完整藏文原文 · 德格版页 当前仅加载第 92 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གྱུར་པ་དང་། མཆིལ་མ་ལས་གྱུར་པའི་རིམས་དང་། རིམས་རྙིང་པ་དང་། ཟུག་གཟེར་དང་། གཞང་འབྲུམ་དང་། གཅིན་སྙི་བ་མི་བཟད་པ་དང་། རིམས་ཐམས་ཅད་ལ་བདུག་པ་ཙམ་གྱིས་ཐེ་ཚོམ་མེད་པར་རྣམ་པར་འཇིག་པར་འགྱུར་རོ། །ནམ་མཁའ་
D686.092.0309b01.01ལྡིང་གི་གདོན་དང་། གང་དག་མིའམ་ཅིའི་གདོན་དང་། ལྟོ་འཕྱེ་ཆེན་པོའི་གདོན་དང་། མི་མ་ཡིན་པའི་གདོན་དང་། གང་དག་གཞན་མིའི་གདོན་ཐམས་ཅད་བདུག་པ་བདུགས་པ་དེས་མོད་ལ་ཐམས་ཅད་རྣམ་པར་བྲལ་བར་འགྱུར་རོ། །ལྕགས་ཀྱུའི་གསང་སྔགས་
D686.092.0309b02.01དམ་པ་ལན་ཅིག་དྲན་པར་བྱས་ན། སྐེམ་བྱེད་དང་། སྐམས་པ་དང་། བརྗེད་བྱེད་དང་། གདོན་ར་ཟ་ཡག་ཤྨཱ་དང་། བདག་ཉིད་ངན་པར་བྱུང་བ་དང་། གྲིབ་གནོན་དང་། འཐབ་པ་དང་། རྩོད་པ་གང་དུ་སྐྱེ་བོ་ཞེ་སྡང་བ་རྣམས་འབྱུང་བ་དང་། གང་དུ་གནོད་པ་དང་།
D686.092.0309b03.01འཁྲུག་པ་དང་། ཉོན་མོངས་པ་མང་པོ་རྣམས་ལ་ཡིད་དུ་འོང་བ་བདུགས་པ་ཙམ་གྱིས་ཐམས་ཅད་ལས་དེ་ཐར་བར་འགྱུར་རོ། །རྒྱལ་པོ་ཁྲོས་པ་དང་། གང་ཞིག་རྐུན་པོ་དང་། མི་རྒོད་ཀྱི་ནང་དུ་སོང་ངམ། གཅོང་རོང་བགྲོད་དཀའ་བའི་ནང་དུ་སོང་ངམ། དོགས་པ་མི་
D686.092.0309b04.01བཟད་པའི་ནང་དུ་ཆུད་པ་ལ་ལྕགས་ཀྱུ་ལན་ཅིག་དྲན་པ་དང་། བདུག་པ་མཆོག་གིས་བདུགས་ན་ཐམས་ཅད་དུ་རྟག་ཏུ་བདེ་བར་འགྲོ་བ་དང་། གང་དང་གང་དུ་འགྲོ་བ་ན་བདེ་བར་འགྱུར་རོ། །དེའི་ལུས་ལ་མེས་མི་ཚུགས། ཆུ་ཆེན་པོས་ཁྱེར་བར་མི་འགྱུར་རོ། །ལྕགས་
D686.092.0309b05.01ཀྱུའི་རིག་སྔགས་དྲན་པ་དང་། བདུག་པ་མཆོག་གིས་བདུགས་ན་ཐམས་ཅད་དུ་ཕ་རོལ་ཏུ་ཕྱིན་པ་དང་བདེ་ཞིང་ལེགས་པ་ཤིན་ཏུ་རྒྱས་པར་འགྱུར་རོ། །དེའི་ལུས་ལ་མཚོན་གྱིས་མི་ཚུགས། དུག་གིས་མ་ཡིན། གསང་སྔགས་མཆོག་ཏུ་དྲག་པོས་མ་ཡིན། དེ་ལ་
D686.092.0309b06.01བྱད་ཀྱིས་མི་ཚུགས། ནད་ཀྱིས་མ་ཡིན། ཉོན་མོངས་པ་དྲག་པོས་མ་ཡིན་ནོ། །གསང་སྔགས་དྲན་པ་ཙམ་དང་། བདུག་པས་བདག་བདུག་པ་ནི་ཐམས་ཅད་དུ་འཇིགས་པ་ཐམས་ཅད་ལས་ཐར་བར་འགྱུར་ཏེ། འདི་ལ་དོགས་པ་མི་བྱའོ། །དགྲ་དང་ཕྱིར་རྒོལ་བའི་
D686.092.0309b07.01