完整藏文原文 · 德格版页 当前仅加载第 92 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
བདུགས་པའི་དྲི་མནམས་པ་དང་། དེ་ལུས་ལ་རེག་པ་ཙམ་གྱིས་སྡིག་པ་ཐམས་ཅད་ལས་རྣམ་པར་གྲོལ་ལོ། །སྒྲིབ་པ་ཐམས་ཅད་རྣམ་པར་དག་པའི་བདག་ཉིད་ཐོབ་པར་འགྱུར་ཏེ། འདི་ལ་ཐེ་ཚོམ་མེད་དོ། །མཚམས་མེད་པ་ལྔའི་སྡིག་པ་རྣམས་འཕྲལ་དུ་ཐམས་ཅད་རྣམ་པར་
D686.092.0224b01.01དག་པར་འགྱུར་རོ་ཞེས་སོ། །བདུག་པ་འདི་ཙམ་གྱིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དྲིས་ཀུན་ཏུ་འགེངས་ཏེ། སུམ་ཅུ་རྩ་གསུམ་པའི་ལྷའི་གནས་ནས་ཇི་སྲིད་ཚངས་པའི་འཇིག་རྟེན་གྱི་བར་དྲིས་ཀུན་ཏུ་འགེངས་སོ། །སྟོབས་དང་ཤུགས་ཆེན་པོས་ལྷའི་གནས་
D686.092.0224b02.01ཐམས་ཅད་འགུལ་བར་བྱེད་ཅིང་སྐྱོད་པར་བྱེད་དོ། །ཆུ་རྒྱུན་གྱི་ཀླུ་རྣམས་འགུལ་བར་བྱེད་ཅིང་། རི་རབ་ལས་གཞན་པའི་རི་གང་ཡིན་པ་འདར་ཡེད་ཡེད་བྱེད་དོ། །གསང་བར་གནས་པ་རྣམས་རྣམ་པར་སྐྲག་པར་བྱེད་དོ། །དམྱལ་བ་བཅུ་དྲུག་གི་འཇིགས་པ་རྣམས་རྣམ་པར་ཞིག་
D686.092.0224b03.01པར་བྱེད་དོ། །དེ་བཞིན་དུ། སའི་མཐའི་ཐམས་ཅད་ཀྱང་དཀར་བསིལ་དུ་སྣང་བར་འགྱུར་རོ། །དམྱལ་བ་པའི་སེམས་ཅན་རྣམས་ཤིན་ཏུ་སྦྱངས་པ་དང་། སྡུག་བསྔལ་མི་བཟད་པ་དེ་རྣམས་ཐམས་ཅད་ཡོངས་སུ་གྲོལ་ཏེ། བདེ་བ་ཅན་དུ་ཡང་འགྲོའོ། །མཐོ་རིས་ཐམས་ཅད་
D686.092.0224b04.01དུ་ཇི་ལྟ་བ་བཞིན་དུ་གནས་སོ། །དམྱལ་བ་ཐམས་ཅད་ཉམས་ཏེ། པདྨ་ཅན་དུ་རབ་ཏུ་འགྱུར་རོ། །ཉི་ཚེ་བའི་དམྱལ་བ་རྣམ་པ་སྣ་ཚོགས་པ་གཞན་རྣམས་དང་། ས་འོག་གི་ནང་དུ་སོང་བ་གང་ཡིན་པ་དང་། དགོན་པ་དང་། རི་དང་། ཚང་ཚིང་དང་། དགོན་དུང་དང་།
D686.092.0224b05.01གཡང་སར་གནས་པའི་དམྱལ་བའི་སྡུག་བསྔལ་མྱོང་བ་གང་ཡིན་པ་དེ་རྣམས་ཐམས་ཅད་བདུག་པའི་དྲིས་ཡོངས་སུ་གྲོལ་ལོ། །མི་གཙང་བ་ཟ་བའི་གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་གང་ཡིན་པ་རྣམས་དང་། བཤང་བ་དང་། གཅི་བ་ཟ་བ་གང་ཡིན་
D686.092.0224b06.01པ་རྣམས་དང་། མཆིལ་མ་དང་། སྣབས་ཟ་བ་གང་ཡིན་པ་རྣམས་དང་། འདྲེས་པ་ཟ་བ་གང་ཡིན་པ་དེ་རྣམས་ཐམས་ཅད་བདུག་པའི་དྲི་མནམས་པ་ཙམ་གྱིས་ཡོངས་སུ་གྲོལ་ནས་འཕྲལ་ཉིད་དུ་ལྷའི་འཇིག་རྟེན་དུ་སྐྱེའོ། །རྣམ་པ་སྣ་ཚོགས་པའི་རོ་བྲོ་བའི་མཆོག་དང་།
D686.092.0224b07.01