完整藏文原文 · 德格版页 当前仅加载第 92 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར། ཚེ་བརྗེས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །དེ་ལྟ་བས་ན་ལེགས་པར་སྒྲུབ་པ་མཐར་ཐུག་པར་བྱ་ཞིང་བསྒྲུབ་པར་བྱ། མཐུ་སྟོབས་ཀྱིས་སྦྱར་བར་བྱ། ཤིན་ཏུ་གསལ་ཞིང་རབ་ཏུ་གསལ་བའི་བསམ་པ་འབད་པས་སྦྱར་བར་བྱ།
D686.092.0235b01.01རང་གི་ཤ་དང་ཁྲག་ཀྱང་ཡོངས་སུ་བཏང་ནས་བཙལ་བར་བྱ་ཞིང་ཆོ་ག་ཞིབ་མོའི་རྒྱལ་པོ་ཡོངས་སུ་བཙལ་བར་བྱ་བ་ཡིན་ན་ཕྱི་རོལ་གྱི་དངོས་པོ་ནོར་དང་། འབྲུ་དང་། དབྱིག་དང་། གསེར་དང་། དངུལ་དང་། གོས་དང་། རྒྱན་རྣམས་ཡོངས་སུ་བཏང་ནས་ཡོངས་སུ་བཙལ་
D686.092.0235b02.01བར་བྱ་བ་ལྟ་སྨོས་ཀྱང་ཅི་དགོས་ཏེ། སྲོག་གཏང་བར་བྱའི་དེ་གཏང་བར་མི་བྱའོ། །དོན་ཡོད་པའི་ཞགས་པའི་སྙིང་པོ་རྣམ་པར་ཐར་བའི་དཀྱིལ་འཁོར་རིམ་པར་ཕྱེ་བ་སྒྲུབ་པ་འདི་བཙལ་བར་བྱ་ཞིང་བསྒྲུབ་པར་བྱའོ། །འདིའི་དུས་ཕྱི་མའི་ཚེ་ན་སེམས་ཅན་ཐམས་ཅད་ལ་སངས་
D686.092.0235b03.01རྒྱས་ཀྱི་མཛད་པ་བྱེད་པར་འགྱུར། སེམས་ཅན་ཐམས་ཅད་ཡང་དག་པ་ཉིད་ཀྱི་དད་པས་སངས་རྒྱས་ཉིད་དུ་མངོན་པར་རྫོགས་པར་འཚང་རྒྱ་བར་འགྱུར། ཕྱིར་མི་ལྡོག་པར་འགྱུར་ཞིང་ནམས་ཀྱང་ངན་འགྲོ་ལོག་པར་འགྲོ་བར་མི་འགྱུར་རོ། །ནོར་བུའི་རིལ་བུ་སྒྲུབ་པའི་དཀྱིལ་
D686.092.0235b04.01འཁོར་གྱི་ཆོ་གའོ།། །།དེ་ནས་དེའི་ཕྱིར་དོན་ཡོད་པ་ཡངས་པའི་དཀྱིལ་འཁོར་ཆེན་པོ་དོན་ཡོད་པ་ཆེན་པོའི་རྣམ་པར་འཕྲུལ་པའི་དངོས་གྲུབ་ཀྱི་སྨན་ནོར་བུ་དང་། གསང་སྔགས་རྣམས་བཤད་པར་བྱ་སྟེ། སྨན་ནོར་བུ་དང་། གསང་སྔགས་དང་། དཀྱིལ་འཁོར་དང་།
D686.092.0235b05.01ཕྱག་རྒྱའི་མཐུ་དེས་ཕྱི་མའི་དུས་ཕྱི་མའི་ཚེ་ན་རིག་སྔགས་འཆང་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་སྤྱིའི་གསང་བའི་དཀྱིལ་འཁོར་རྣམ་པ་སྣ་ཚོགས་སྒྱུ་མ་ལྟ་བུའི་ངོ་བོ་ཉིད་བསྟན་པ་ཡང་དག་པར་སྟོན་པར་མཛད། བཀླགས་པས་གྲུབ་པ།
D686.092.0235b06.01རིགས་ཀྱི་དམ་ཚིག་སྤྱིའི་གསང་བ་ཐམས་ཅད་དུ་ཉེ་བར་སྟོན་པར་མཛད་དོ། །རིག་སྔགས་འཆང་རྣམས་ཀྱི་ངལ་བ་འབྲས་བུ་མེད་པ་གཞན་དུ་འགྱུར་བ་མེད་དོ། །ངལ་བ་དང་། དུབ་པ་དང་། འབད་པའི་བཟླས་བརྗོད་ཀྱི་ཆོ་ག་འབྲས་བུ་མེད་པར་མི་འགྱུར་བར་བྱ་བའི་ཕྱིར་རང་གི་
D686.092.0235b07.01