完整藏文原文 · 德格版页 当前仅加载第 92 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཕེལ་ལོ། །ལྷ་རྣམས་ཀྱི་ནང་ན་ལྷའི་དབང་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་བཅས་པས་རྟག་ཏུ་མཆོད་པའི་གནས་སུ་འགྱུར་གྱིས་རིག་སྔགས་འཆང་གིས་ཐེ་ཚོམ་མི་བྱའོ། །དཔྲལ་བའི་སྟེང་དུ་ཐིག་ལེ་
D686.092.0190a01.01བྱེད་པ་ནི་རྟག་ཏུ་མཛེས་པ་ཡིན་ཏེ། ཉི་མ་ལྟར་འོད་ཟེར་གྱི་དྲ་བ་སྟོང་གིས་གསལ་ཤིང་ཤེལ་ལྟར་དག་པ་མདོག་དཀར་བ་དྲི་ཞིམ་པ་དང་། གླང་པོ་ཆེའི་བྱ་བ་དང་། དཔྲལ་བ་དང་། བ་ལང་གི་གནས་ལྟར་སྐྱོན་མེད་ཅིང་མཉམ་པར་མཐུན་ལ་ཤིན་ཏུ་དུལ་བ། དེད་
D686.092.0190a02.01དཔོན་གཅིག་པུའི་ནོར་བུར་གྱུར་ཅིང་གསང་སྔགས་འབུམ་བཟླས་པས་ལེགས་པར་བསྒྲུབས་པ། གསེར་དང་། གོས་ལྟར་ཀུན་དུ་འབར་བ་ནི་ཐིག་ལེ་ཡིན་ནོ། །སྨིན་མཚམས་ཀྱི་བར་དཔྲལ་བ་ན་ཤིན་ཏུ་ཕྲ་བ་རྟག་ཏུ་རྟག་པར་མཛེས་པ་ནི་ཟླ་བ་ཉ་བ་མཁའ་ལ་འགྲོ་
D686.092.0190a03.01བ་ལྟ་བུ་ཡིན་ལ། སྐྱེ་བོའི་དབུས་ན་གསལ་བ་ནི་རྒྱུ་སྐར་གྱི་རྒྱལ་པོ་ཟླ་བ་དབུས་ན་གནས་པ་བཞིན་རང་གི་འཁོར་གྱི་དབུས་ན་ལྷ་རྣམས་ཀྱི་རྒྱལ་པོ་དབང་པོ་བརྒྱ་བྱིན་ལྟ་བུ་ཡིན་ལ། སྐྱེ་བོའི་དབུས་ན་ནི་འཇིག་རྟེན་གྱི་རྒྱལ་པོ་གདུགས་གཅིག་པ་ལྟར་འབར་བ་ཡིན། འཇིག་
D686.092.0190a04.01རྟེན་གྱི་ནང་ན་གདུགས་གཅིག་པ་བདེ་བར་གཤེགས་པ་ལྟར་ཤིན་ཏུ་དུལ་བ་ཡིན་ལ། ཤཱཀྱའི་རིགས་ཀྱི་རྒྱུད་ལྟར་སེམས་ཅན་ཐམས་ཅད་ལ་ཕན་པར་འདོད་པ་དེ་བཞིན་དུ་ནོར་བུ་མཆོག་རྣམ་པར་དག་པ་ནི་སེམས་ཅན་ཐམས་ཅད་ལ་ཕན་པར་འདོད་པ་ཡིན་ནོ། །ལྷ་དང་
D686.092.0190a05.01བཅས་པའི་འཇིག་རྟེན་ན་ཇི་ལྟར་འཇིག་རྟེན་དབང་ཕྱུག་གཅིག་པུ་ལྟར་མཆོག་དང་། རབ་མཆོག་སེམས་ཅན་ཐམས་ཅད་ཀྱི་དོན་དུ་སྦྱིན་པར་བྱེད་དེ་དེ་ལྟར་ཐིག་ལེ་ནོར་བུའི་མཐུ་ནི་འདོད་པ་ཐམས་ཅད་རབ་ཏུ་སྦྱིན་པར་བྱེད་དོ། །ལྷ་དང་། ཀླུ་དང་། གནོད་སྦྱིན་དང་བཅས་པ་
D686.092.0190a06.01དབང་དུ་འགྱུར་ཞིང་སུམ་ཅུ་རྩ་གསུམ་གྱི་བདག་པོ་དབང་དུ་འགྱུར་བར་རྗེས་སུ་འགྲོ་བ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་འདོང་བར་གྱུར་པ་ཐམས་ཅད་ཀྱང་དབང་དུ་འགྱུར་བ་ནི་མཁའ་ལ་སྐར་མ་ལྟར་དཔྲལ་བར་
D686.092.0190a07.01