完整藏文原文 · 德格版页 当前仅加载第 92 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་རྣམས་ཀྱི་དབང་དུ་མཛད་ནས་ཆོས་སྟོན་པར་མཛད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་
D686.092.0002a01.01པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བ་བཏུད་ནས། བཅོམ་ལྡན་འདས་ག་ལ་བ་དེ་ལོགས་སུ་འཛུམ་པའི་བཞིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་འདི་དོན་ཡོད་པའི་ཞགས་པའི་རྒྱལ་པོའི་སྙིང་པོ་ཞེས་བགྱི་བ་མཆིས་ཏེ།
D686.092.0002a02.01བདག་གིས་བསྐལ་པ་དགུ་བཅུ་རྩ་གཅིག་གི་སྔོན་ལོགས་སུ་འཇིག་རྟེན་གྱི་ཁམས་རྣམ་པར་བལྟ་བར། དེ་བཞིན་གཤེགས་པ་འཇིག་རྟེན་དབང་ཕྱུག་རྒྱལ་པོ་ལས་མནོས་ནས། འདི་ལྟར་བདག་གིས་དབང་ཕྱུག་དང་། དབང་ཕྱུག་ཆེན་པོ་ལ་སོགས་པ་ལྷའི་བུ་རྣམས་དང་། གནས་
D686.092.0002a03.01གཙང་མའི་ལྷའི་བུ་བརྒྱ་སྟོང་ཕྲག་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་དུ་སྩལ་ནས། བདག་གིས་རྨོངས་པ་མ་མཆིས་པའི་ཡེ་ཤེས་བཀོད་པ་ལ་སོགས་ཏེ་ཏིང་ངེ་འཛིན་བརྒྱ་སྟོང་ཕྲག་བཅུ་ཐོབ་པར་བགྱིས་ལགས་སོ། །བཅོམ་ལྡན་འདས་འདི་ལྟར་ཡངས་
D686.092.0002a04.01ཕྱོགས་གང་དུ་སྙིང་པོ་འདི་སྤྱོད་པའི་ས་ཕྱོགས་དེར། དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་ལ་སོགས་པ་ལྷའི་བུ་ཁྲི་ཉིས་སྟོང་བསྲུང་བ་དང་། བསྐྱབ་པ་དང་། སྦ་བའི་སླད་དུ་གནས་པར་རིག་པར་བགྱི་ལགས་སོ། །བཅོམ་ལྡན་འདས་གང་ན་དོན་ཡོད་
D686.092.0002a05.01པའི་ཕུན་སུམ་ཚོགས་པའི་སྙིང་པོ་འདི་སྤྱོད་པའི་ས་ཕྱོགས་དེ་མཆོད་རྟེན་དུ་ཡང་བཀུར་བར་འགྱུར་ལགས་སོ། །བཅོམ་ལྡན་འདས་སེམས་ཅན་དེ་དག་ནི་སངས་རྒྱས་བྱེཾ་བ་ཁྲག་ཁྲིག་བརྒྱ་སྟོང་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་ལགས་སོ། གང་ཞིག་དོན་ཡོད་
D686.092.0002a06.01