完整藏文原文 · 德格版页 当前仅加载第 92 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཆོ་ག་བརྗོད་པར་བགྱི་སྟེ། བཟླས་བརྗོད་ཀྱི་ནི་ལས་བགྱིས་ན། །རིག་སྔགས་འཆང་ལ་དེ་ཉིད་འགྲུབ། །དོན་ཡོད་ཞགས་པའི་གཟུགས་བརྙན་གྱི། །མདུན་དུ་ལྕི་བའི་དཀྱིལ་འཁོར་བགྱི། །གྲུ་བཞི་ཁོ་ར་ཁོར་ཡུག་ཏུ། །ཚོན་རྩི་དཀར་པོ་ཞིབ་མོ་ཡིས། །གྲུ་བཞི་ལྷམ་པར་ཐིག་གདབ་
D686.092.0074b01.01བོ། །ངོས་བཞི་རྣམས་སུ་སྒོ་བཞི་དག །དབུས་ནས་ངོས་བཞིར་གཤིས་སུ་དབབ། །ཙནྡན་དཀར་པོས་བྲི་བ་ནི། །དཀྱིལ་འཁོར་མཆོག་ལ་པདྨ་དང་། །འདབ་བརྒྱ་གུར་གུམ་གྱིས་གཏོར་ཞིང་། །པདྨའི་ཟེ་བའི་དཀྱིལ་དག་ཏུ། །མ་ཞོམ་པ་ཡི་བུམ་པ་ནི། །སྤོས་ཆབ་ཀྱིས་ནི་བཀང་བ་ཡི། །
D686.092.0074b02.01ཡུངས་ཀར་ལྡན་པ་གཞག་པར་བགྱི། །ཨ་ག་རུ་ཡི་བདུག་པ་དབུལ། །བུམ་པ་གང་བར་དགོད་པར་བགྱི། །མེ་ཏོག་སྣ་ཚོགས་བརྒྱན་པར་བགྱི། །མཆོད་ཡོན་སྣོད་ཀྱང་བཞི་གཞག་གོ། །རིག་སྔགས་འཆང་བ་གཙང་གྱུར་པས། །གཙང་མའི་གོས་ནི་བགོ་བར་བགྱི། །ལེགས་བཀྲུས་
D686.092.0074b03.01རྣམ་པར་དག་པ་དང་། །གསོ་སྦྱོང་དག་ནི་བླངས་པ་དང་། །དཀར་གསུམ་ཟས་ནི་འཚལ་ནས་སུ། །དུས་གསུམ་དུ་ནི་ཁྲུས་བགྱིའོ། །དུས་གསུམ་བཟླས་བརྗོད་བགྱི་བ་ནི། །དོན་ཡོད་ཞགས་པའི་སྙིང་པོ་དག །དུས་གསུམ་དུ་ཡང་བརྒྱ་རྩ་བརྒྱད། །འཕགས་པ་འཇིག་རྟེན་དབང་ཕྱུག་
D686.092.0074b04.01གི། །མངོན་སུམ་སྐྱིལ་མོ་ཀྲུང་བཅས་ཏེ། །བཟླས་བརྗོད་ཕྱག་རྒྱ་བཅིངས་ནས་སུ། །བགྲང་ཕྲེང་དག་ནི་བླང་བར་བགྱི། །མཛུབ་མོ་དག་ནི་མཐེ་བོ་དག །བརྐྱང་ནས་ཞི་ཞིང་དུལ་བ་ཡི། །ཡིད་ཀྱིས་བྱམས་སེམས་མཉམ་པར་གཞག །ཏིང་འཛིན་བརྟག་པས་ལུས་སྙོམས་པར། །ལེགས་
D686.092.0074b05.01པར་བཞག་སྟེ་ཞི་བར་ལྟ། །ཚིག་གཞན་མི་སྨྲ་བཟླས་བརྗོད་བགྱི། །བཟླས་བརྗོད་བགྱིས་པ་ཙམ་གྱི་མོད་ལ། ས་ཆེན་པོ་གཡོ་བར་འགྱུར་རོ། །དོན་ཡོད་པའི་ཞགས་པའི་ཕྱག་རྒྱ་བཅིངས་ཏེ། ཕྱག་རྒྱ་བཅིངས་ནས་ས་ཆེན་པོ་ཡང་གཡོ་བར་འགྱུར་རོ། །བརྟན་པའི་སེམས་ཀྱིས་སྐྲག་པར་མི་
D686.092.0074b06.01བགྱིའོ། །སེམས་ཅན་ཐམས་ཅད་ལ་མཆོག་ཏུ་བརྩེ་བས་འཕགས་པ་སྤྱན་རས་གཟིགས་དབང་ཕྱུག་དོན་ཡོད་ཞགས་པའི་ཞབས་མཐོང་བ་ཙམ་དུ་བྲིས་ལ། ཅི་ཙམ་ན་ཁྲོ་བོའི་རྒྱལ་པོ་ལན་བདུན་བཟླས་སོ། །ལན་བདུན་བཟླས་པ་ཙམ་གྱི་མོད་ལ་ས་ཆེན་པོ་གཡོ་ཞིང་སྒྲ་འབྱུང་བར་འགྱུར་རོ། །འཕགས་
D686.092.0074b07.01