完整藏文原文 · 德格版页 当前仅加载第 92 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དག་པར་རང་གི་གཟུགས་ཀྱི་ངོ་བོ་སྟོན་ཅིང་། རིག་སྔགས་འཆང་གི་མདུན་ན་གནས་ལ་རིག་སྔགས་འཆང་ཡང་དག་པར་དབུགས་འབྱིན་པར་མཛད་དེ། ཕྱག་གཡས་པ་མགོའི་སྤྱི་བོར་འཇོག་པར་མཛད། ལེགས་སོ་ཞེས་བྱ་བའང་སྦྱིན་
D686.092.0185a01.01པར་མཛད་དེ། རིག་སྔགས་འཆང་ལེགས་སོ་ལེགས་སོ། །རིག་སྔགས་འཆང་ཁྱོད་ལྷག་པའི་བསམ་པ་དམ་པ་དགའ་བ་ལ་ཞུགས་སོ། །རིག་སྔགས་འཆང་སངས་རྒྱས་ཀྱི་ཞིང་མཉམ་པར་འབྲེལ་བའི་འཇིག་རྟེན་རྣམ་པར་བལྟ་བར་ཚུར་ཤོག །དེར་ཁྱོད་ཀྱིས་
D686.092.0185a02.01སངས་རྒྱས་ཀྱི་མཛད་པ་བྱེད་པར་འགྱུར་རོ། །ཁྱོད་ཀྱིས་དོན་ཡོད་པའི་ཞགས་པ་པདྨ་གཙུག་ཏོར་གྱི་སྙིང་པོ་དཀྱིལ་འཁོར་གསང་བ་གྲུབ་ཀྱིས་འཇིག་རྟེན་དང་འཇིག་རྟེན་ལས་འདས་པའི་སྒྲུབ་པ་དམ་པ་བྱ་བ་ཐམས་ཅད་གྱིས་ཤིག །ཨོྃ་པདྨ་ལོ་ཙ་ནི་ཧུ་རུ་ཧཱུྃ། གཟུངས་
D686.092.0185a03.01སྔགས་ཀྱི་སྙིང་པོ་ཡི་གེ་དགུ་པོ་འབུམ་བཟླས་བརྗོད་བྱས་ནས་དགུ་པ་ལ་གནས་པར་འགྱུར། འཕགས་པ་སྤྱན་རས་གཟིགས་དབང་ཕྱུག་གི་སྲས་ཀྱི་གཙོ་བོར་འགྱུར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཁྲག་ཁྲིག་དགུ་
D686.092.0185a04.01བཅུ་རྩ་དགུ་དག་རིག་སྔགས་འཆང་ལ་མངོན་སུམ་དུ་སྟོན་ཅིང་། སངས་རྒྱས་ཀྱི་ཡུལ་རྣམ་པར་སྤྲུལ་པ་སྣ་ཚོགས་སྟོན་པར་མཛད། རིག་སྔགས་འཆང་གི་སྤྱི་བོར་ཐམས་ཅད་ཀྱི་ཕྱག་འཇོག་པར་མཛད། ལེགས་སོ་ཞེས་བྱ་བ་ཡང་སྦྱིན་པར་མཛད་དེ། རིག་
D686.092.0185a05.01སྔགས་འཆང་ཆེན་པོ་ལེགས་སོ་ལེགས་སོ། །ཁྱོད་ཀྱིས་ངལ་ཞིང་སྦྱང་བའི་ལས་ལེགས་པར་བསྒྲུབ་པ་བྱས་སོ། །ཁྱོད་ཀྱིས་འཇིག་རྟེན་པ་དང་། འཇིག་རྟེན་ལས་འདས་པ་སངས་རྒྱས་ཉིད་དུ་སྒྲུབ་པ་སྟེ། དོན་ཡོད་པའི་ཞགས་པའི་དཀྱིལ་འཁོར་ཆོ་ག་ཞིབ་མོ་སྒྲུབ་
D686.092.0185a06.01པ་དང་མདོ་སྡེ་ལུང་བཅས་པ་སྒྲུབ་པ་འཇིག་རྟེན་གྱི་འདྲེན་པས་བསྟན་པ་གང་ཡིན་པ་དེ་དག་ཐམས་ཅད་གྲུབ་པ་ཡིན་ནོ། །ཨོྃ་པདྨོཥྞཱི་ཥ་བི་མ་ལེ་ཧཱུྃ་ཕཊ། གསང་སྔགས་ཀྱི་སྙིང་པོ་ཡི་གེ་བཅུ་པ་འབུམ་བཟླས་བརྗོད་བྱས་ན་ཕྱིར་མི་ལྡོག་པ་ཉིད་དུ་གྱུར་ནས་ས་བཅུ་པ་ལ་གནས་
D686.092.0185a07.01