完整藏文原文 · 德格版页 当前仅加载第 92 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ལན་གཉིས་བརྗོད་པ་ཙམ་གྱིས་ནད་ཐམས་ཅད་རབ་ཏུ་ཞི་བར་འགྱུར་རོ། །ལན་གསུམ་བརྗོད་པ་ཙམ་གྱིས་དུག་དང་། འབྲུམ་བུ་དང་། འབྲས་དང་། ལྷོག་པ་དང་། རྐང་ཤུ་དང་། མཛེ་དང་། གཡན་པ་ལ་སོགས་པ་ཐམས་ཅད་འཇིག་པར་འགྱུར་རོ། །ལན་བཞི་བརྗོད་
D686.092.0187b01.01པ་ཙམ་གྱིས་དབྱིག་དུག་དང་། བྱད་ཐམས་ཅད་སེལ་བར་འགྱུར་རོ། །ལན་ལྔ་བརྗོད་པ་ཙམ་གྱིས་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་རབ་ཏུ་ཞི་བར་འགྱུར་རོ། །ལན་དྲུག་བརྗོད་པ་ཙམ་གྱིས་འཇིགས་པ་དང་། གདོན་དང་།
D686.092.0187b02.01རིམས་ཐམས་ཅད་འཇིག་པར་འགྱུར་རོ། །ལན་བདུན་བརྗོད་པ་ཙམ་གྱིས་དུས་མ་ཡིན་པར་འཆི་བའི་འཇིགས་པ་ཐམས་ཅད་དང་། སེམས་ཅན་ཐམས་ཅད་ཀྱི་ནད་དང་། ཡམས་ཀྱི་ནད་ཐམས་ཅད་རབ་ཏུ་ཞི་བར་འགྱུར་རོ། །ལག་ན་རྡོ་རྗེ་དེ་ལྟ་བས་ན་སེམས་ཅན་
D686.092.0187b03.01ཐམས་ཅད་ཀྱི་དོན་དུ་ཉིན་རེ་ཞིང་གཞན་མི་སྨྲ་བར་ལན་བདུན་དྲན་པར་བྱའོ། །སེམས་ཅན་གང་ལ་ལ་སེམས་ཅན་དམྱལ་བར་གཞོལ་བ་ཤི་བ་དང་། དགེ་སློང་གང་ལ་ལ་བསླབ་པའི་སྡོམ་པ་དང་། ཚུལ་ཁྲིམས་ཀྱི་སྡོམ་པ་རལ་བ་དང་། མཁན་པོ་དང་། སློབ་དཔོན་
D686.092.0187b04.01ལ་གུས་པར་མ་བྱས་པ་ཤི་བ་དེའི་དོན་དུ་བྱེ་མ་གཙང་མ་བླངས་ལ་ལན་བདུན་བཟླས་བརྗོད་བྱས་ན། དུར་ཁྲོད་དམ། རོ་བསྲེགས་པའམ། འཆད་པ་དེར་བྱེ་མ་གཏོར་བར་བྱའོ། །གང་དང་གང་ན་སེམས་ཅན་གང་དག་གི་རུས་པ་ཡོད་སར་བྱེ་མ་གཏོར་མ་ཐག་ཏུ་དེ་དང་དེར་
D686.092.0187b05.01བྱེ་མ་བབ་པའི་སེམས་ཅན་དམྱལ་བའམ། {ཡི་དགས་,ཡི་དྭགས་}སམ། ཤ་ཟར་སྐྱེས་པའམ། གནོད་སྦྱིན་ནམ། སྲིན་པོའི་སྐྱེ་གནས་སུ་སྐྱེས་ན་དེ་དེའི་མོད་ལ་ཚེ་བརྗེས་ནས་ཐམས་ཅད་མཐོ་རིས་སུ་གཞོལ་བར་འགྱུར་ཞིང་ནམས་ཀྱང་སེམས་ཅན་དམྱལ་བར་གཞོལ་བར་མི་འགྱུར་
D686.092.0187b06.01རོ། །ཡང་ན་གྲོ་ག་ལ་བྲིས་ནས་མཆོད་རྟེན་གྱི་ནང་དུ་བཅུག་པའི་གནས་དེར་རྐང་པ་གཉིས་པའམ། རྐང་པ་བཞི་པ་གང་དག་ཉེ་བར་འོངས་པ་དེ་དག་ཐམས་ཅད་གྲིབ་མ་ཕོག་པ་ཙམ་གྱིས་སྡིག་པ་དང་སྒྲིབ་པ་ཐམས་ཅད་རྣམ་པར་དག་ཅིང་ཐམས་ཅད་མཐོ་རིས་སུ་གཞོལ་
D686.092.0187b07.01