་ཏེ། ལན་ཉི་ཤུ་རྩ་གཅིག་སྦྱིན་སྲེག་བྱས་པ་ཙམ་གྱིས་དཔག་ཚད་ཀྱི་ནང་ཀུན་དུ་ཞི་བ་ཆེན་པོར་འགྱུར་རོ། །ཡམས་ཀྱི་ནད་ཀྱི་གནོད་པ་ཐམས་ཅད་དང་། འཐབ་པ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་བརྒྱ་རྩ་
D686.092.0315a04.01བརྒྱད་སྦྱིན་སྲེག་བྱས་ན་དཔག་ཚད་སྟོང་ཀུན་ཏུ་ཞི་བ་ཆེན་པོའི་ལས་བྱས་པར་འགྱུར་རོ། །རྒྱས་པ་བྱས་ན་ཡུངས་ཀར་དང་། འབྲས་སཱ་ལུ་དང་། ཁ་ར་དང་། སྦྲང་རྩི་དང་མར་དང་བསྲེས་ཏེ། སྦྱིན་སྲེག་བྱ་བ་ནི་ལན་བདུན་སྦྱིན་སྲེག་བྱས་ན་དཔག་ཚད་བརྒྱ་ཀུན་དུ་རྒྱས་པ་
D686.092.0315a05.01ཆེན་པོར་འགྱུར་རོ། །ལན་ཉི་ཤུ་རྩ་གཅིག་སྦྱིན་སྲེག་བྱས་ན་དཔག་ཚད་བརྒྱ་ཚུན་ཆད་རྒྱས་པ་ཆེན་པོར་འགྱུར་རོ། །ལན་བརྒྱ་རྩ་བརྒྱད་སྦྱིན་སྲེག་བྱས་ན་དཔག་ཚད་བརྒྱ་སྟོང་ཀུན་དུ་རྒྱས་པ་ཆེན་པོར་འགྱུར་རོ། །ཤིང་དྲི་མི་ཞིམ་པའི་མེ་བུས་ཏེ། འབྲས་ཀྱི་ཕུབ་མ་དང་།
D686.092.0315a06.01ལན་ཚྭ་དང་། ཡུངས་ཀར་མར་དང་བསྲེས་ཏེ་ཤིང་ཚེར་མ་ཅན་གྱི་ཡམ་སྲེག་ཤིང་གིས་མེ་སྦར་ཏེ་སྦྱིན་སྲེག་ལན་བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བྱས་ན་ཡིད་ལ་ཇི་ལྟར་སེམས་ཤིང་འདོད་པ་ཐམས་ཅད་དུ་མངོན་སྤྱོད་ཀྱི་ལས་རྣམས་བྱེད་པར་འགྱུར་རོ། །
D686.092.0315a07.01