完整藏文原文 · 德格版页 当前仅加载第 92 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བརྙན་སྨྲ་བར་འགྱུར། ཚིག་འབྱིན་པར་འགྱུར་རོ། །ད་ལྟར་གྱི་བཞིན་དུ་དེ་ཐམས་ཅད་སྨྲ་བར་འགྱུར་ཏེ། དགེ་བ་དང་། མི་དགེ་བ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་དེ་ཐམས་ཅད་སྨྲ་བར་འགྱུར་རོ། །ཚེ་རིང་བའམ། ཚེ་ཡོངས་སུ་ཟད་པ་དེ་
D686.092.0267b01.01ཐམས་ཅད་སྟོན་ཅིང་སྨྲ་བར་འགྱུར་རོ། །རྒྱལ་པོ་བརྗེ་བའམ། དགྲ་འཐབ་པའམ། ཕ་རོལ་གྱི་དམག་ཚོགས་འཐབ་པའམ། ལོ་ཉེས་པ་དང་། མི་ངས་དང་། དགོན་པ་དང་། ནད་དང་། ན་བ་དང་། གདོན་དང་། གནོད་པ་དང་། འཚེ་བ་དང་། གྲང་བ་དང་། རླུང་དང་
D686.092.0267b02.01ཚ་བ་དང་། སེར་བ་དང་། ཆོམ་པོའི་འཇིགས་པ་དང་། རྐུན་པོའི་འཇིགས་པ་དང་། གཅན་གཟན་གཏུམ་པོའི་འཇིགས་པ་དང་། སྦྲུལ་གདུག་པའི་འཇིགས་པ་དང་། བདེ་བ་དང་། ལོ་ལེགས་པ་དང་། འབྲས་བུ་འཕེལ་བ་དང་། འབྲུ་འཕེལ་བ་དེ་ཐམས་ཅད་སྨྲ་བར་འགྱུར་ཞིང་
D686.092.0267b03.01དེའི་ཐབས་ཐམས་ཅད་ཀྱང་རབ་ཏུ་སྟོན་པར་འགྱུར་རོ། །རིག་སྔགས་འཆང་ལ་ཉིན་གཅིག་བཞིན་དུ་ཁྱད་པར་དུ་གྱུར་པ་རྣམ་པ་མང་པོ་རབ་ཏུ་སྟོན་པར་འགྱུར་རོ། །ཁ་ཅིག་ལ་བསྟན་པར་མི་བགྱི་སྟེ། སྡང་སེམས་ཅན་རིག་སྔགས་ཀྱི་གདོལ་པ་རྐུན་མ། བྱས་པ་མི་གཟོ་བ། བརླང་བ།
D686.092.0267b04.01འཕགས་པའི་དགེ་འདུན་ལ་འཁུ་བ། འཕགས་པའི་དགེ་འདུན་ལ་འཕྲོག་པ། བསླབ་པ་མི་འདོད་པ་དང་ཡང་དག་པར་ལྡན་པ་དེ་དག་གི་ལག་ཏུ་བསྟན་པར་མི་བགྱི། རྣ་བར་བསྒྲགས་པར་མི་བགྱི། སྐྲའི་རྩེ་མོ་ཙམ་དུ་སྣང་བ་ཡང་བསྟན་པར་མི་བགྱིའོ། །ཆོ་ག་ཞིབ་མོ་འདི་ནི་ཡི་གེའི་འབྲུ་
D686.092.0267b05.01གཅིག་ཙམ་ཡང་བསྟན་པར་མི་བགྱིའོ། །རྗེས་སུ་འཇུག་པར་མི་བགྱིའོ། །དེ་ནས་རིག་སྔགས་འཆང་དངོས་གྲུབ་མཆོག་ཐོབ་པར་འགྱུར་ཏེ། མཆོག་ཏུ་ཡིད་བརྟན་པ། རྣམ་པར་ཐར་པ་མཆོག་གི་དཀྱིལ་འཁོར་གསང་བ་ཐོབ་པར་འགྱུར་རོ། །གང་གི་དྲུང་ནས་རིག་སྔགས་ཀྱི་རྒྱལ་
D686.092.0267b06.01པོའི་རིག་སྔགས་ཀྱི་དཀྱིལ་འཁོར་ཆེན་པོ་ལག་ཏུ་འཐོབ་པར་འགྱུར་བ་དེ་ལ་སྟོན་པ་དང་། བླ་མའི་འདུ་ཤེས་བསྐྱེད་པར་བགྱིད། བདག་དང་འདྲ་བར་མཆོད་པ་སྣ་ཚོགས་ཀྱིས་གུས་པར་བགྱིད་ན་བདག་ལ་གུས་པ་དང་བླ་མར་བགྱིས་པ་ལགས། མཆོད་པ་དང་རྗེད་པ་བགྱིད་པ་
D686.092.0267b07.01