完整藏文原文 · 德格版页 当前仅加载第 92 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
པ། རྣམ་པར་ཐར་པའི་དཀྱིལ་འཁོར་ཕྱག་རྒྱ་དང་བཅས་པ་གསང་སྔགས་རིམ་པར་ཕྱེ་བའི་ཆོ་ག་ཞིབ་མོ་དང་། སྒྲུབ་པའི་ཆོ་གའི་རྣམ་པ་རྒྱ་ཆེན་པོ་མཐའ་དག་རྫོགས་པ་འདི་ཡང་བཀུག་པར་འགྱུར་རོ། །དཀྱིལ་འཁོར་ན་གནས་པའི་རིག་སྔགས་ཀྱི་ལྷ་འཁོར་དང་བཅས་པ་བཀུག་པར་འགྱུར་ཏེ།
D686.092.0282b01.01ཐམས་ཅད་ཡིད་རབ་ཏུ་དགའ་བར་གྱུར་པས་དངོས་གྲུབ་དམ་པ་རྗེས་སུ་སྩོལ་བར་འགྱུར་རོ། །དེ་ནས་དོན་ཡོད་པའི་རྒྱལ་པོའི་སྙིང་པོ་དྲན་པར་བགྱི་སྟེ། ཇི་ལྟར་ཤིན་ཏུ་རྒྱ་ཆེར་ཡིད་ལ་བགྱིས་པ་དེ་ལྟར་བསྒྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་ཉིད་ཀྱི་ཁ་ནས་དྲན་པ་
D686.092.0282b02.01མཉན་ཞིང་རྒྱ་ཆེ་བ་དང་། བློ་དང་མདངས་དྲི་མ་མ་མཆིས་པར་འཇུག་པར་བགྱིད་དེ། ཞུགས་པ་ཙམ་གྱི་མོད་ལ་ལྕེ་པདྨའི་འདབ་མ་ལྟ་བུར་འཇམ་པར་འགྱུར་ཞིང་། ཁ་ནས་ཨུཏྤ་ལའི་དྲི་འབྱུང་བར་འགྱུར་རོ། །དབྱངས་སྙན་ཅིང་མཉེན་པ་དང་། འཇམ་པ་དང་། ཟབ་པ་དང་། ཚིག་རྣམ་
D686.092.0282b03.01པར་དག་པར་འགྱུར་རོ། །མི་འམ་ཅིའི་དབྱངས་དང་། སྒྲ་སྙན་པ་དང་། དབྱངས་མཉེན་པ་དང་། དགའ་བར་བྱེད་པའི་དབྱངས་སུ་འགྱུར་ཞིང་ཀ་ལ་པིང་ཀའི་དབྱངས་སུ་འགྱུར་རོ། །ཇི་སྟེ་དུས་གསུམ་དུ་ལན་གསུམ་དུ་དྲན་པར་བགྱི་ན་གསང་སྔགས་དང་། ཆོ་ག་ཞིབ་མོ་དང་། དཀྱིལ་
D686.092.0282b04.01འཁོར་དང་། ཕྱག་རྒྱ་རིམ་པར་ཕྱེ་བ་དང་། ཆོ་ག་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་རིགས་སྤྱིའི་དངོས་གྲུབ་དེ་རྫོགས་པར་འགྱུར་ཞིང་སྤྱོད་པར་འགྱུར་རོ། །བགེགས་དང་ལོག་འདྲེན་དང་བདུད་ལ་སོགས་པ་སྡང་བའི་འཇིགས་པ་ཐམས་ཅད་དང་བྲལ་བར་འགྱུར་རོ། སྔོན་
D686.092.0282b05.01གྱི་སྒྲིབ་པ་དང་། དམྱལ་བར་མཆི་བའི་སྡིག་པ་ཐམས་ཅད་དང་བྲལ་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ། རིག་སྔགས་ཀྱི་རྒྱལ་པོ་ཆེན་པོ་དོན་ཡོད་པའི་ལྕགས་ཀྱུ་འདི་ལན་གསུམ་དྲན་པར་བགྱིས་པ་ཙམ་གྱིས་སྐད་ཅིག་དེ་ཉིད་ཀྱི་མོད་ལ་བདག་རང་དང་།
D686.092.0282b06.01རང་གི་གནས་ཀྱི་ཁང་པ་དང་། སློབ་མ་དང་། བསྙེན་བཀུར་དང་། འཁོར་དང་བཅས་པ་མི་གཙང་བ་ཡང་གཙང་བར་འགྱུར། ཡོངས་སུ་མ་དག་པའང་ཤིན་ཏུ་ཡོངས་སུ་དག་པར་འགྱུར་རོ། །དྲི་མ་དང་བཅས་པའང་ཤིན་ཏུ་དྲི་མ་མ་མཆིས་པར་འགྱུར་རོ། །ཞེ་སྡང་དང་བཅས་པའང་ཞེ་སྡང་དང་
D686.092.0282b07.01