完整藏文原文 · 德格版页 当前仅加载第 92 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་བྱེད་ཅིང་གནས་སོ། །དབུ་བ་འབྱུང་བཞིན་པ་བསྐུས་ན། ཆོ་ག་ཞིབ་མོ་དང་། ཕྱག་རྒྱ་དང་། དཀྱིལ་འཁོར་ཐམས་ཅད་དང་། དེ་བཞིན་གཤེགས་པ་ཐམས་ཅད་རིགས་ཀྱི་གསང་བའི་དམ་ཚིག་མངོན་དུ་གྱུར་ནས་གནས་ཏེ། འདས་པ་དང་། མ་འོངས་པ་དང་། ད་
D686.092.0223b01.01ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱིས་གསུངས་པ་རྣམས་སྔོན་དུ་གྱུར་ནས་གནས་སོ། །ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། འབྱུང་པོ་ཐམས་ཅད་ཡང་དག་པར་རྗེས་སུ་འབྲང་ཞིང་། སྲུང་བ་དང་། བསྐྱབ་པ་དང་། སྦ་བའི་ཆེད་དུ་རྟག་པ་ཁོ་ནར་
D686.092.0223b02.01རྗེས་སུ་འགྲོའོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་མངོན་སུམ་དུ་མཐོང་བ་སྦྱིན་པར་འགྱུར་རོ། །དོན་ཡོད་པའི་འོད་ཟེར་དང་ལྡན་པ་ཞེས་བྱ་བའི་ཏིང་ངེ་འཛིན་སོ་སོར་ཐོབ་སྟེ། སའི་སྟེང་ནས་སོར་བཞི་ཚད་དུ་འཕགས་པའི་ནམ་མཁའ་ལ་གནས་སོ། །
D686.092.0223b03.01ལྡོང་རོས་ལ་བཟླས་ནས་མིག་ལ་བསྐུས་ནས། མིག་གིས་གང་མཐོང་བ་དེ་དབང་དུ་གྱུར་ནས་གནས་ཏེ། རྒྱལ་པོ་དང་། བཙུན་མོའི་འཁོར་དང་། བློན་པོ་དང་། བཀྲབས་པ་དང་། མདུན་ན་འདོན་དང་། དཔུང་གི་ཚོགས་ཡན་ལག་བཞི་དང་། བུད་མེད་དང་། སྐྱེས་
D686.092.0223b04.01པ་དང་། ཁྱེའུ་དང་། བུ་མོ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེ་རིགས་དང་། དམངས་རིགས་རྣམས་དབང་དུ་གྱུར་ནས་གནས་སོ། །ཐ་ན་{རི་དགས་,རི་དྭགས་}དང་། བྱ་ཡང་ལྟ་བར་བྱེད་བཞིན་དུ་དབང་དུ་གྱུར་ནས་ཉེ་བར་གནས་སོ། །འདིས་བྱུགས་པའི་མིག་
D686.092.0223b05.01གི་ནད་དང་། གནོད་པ་དང་། སྡིག་པ་དང་། སྒྲིབ་པ་ཐམས་ཅད་རྣམ་པར་ཉམས་པར་བྱེད་དོ། །ལུས་ཀྱི་གདུང་བ་དང་། སེམས་ཀྱི་གདུང་བ་ཐམས་ཅད་དང་། རྨི་ལམ་ངན་པ་དང་། མཚན་མ་ངན་པ་དང་། བཀྲ་མི་ཤིས་པར་གྱུར་པ་ཐམས་ཅད་རྣམས་པར་
D686.092.0223b06.01ཉམས་པར་བྱེད་དོ། །སྐྱེ་བ་བརྗེས་ནས་ཀྱང་སྤྱན་ལྔ་ཡོངས་སུ་དག་པ་སོ་སོར་ཐོབ་བོ། །ཚེ་རབས་དྲན་པར་ཡང་སྐྱེ་བར་འགྱུར་རོ། །འཇིགས་པ་དང་། སྒྲིབ་པ་དང་བྲལ་ཞིང་། དོན་ཡོད་པ་ལེགས་པར་རབ་ཏུ་གནས་པ་ཀུན་ཏུ་གཟིགས་པ་ཞེས་བྱ་བའི་ལུས་དག་པ་སོ་
D686.092.0223b07.01