完整藏文原文 · 德格版页 当前仅加载第 92 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་མའི་བར་དུ་བསྐུ་ཞིང་ཁྲོས་པས་གསང་སྔགས་ལན་ཅིག་བཟླས་བརྗོད་བྱས་ཤིང་གུ་གུལ་ལ་བཟླས་བརྗོད་བྱས་ཏེ། བདུག་པ་དབུལ་ཞིང་མིག་མི་འཛུམས་པར་བལྟས་ན་དཔལ་ལྡན་ལྷ་མོ་ཆེན་མོ་བཀའ་སྩོལ་ཅིང་མཆོག་ཐམས་ཅད་སྦྱིན་པར་བྱེད་དོ། །ནོར་ཤིན་
D686.092.0314a01.01ཏུ་མང་པོ་རྙེད་པ་སྦྱིན་པར་མཛད་དེ། དཔལ་ལྷ་མོ་ཆེན་མོ་རྟག་ཏུ་ཁྱིམ་ན་གནས་པར་འགྱུར་རོ། །ཡོ་བྱད་ཐམས་ཅད་ཀྱིས་ཡོངས་སུ་སྐྱོང་བར་འགྱུར་རོ། །ནམ་འཚོའི་བར་དུ་བསྙེན་བཀུར་བྱེད་པར་འགྱུར་རོ། །མིའི་འོ་མ་དང་ལྷན་ཅིག་ཏུ་བདར་ལ་ལན་ཅིག་བཟླས་བརྗོད་
D686.092.0314a02.01བྱས་ཏེ་མིག་ལ་བསྐུས་ན་གཏེར་ཐམས་ཅད་མཐོང་བར་འགྱུར་རོ། །མཚན་མོའང་ཉིན་པར་བཞིན་དུ་མཐོང་བར་འགྱུར་རོ། །མཆུའི་ཐོར་ཏོ་ལ་ཐིག་ལེ་བྱ་ཞིང་ལན་ཅིག་བཟླས་བརྗོད་བྱས་ན་གང་ལ་སྨྲ་བ་དེ་དབང་དུ་འགྱུར་ཞིང་གང་འདོད་པ་དེ་ཐམས་ཅད་ཐོབ་པར་འགྱུར་
D686.092.0314a03.01རོ། །ཚིག་གཟུང་བར་བྱ་བར་འགྱུར་རོ། །ཁ་ནས་ཨུཏྤ་ལའི་དྲི་མནམ་པར་འགྱུར་རོ། །གདོན་ལ་ཐིག་ལེ་བྱས་ན་ཟིན་པ་དང་། མ་ཟིན་པ་འབབ་པར་འགྱུར་རོ །གདོན་ཐམས་ཅད་ལ་ཐིག་ལེ་བྱ་ཞིང་ལན་ཅིག་གསང་སྔགས་དྲན་པར་བྱས་ན་མོད་ལ་ཚངས་
D686.092.0314a04.01པའི་སྲིན་པོ་ལ་སོགས་པའི་བར་དུ་ཐམས་ཅད་ངུ་ཞིང་འབྲོས་པར་འགྱུར་རོ། །ཐིག་ལེ་ཙམ་དང་དྲན་པ་ཙམ་གྱིས་ཐམས་ཅད་ལས་ཡོངས་སུ་ཐར་བར་འགྱུར་རོ། །འཇིགས་པ་ཐམས་ཅད་ལ་ཐིག་ལེ་བྱས་ན་ཡོངས་སུ་ཐར་བར་འགྱུར་རོ། །ཕྲག་པ་གཉིས་ལ་
D686.092.0314a05.01ཐིག་ལེ་བྱ་ཞིང་ཁྲོ་བོ་ལན་ཅིག་དྲན་པར་བྱས་ན་ཕྲག་པ་གཉིས་འབར་བར་འགྱུར་རོ། །མཚལ་དང་སྦྱར་ཏེ་དྲི་ཆབ་དང་བསྲེས་ནས་ལག་པ་དང་རྐང་པ་ལ་བསྐུ་ཞིང་གསང་སྔགས་ལན་བདུན་དྲན་པར་བྱས་ནས་ཕུ་ཞེས་བྱས་ན་མེ་འབར་བར་འགྱུར་ཏེ། ཇི་ཙམ་འདོད་ཀྱི་
D686.092.0314a06.01བར་དུ་འབར་བ་འབྱུང་བར་འགྱུར་རོ། །མཆུ་ལ་བསྐུ་ཞིང་བཟླས་བརྗོད་བྱས་ན་དབུགས་རྒྱུ་བ་རྣམས་མེ་འབར་བ་འབྱུང་བར་འགྱུར་རོ། །ལུས་མཐའ་དག་བསྐུ་ཞིང་གསང་སྔགས་མང་དུ་བཟླས་བརྗོད་བྱས་ན་ལུས་མཐའ་དག་འབར་བར་འགྱུར་རོ། །ཆུ་དང་ཡུངས་ཀར་
D686.092.0314a07.01