完整藏文原文 · 德格版页 当前仅加载第 92 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཕྱག་རྒྱའི་ཕྱིར་རོལ་གྱི་སྒལ་བུ་ནི་སྟེགས་བུ་དང་འདྲ་བར་བྱའོ། །སྟེགས་བུའི་ཕྱི་རོལ་གྱི་སྒལ་བུ་ནི་འཁོར་བར་ལྕགས་ཀྱུ་བྲི་བར་བྱའོ། །སྙིང་པོའི་དཀྱིལ་འཁོར་གྱི་གྲྭར་ནི་རྒྱལ་པོ་ཆེན་པོ་བཞི་གོ་བགོས་པ་ལྕགས་ཀྱུ་དང་། མདུང་རྩེ་གཅིག་པ་ཐོགས་པ་འབར་བའི་ནང་
D686.092.0295b01.01ན་འདུག་པ་རྒྱན་ཐམས་ཅད་ཀྱིས་བརྒྱན་པ་སྐྱིལ་མོ་ཀྲུང་ཕྱེད་དུ་བཅས་ཏེ། པདྨོའི་གདན་ལ་འདུག་པར་བྱའོ། །དཀྱིལ་འཁོར་གྱི་ཕྱི་རོལ་ཐོག་ཐག་ཏུ་འཇིགས་པ་མེད་པས་ཕྱག་མཚན་རྣམས་ཐམས་ཅད་པདྨ་ལ་འདུག་པ་བྲི་བར་བྱའོ། །སྒོ་བཞི་གནས་སུ་
D686.092.0295b02.01པདྨའི་དཀྱིལ་འཁོར་གྱི་ལྷ་རྣམས་བྲི་བ་ནི་ཤར་གྱི་སྒོར་ལག་ན་རྡོ་རྗེ། ལྷོར་རལ་པ་གཅིག་མ། ནུབ་ཏུ་རྡོ་རྗེ་ལྕགས་སྒྲོག་མ། བྱང་དུ་ཕོ་ཉ་མོ་དང་། རིག་སྔགས་ཀྱི་ལྷ་མོ་རྣམས་བྲི་བར་བྱའོ། །དཀྱིལ་འཁོར་གྱི་ཕྱི་རོལ་གྱི་སྒལ་བུ་ནི་མེ་ཏོག་གི་སྟེགས་བུ་
D686.092.0295b03.01འདྲ་བ་བྱའོ། །ཕྱི་རོལ་གྱི་དཀྱིལ་འཁོར་ནི་ཀུན་དུ་བའི་ལྕི་བས་བྱའོ། །ཕྱི་རོལ་གྱི་དཀྱིལ་འཁོར་དེ་ལ་ནས་ཕྱེས་པདྨ་བྲི་བར་བྱའོ། །དཀྱིལ་འཁོར་ཀུན་དུ་བུམ་པ་གང་བ་དང་། དར་བཏགས་པའི་མདའ་དང་། དྲིའི་སྣོད་བཀང་བས་བརྒྱན་ཅིང་བྱུག་
D686.092.0295b04.01པའི་ཆུ་དགང་བ་དང་། བདུག་པའི་སྣོད་ཀྱིས་བརྒྱན་པ་དང་། མེ་ཏོག་སྣ་ཚོགས་ཀྱིས་བརྒྱན་པ་དང་། དྲི་ཆབ་དང་། མཆོད་ཡོན་གྱི་ཆབ་དང་། འབྲས་བུ་དང་། ཡོན་ཆབ་དང་། དངུལ་གྱི་མེ་ཏོག་དང་། གསེར་གྱི་མེ་ཏོག་དང་། ཟངས་ཀྱི་
D686.092.0295b05.01མེ་ཏོག་གིས་འཇིགས་པ་མེད་པར་བརྒྱན་པར་བྱའོ། །མུ་ཏིག་དང་། བྱི་རུ་དང་། རིན་པོ་ཆེ་བཻ་ཌཱུརྱ་དང་། སྔོན་པོ་དང་། མརྒད་དང་། པདྨ་རཱ་ག་རྣམས་ཀྱིས་དེ་བཞིན་དུ་བརྒྱན་ཏོ། །དཀྱིལ་འཁོར་ཀུན་དུ་དུང་དང་། བིལ་བ་དང་། རྩྭ་དར་
D686.092.0295b06.01བྷ་དང་། གསེར་དང་། དངུལ་གྱིས་བརྒྱན་པར་བྱའོ། །དཀྱིལ་འཁོར་གྱི་དོན་དུ་མཆོད་པའི་ཕྱིར་དཀྱིལ་འཁོར་གྱི་ལྷ་བཀྲ་ཤིས་པ་རྣམས་དང་། སྒོ་བཞིའི་གནས་སུ་དྲི་ཆབ་ཀྱི་བུམ་པ་དར་གྱིས་བརྒྱན་ཏེ་གཞག་པར་བྱའོ། །དཀྱིལ་འཁོར་གྱི་ཕྱི་རོལ་
D686.092.0295b07.01