完整藏文原文 · 德格版页 当前仅加载第 92 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ལ་གཞན་མི་སྨྲ་བར་དོན་ཡོད་པའི་ཞགས་པའི་སྙིང་པོ་ལན་བརྒྱ་རྩ་བརྒྱད་ཡོངས་སུ་བཟླས་པ་བགྱིས་ལ། དཀྱིལ་འཁོར་གྱི་སྙིང་པོར་འཕགས་པ་སྤྱན་རས་གཟིགས་དབང་ཕྱུག་གཞག་པར་བགྱི་ཞིང་། མེ་ཏོག་རེ་རེ་ལ་བཟླས་བརྗོད་བགྱིས་པས་འཕགས་པ་སྤྱན་རས་གཟིགས་དབང་ཕྱུག་གི་
D686.092.0285b01.01མདུན་དུ་དོར་བར་བགྱིའོ། །དེ་ནས་ཁྲོ་བོའི་རྒྱལ་པོས་ཡུངས་ཀར་གྱི་འབྲུ་རེ་རེ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་པས་གཏོར་བར་བགྱིའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ་དོན་ཡོད་པའི་ཞགས་པའི་ལྕགས་ཀྱུས་བཟླས་བརྗོད་སྟོང་རྩ་བརྒྱད་བགྱིས་པས་
D686.092.0285b02.01དབུལ་བར་བགྱིའོ། །རིལ་བུ་རེ་རེ་ལ་བཟླས་བརྗོད་བགྱིས་པའི་བདུག་སྤོས་དབུལ་བར་བགྱིའོ། །ཡུངས་ཀར་རེ་རེ་ལ་བཟླས་བརྗོད་བགྱིས་ལ། སྙིང་པོའི་དཀྱིལ་འཁོར་གྱི་སྟེང་དུ་དོར་བར་བགྱིའོ། །སྟོང་རྩ་བརྒྱད་རྫོགས་པ་དང་། ཐུན་ཐ་མའི་ནམ་ནངས་ཀར་གྱ་ནོམ་པ། ཡིད་དུ་འོང་
D686.092.0285b03.01ཞིང་དགའ་བ་དང་། རབ་ཏུ་དགའ་བར་བགྱིད་པར་ས་གཡོ་བར་འགྱུར་ཞིང་། སྒྲ་མཉེན་པ་དང་། སྙན་ཅིང་འཇེབས་པ་དང་། ཡིད་དུ་འོང་བ་ཟབ་མོ་ཟབ་མོ་དང་། ཀ་ལ་པིང་ཀ་དང་། མིའམ་ཅིའི་སྒྲ་དབྱངས་ལྟ་བུ་འབྱུང་བར་འགྱུར་ཏེ། རིག་སྔགས་འཆང་གི་སེམས་བརྟན་པོར་བགྱི་
D686.092.0285b04.01ཞིང་མཆོག་ཏུ་དགའ་བ་ཡིད་ལ་བགྱིད་པས་བཟླས་བརྗོད་བགྱིའོ། །དེ་ནས་དཀྱིལ་འཁོར་གྱི་སྙིང་པོ་ནས་འོད་ཟེར་རྣམ་པ་སྣ་ཚོགས་མང་པོ་འབྱུང་ཞིང་ཕྱོགས་དང་། ཕྱོགས་མཚམས་ཀུན་ཏུ་མཆི་ཞིང་སྣང་བར་འགྱུར་ཏེ། ནམ་མཁའི་དཀྱིལ་ན་སྤྲིན་བརྩེགས་པའི་ཕུང་པོ་བཞིན་དུ་
D686.092.0285b05.01འོད་ཟེར་གྱི་གཟུགས་སུ་གྱུར་ནས་གནས་པར་འགྱུར་རོ། །དེ་ནས་སྔོན་མ་བྱུང་བའི་དྲི་ཞིམ་པོ་རྨད་དུ་འབྱུང་བར་འགྱུར་ཞིང་ལྷའི་ཙནྡན་དང་། གོ་ཤིཪྵའི་ཙནྡན་དང་། ཙནྡན་སྦྲུལ་གྱི་སྙིང་པོ་དང་། ག་བུར་དང་། གླ་རྩིའི་དྲི་འབྱུང་སྟེ། དཔག་ཚད་བརྒྱ་ཁོ་ར་ཁོར་ཡུག་ཏུ་དྲི་
D686.092.0285b06.01གནས་པར་འགྱུར་རོ། །ལྷ་རྫས་ཀྱི་བདུག་སྤོས་ཀྱི་དྲི་ཞིམ་པོ་སྔོན་མ་བྱུང་བ་རྨད་དུ་བྱུང་བ་བཻ་ཌཱུརྱ་སྔོན་པོའི་སྤྲིན་བརྩེགས་པ་ལྟ་བུའི་བདུག་སྤོས་ཀྱི་སྤྲིན་ནམ་མཁའི་དཀྱིལ་ན་གནས་པར་ཡང་འགྱུར་ཏེ། ཕྱོགས་བཅུ་ཀུན་ཏུ་བདུག་སྤོས་ཀྱི་དྲི་རྒྱས་པར་འགྱུར་རོ། །དེ་ནས་སྙིང་པོའི་
D686.092.0285b07.01