完整藏文原文 · 德格版页 当前仅加载第 92 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་གཙང་ཞིང་གཙང་བར་བྱ་སྟེ། སུ་ལ་ཡང་མི་སྦྱིན་ནོ། །སངས་རྒྱས་རྣམས་ལ་སྐུ་བརྙས་པར་གྱུར་པ། དམ་ཚིག་ཉམས་པ་ལ་བགེགས་འཇུག་པར་འགྱུར་ཞིང་། འཕྲལ་དུ་མཚམས་མེད་པ་ལྔ་བྱེད་པ་རྨོངས་པའི་དྲ་བ་དེ་ལ་དངོས་གྲུབ་རྣམས་ཀྱང་ཤེས་པར་མི་
D686.092.0243b01.01འགྱུར་རོ། །གཞན་ནི་བླ་མ་ལ་གུས་ཤིང་། །སངས་རྒྱས་ཆོས་ལ་རྟེན་བྱེད་པ། །འཕགས་པའི་ཚོགས་ལ་དང་བ་དང་། །བྱམས་སེམས་སྙིང་རྗེའི་བདག་ཉིད་ཅན། །དེ་ཡི་ལག་ཏུ་རབ་ཏུ་སྦྱིན། །བདག་གི་སྲོག་བཞིན་གཏད་པར་བྱ། །དེ་དག་དངོས་གྲུབ་མཆོག་སྦྱིན་ཏེ། །
D686.092.0243b02.01བཀླགས་དང་མཐོང་བ་ཙམ་གྱིས་ནི། །ཇི་ལྟར་ཡིད་ལ་བྱས་པ་བཞིན། །རྗེས་སུ་མཐུན་པའི་ལས་བྱེད་དོ། །འཇིག་རྟེན་འདིར་ནི་རྟག་ཏུ་བདེ། །འཇིག་རྟེན་ཕ་རོལ་བདེ་བ་ཡིན། །འགྲོ་བ་ལམ་ནི་བདེ་བར་འགྲོ། །གང་ན་འོད་དཔག་མེད་པ་བཞུགས། །བདེ་བ་ཅན་
D686.092.0243b03.01དུ་རྟག་ཏུ་འགྲོ། །བརྫུས་ཏེ་སྐྱེ་བའི་པདྨ་ལས། །རྒྱན་རྟགས་ཀུན་གྱིས་རྣམ་པར་བརྒྱན། །ཚེ་རབས་དག་ནི་དྲན་འགྱུར་ཏེ། །སྔོན་གྱི་ཚེ་རབས་དྲན་པར་འགྱུར། །དེ་ནས་རིག་སྔགས་འཆང་རྨོངས་པ་ཆེན་པོའི་དམ་ཚིག་སྟོན་པར་འདོད་པ་གཙང་མས་ལེགས་པར་
D686.092.0243b04.01ཁྲུས་བྱ། གོས་གཙང་མ་བགོས་ནས་ཉིན་ཞག་གཅིག་སྨྱུང་བ་བྱས་པས་ལག་ན་རྡོ་རྗེ་དང་། འཕགས་པ་སྤྱན་རས་གཟིགས་དབང་ཕྱུག་ཞལ་མངོན་དུ་བཞག་སྟེ། མེ་ཏོག་དང་བདུག་སྤོས་དབུལ་ཞིང་འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་
D686.092.0243b05.01དང་། ཕྱག་ན་རྡོ་རྗེའི་སྐུ་གཟུགས་ལ་མཆོད་པ་ཡང་བྱ། འཕགས་པ་སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་སྤོས་ཀྱིས་བདུག །ལག་ན་རྡོ་རྗེ་ལ་གུ་གུལ་གྱི་བདུག་སྤོས་ཀྱིས་བདུག །འཕགས་པ་སྤྱན་རས་གཟིགས་དབང་ཕྱུག་ལ་ལྷ་
D686.092.0243b06.01བཤོས་དཀར་པོ་འབུལ། ལག་ན་རྡོ་རྗེ་ལ་རོ་སྣ་ཚོགས་དང་ལྡན་པའི་ལྷ་བཤོས་ཕུལ་ལ། ཉིན་པར་དོན་ཡོད་པའི་རྒྱལ་པོ་བཟླས་བརྗོད་བྱ། མཚན་མོ་ཁྲོ་བོའི་རྒྱལ་པོ་ངལ་བ་མེད་པར་བཟླས་བརྗོད་བྱ་སྟེ། ཁ་གདོང་ཁྲོ་གཉེར་མེད་པ་དང་། དྲི་མ་
D686.092.0243b07.01