完整藏文原文 · 德格版页 当前仅加载第 92 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་ཡོངས་སུ་མྱ་ངན་ལས་འདས་པ་དང་། གང་དག་འདས་པ་དང་། གང་དག་མ་བྱོན་པ་དང་། གང་དག་ད་ལྟར་བྱུང་བ་དང་། སངས་རྒྱས་པ་རྣམས་དང་། གང་དག་རིང་བསྲེལ་སྙིང་པོའི་མཆོད་རྟེན་ཆེན་པོའི་སྲོག་ཤིང་གི་ཚོགས་ཅན་དག་དང་། དེ་
D686.092.0035a01.01བཞིན་དུ་ཅི་ལྟར་འཁོར་གྱི་དཀྱིལ་འཁོར་གྱི་ཁང་པ་དེ་དག་ཐམས་ཅད་མཐོང་བར་འགྱུར་རོ། །བདག་ཉིད་ལ་ཀུན་ནས་བྱུགས་ཏེ། དེས་བྱུགས་པ་ཙམ་གྱིས་པགས་པའི་མདོག་ལྷའི་གསེར་དང་འདྲ་བར་འགྱུར་རོ། །སྐྲ་སྔོ་ལ་ཅུང་ཟད་འཁྱིལ་བར་འགྱུར་རོ། །མིག་ལྷའི་ཨུཏྤལ་སྔོན་པོ་
D686.092.0035a02.01མཆོག་འདྲ་བར་འགྱུར་རོ། །ཚེ་ལྷའི་བསྐལ་པ་བརྒྱ་སྟོང་དུ་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་འབུམ་ཕྲག་བརྒྱ་སྟོང་ཕྲག་{བཅྭ་,བཅོ་}བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ལྷའི་བུ་མོ་བརྒྱ་བཞི་བཅུ་དང་། མིའམ་ཅིའི་བུ་མོ་དང་། རིག་སྔགས་འཆང་གི་བུ་
D686.092.0035a03.01མོ་གང་གཱའི་ཀླུང་གི་བྱེ་མ་བརྒྱ་སྟོང་ཕྲག་འབུམ་སྙེད་ཀྱིས་ཡོངས་སུ་བསྐོར་བར་འགྱུར་རོ། །ཅི་ལྟར་ཡིད་ལ་བསམས་པ་དང་། ཡིད་ལ་བརྣག་པ་ཙམ་གྱིས་ལྷའི་ཟས་ཀྱི་མཆོག་རོ་བརྒྱ་དང་ལྡན་པ་དག་མདུན་དུ་འབྱུང་བར་འགྱུར་རོ། །ལྷའི་བཏུང་བ་ཆེན་པོ་བདུད་རྩིའི་རོ་བྲོ་བདག་
D686.092.0035a04.01འབྱུང་བར་འགྱུར་རོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་འཁོར་ལོས་སྒྱུར་བའི་རྒྱལ་པོ་ཆེན་པོ་ལེགས་མཐོང་མདུན་ནས་རྒྱུག་པར་བྱེད་དོ། །དགྲ་ཐམས་ཅད་དང་། བགེགས་དང་། ལོག་འདྲེན་ཐམས་ཅད་བཅོམ་པ་དང་། ཉམས་པ་དང་། གཏུགས་པ་དང་། གཤེགས་
D686.092.0035a05.01པ་དང་། བཙལ་བ་དང་། གྱེས་པ་དང་། ཕྱེ་མར་བགྱིས་པར་འགྱུར་རོ། །ཡང་ན་སྨན་གྱི་བུད་མེད་དེའི་སྐྲ་ཀུན་བཏོན་ཏེ། སྐ་རགས་སུ་བགྱིས་ནས་བཅིང་བར་བགྱིའོ། །གང་དུ་བཅིངས་པ་དེ་ཡང་རིན་པོ་ཆེ་སྣ་བདུན་དུ་འགྱུར་རོ། །གང་དུ་ཞུགས་པ་ཐམས་ཅད་མི་སྣང་བར་འགྱུར་
D686.092.0035a06.01རོ། །དེ་ལ་ལྷ་ཐམས་ཅད་གནས་འཆའ་བར་འགྱུར་རོ། །ཀླུ་ཐམས་ཅད་དང་། ལྷ་མ་ཡིན་ཐམས་ཅད་དང་། མི་འམ་ཅི་ཐམས་ཅད་དང་། རིག་སྔགས་འཆང་ཐམས་ཅད་དེའི་དབང་དུ་མཆི་བར་འགྱུར་རོ། །འཁོར་དེ་ཐམས་ཅད་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་དེའི་ཕྱི་བཞིན་
D686.092.0035a07.01