完整藏文原文 · 德格版页 当前仅加载第 92 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དཔལ་ལྷ་མོ་དང་། ལྷ་མོ་འཇིགས་བྱེད་མ་དང་། སྒྲ་དབྱངས་མ་དང་། ལྕགས་སྒྲོག་མ་དང་། དུང་ཅན་མ་སྟེ། རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་དང་། ནོར་བུ་རིན་པོ་ཆེ་ཐོགས་པ་བྱའོ། །གཞལ་མེད་ཁང་གི་གོང་དུ་མཆོད་རྟེན་ཆེན་པོ་བརྒྱད་ཕྲེང་བ་
D686.092.0161b01.01སྦྲེངས་ལ་མཆོད་རྟེན་གྱི་རྒྱན་ཇི་ལྟ་བར་བརྒྱན་པར་བྱའོ། །མཆོད་རྟེན་གྱི་འོག་གཡས་རོལ་དུ་བཅོམ་ལྡན་འདས་བྱང་ཆུབ་ཀྱི་སྙིང་པོར་གཤེགས་པ་ལ་འཇིག་རྟེན་དབང་ཕྱུག་མངོན་དུ་མཆོད་པ་མཛད་པ་བྱའོ། །འཕགས་པ་རྡོ་རྗེ་འཆང་བ་ཕྱག་ན་རྔ་ཡབ་ཐོགས་པ་བྱའོ། །དེའི་འོག་ཏུ་དྲང་
D686.092.0161b02.01སྲོང་དང་། ལྷའི་བུ་མེ་ཏོག་སྣ་ཚོགས་ཀྱིས་བཅོམ་ལྡན་འདས་ལ་མཆོད་པ་བྱའོ། །གཡོན་ཕྱོགས་སུ་བཅོམ་ལྡན་འདས་ཆོས་ཀྱི་འཁོར་ལོ་བསྐོར་བ་བྱ་སྟེ། ཀུན་དགའ་བོ་དང་། རྡོ་རྗེ་འཆང་བ་ལག་ན་རྔ་ཡབ་ཀྱིས་བཅོམ་ལྡན་འདས་ལ་མངོན་དུ་གཡོབ་པར་བྱའོ། །གཡས་
D686.092.0161b03.01ཕྱོགས་སུ་འཕགས་པ་སྤྱན་རས་གཟིགས་དབང་ཕྱུག་དོན་ཡོད་པའི་ཞགས་པ་བཅོམ་ལྡན་འདས་ལ་མཆོད་པ་བྱེད་པ་བྱའོ། །གཡོན་ཕྱོགས་སུ་ཁྲོ་བོའི་རྒྱལ་པོ་བཅོམ་ལྡན་འདས་ལ་མཆོད་པ་བྱེད་པ་བྱའོ། །དེའི་འོག་ཏུ་དྲང་སྲོང་དང་། ལྷའི་ཚོགས་བཅོམ་ལྡན་འདས་ལ་མཆོད་པ་
D686.092.0161b04.01བྱེད་པ་བྱའོ། །རས་ཀྱི་སྐུ་གཟུགས་ཀྱི་གཡོན་དང་གཡས་ཀྱི་ཕྱི་རོལ་ཐོག་བྲག་ཏུ་དེ་བཞིན་གཤེགས་པའི་སྐུ་གཟུགས་བརྒྱ་རྩ་བརྒྱད་པདྨོའི་གདན་ལ་ཚད་ཇི་བཞིན་དུ་སྐྱིལ་མོ་ཀྲུང་བཅས་ཏེ་བཞུགས་པ་རྒྱན་ཐམས་ཅད་ཀྱིས་བརྒྱན་པར་བྱའོ། །འཕགས་པ་སྤྱན་རས་གཟིགས་དབང་
D686.092.0161b05.01ཕྱུག་གི་སེང་གེའི་གདན་གྱི་ཞབས་དྲུང་དུ་རིག་སྔགས་འཆང་བ་པུས་མོ་བཙུགས་ཏེ། མེ་ཏོག་དང་། པོག་ཕོར་དང་། བགྲང་ཕྲེང་ལག་ན་ཐོགས་ཏེ་འཕགས་པ་སྤྱན་རས་གཟིགས་དབང་ཕྱུག་ལ་མངོན་དུ་བལྟ་བར་བྱའོ། །རི་མོ་མཁན་ཁྲུས་བྱས་ཤིང་གོས་གཙང་མ་བགོས་
D686.092.0161b06.01ཏེ། གཙང་བར་བྱས་ལ་རོ་སྣ་ཚོགས་པའི་ཟས་དཀར་གསུམ་བཟའ་བར་བྱའོ། །སྣོད་སར་པ་གཙང་མའི་ནང་ནས་ཚོན་ལྷག་མ་མ་ཡིན་པས་བྲི་བར་བྱའོ། །འདིའང་ཁ་ཟས་མི་གཙང་བ་སྣ་ཚོགས་དང་། གོས་ངན་པ་མི་གཙང་བ་ཡོངས་སུ་སྤང་བར་བྱའོ། །ཚིག་ངན་པ་དང་། སེམས་
D686.092.0161b07.01