完整藏文原文 · 德格版页 当前仅加载第 92 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་པ་ནི་ཁྲོ་བོའི་རྒྱལ་པོ་གཟུགས་ཅན། གཟུགས་བསྒྱུར་བ། སྤྱན་གསུམ་པ། རལ་པའི་ཐོར་ཚུགས་ཀྱི་སྟེང་གི་རལ་པ་ལ་འོད་དཔག་མེད་པའི་དབུ་རྒྱན་འཆང་བ། ཟླ་གམ་གཡས་ཕྱོགས་ན་གནས་པའོ། །གཡོན་པ་ནི་ཞལ་ཁྲོ་གཉེར་ཅན།
D686.092.0261a01.01ཁྲོས་པའི་ལྟ་སྟངས་སུ་ལྟ་པ། སྤྱན་གསུམ་པ། རལ་པའི་ཐོར་ཚུགས་འཆང་བ། འོད་དཔག་མེད་པའི་དབུ་རྒྱན་འཆང་བ། གཡས་ཕྱོགས་ཟླ་གམ་ཅན། རྒྱན་ཐམས་ཅད་ཀྱིས་བརྒྱན་པ། འོད་འདོམ་གང་གིས་ལེགས་པར་བརྒྱན་པ། ཞགས་པ་ཐོགས་པ། པདྨ་
D686.092.0261a02.01ཐོགས་པ། མདུང་རྩེ་གསུམ་པ་ཐོགས་པ། དགྲ་སྟ་ཐོགས་པ། དབུགས་འབྱིན་པ། རིན་པོ་ཆེའི་དབྱུག་པ་ཐོགས་པ། པདྨའི་གདན་ལ་བཞུགས་པའོ། །གཡས་ན་ལྷ་མོ་སྒྲོལ་མ་ཐལ་མོ་སྦྱར་ཅིང་འདུད་པའོ། །གཡོན་ན་དཀར་མོ་ཐལ་མོ་སྦྱར་ཏེ་ཡིད་ཙམ་དུ་འདུད་པ།
D686.092.0261a03.01རྒྱན་ཐམས་ཅད་ཀྱིས་བརྒྱན་པ། མེ་ཏོག་སྣ་ཚོགས་ཀྱིས་ལེགས་པར་བརྒྱན་པར་བྱའོ། །ཞབས་ཀྱི་དྲུང་དུ་རིག་སྔགས་འཆང་གསེར་གྱི་རྒྱན་གྱིས་བརྒྱན་པ། ལག་ན་མེ་ཏོག་ཐོགས་པ། འཕགས་པ་སྤྱན་རས་གཟིགས་དབང་ཕྱུག་ལ་ཁ་བལྟས་ནས་པུས་མོ་བཙུགས་ཏེ་
D686.092.0261a04.01འདུག་པར་བྱའོ། །ལྷག་མ་མ་ཡིན་པའི་ཚོན་རྩིས་ཚད་དང་ཚད་མ་འདྲེས་པར་སྤྱན་དང་། སྨིན་མ་དང་། མཆུ་དང་། སེན་མོའི་གནས་ཀྱིས་གནས་སུ་སྦྱར་བར་བྱའོ།། །།འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། །བམ་པོ་ཉི་ཤུ་པ།
D686.092.0261a05.01དེ་ནས་རྫས་བཤད་པར་བྱ་སྟེ། འཇིགས་པ་མེད་པས་སྤོས་ཀྱི་རིགས་ཙནྡན་དང་། ཏ་ག་ར་དང་། པུ་ཤེལ་ཅི་དང་། ལི་ཤི་དང་། ནཱ་ག་པུས་པ་དང་། སྤྲྀ་ཀ་དང་། རྒྱ་སྐྱེགས་དང་། ཁ་བར་ཎི་ཁ་དང་། སྤང་སྤོས་དང་། ན་ལ་ད་དང་། གུར་གུམ་དང་། གླ་རྩི་དང་། ག་བུར་
D686.092.0261a06.01དང་། སྒྲོན་ཤིང་དང་། གནྡ་པྲི་ཡང་ཀུ་དང་། ཀུན་དུ་རུ་དང་། ཤ་ཁ་ར་དང་། པདྨ་གེ་སར་དང་། དུ་རུ་སྐ་དང་། ཏིལ་མར་དང་། སྤྲ་ཚིལ་དང་། ལྷན་ཅིག་སྦྱར་བའི་ཕྱེ་མ་ཞིབ་མོ་ཤིན་ཏུ་འཇམ་པ། ཤིན་ཏུ་མཉེན་པ། མཆོག་འདི་གཙང་མ་གཙང་སྦྲ་སྤྱོད་པས་
D686.092.0261a07.01