完整藏文原文 · 德格版页 当前仅加载第 92 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
མཚམས་འཁྲུལ་བ་དང་། བདུག་པའི་རྒྱལ་པོའི་མཐུས་འཇིགས་པ་མི་བཟད་པ་ཐམས་ཅད་རབ་ཏུ་ཞི་བར་འགྱུར་རོ། །གཡུལ་འགྱེད་པ་དང་། འཐབ་མོ་དང་། རྩོད་པ་དང་། འཐབ་ཅིང་འགྱེད་པ་ཐམས་ཅད་རབ་ཏུ་ཞི་བར་འགྱུར་ཞིང་རྟག་ཏུ་རྒྱལ་བར་འགྱུར་རོ། །
D686.092.0311a01.01བདེ་ཞིང་ལེགས་པར་རྒྱལ་བ་འགྲུབ་པ་དང་། ཐམས་ཅད་དུ་དཔལ་ཐོབ་པར་འགྱུར་རོ། །ལྷ་དང་། ལྷ་མ་ཡིན་དང་། དྲི་ཟ་དང་། གནོད་སྦྱིན་དང་། སྲིན་པོ་དང་། ཀླུ་རྣམས་ཀྱིས་བསྲུང་བའི་ཕྱིར་ཉིན་མཚན་དུ་རྗེས་སུ་འབྲང་བར་འགྱུར་རོ། །དེ་བཞིན་དུ་རྗེས་སུ་སྐྱོང་བ་དང་། དུས་ཐམས་
D686.092.0311a02.01ཅད་བླ་ན་མེད་པའི་གཟི་བྱིན་སྐྱེད་པར་བྱེད་དོ། །ཁྲོ་བོ་ལྕགས་ཀྱུ་བླ་ན་མེད་པ་གྲུབ་པའི་ཐིག་ལེ་བརྗོད་པར་བྱའོ། །ཐིག་ལེ་སྐར་མ་ལྟ་བུ་ནི། །ལྷ་ཡི་ཉི་མ་བཞིན་དུ་དཔའ། །ཉི་མ་བྱེ་བའི་འོད་དང་མཚུངས། །བསོད་ནམས་གཟི་བརྗིད་དག་གིས་འབར། །མུན་ཁྲོད་སྒྲོན་ཆེན་འོད་བཞིན་དུ། །
D686.092.0311a03.01མུན་པའི་ནང་ན་སྣང་བར་འགྱུར། །ཚོགས་ཀྱི་དཀྱིལ་ན་མཛེས་པ་ནི། །སྐར་མའི་ཚོགས་ལྡན་ཟླ་བ་བཞིན། །བསོད་ནམས་བྱེ་བ་སྟོང་ཕྲག་དང་། །དཔག་མེད་གཞལ་དུ་མེད་པ་ཡིས། །ལུས་འདི་དག་ནི་བརྒྱན་པར་འགྱུར། །མཁའ་ལ་རིན་ཆེན་མཆོད་སྡོང་ལྟར། །མཚན་དང་དཔེ་བྱད་
D686.092.0311a04.01བཟང་པོས་བརྒྱན། །རིལ་བུ་བསྟེན་པ་བྱས་ན་ནི། །ལུས་ནི་བསོད་ནམས་ཚོགས་ཀྱིས་བསྐྱེད། །གང་ཞིག་ལུས་ནི་འབར་བ་དང་། །ཤིན་ཏུ་བཟང་པོ་ཁོ་ནར་འགྱུར། །འཇིག་རྟེན་མགོན་པོ་དུས་རྟག་ཏུ། །ཕྱག་ནི་སྤྱི་བོར་འཇོག་པར་མཛད། །རྟག་ཏུ་མཆོག་ནི་སྦྱིན་པ་དང་། །ཀུན་ཏུ་བླ་
D686.092.0311a05.01མེད་གྲུབ་པར་འགྱུར། །ཆོ་ག་ཞིབ་མོ་འགྲུབ་པ་དང་། །གསང་སྔགས་འགྲུབ་ཅིང་ཕྱག་རྒྱ་དང་། །དཀྱིལ་འཁོར་འགྲུབ་ཅིང་དཀྱིལ་འཁོར་གྱི། །རིམ་པར་ཕྱེ་བ་འགྲུབ་འགྱུར་ཏེ། །ཀུན་དུ་འགྲུབ་པ་བླ་ན་མེད། །གིའུ་ཝང་དང་། གུར་གུམ་དང་། རུ་རྟ་ཆ་བསྙམས་ཏེ་སྦྱར་ལ་ཁྲོ་བོའི་
D686.092.0311a06.01ལྕགས་ཀྱུའི་གསང་སྔགས་བརྒྱ་རྩ་བརྒྱད་བཟླས་བརྗོད་བྱས་ལ། ཚངས་པར་སྤྱོད་པ་མཉམ་པར་གཞག་པ། ཁྲུས་ལེགས་པར་བྱས་པ། གོས་གཙང་མ་བགོས་ཤིང་གཙང་མས་ཟླ་བ་ཡར་གྱི་ངོ་ཚེས་བཅུ་གསུམ་སྐར་མ་རྒྱལ་ལ་བབ་པའི་ཚེ་ཆུ་གཙང་མ་དང་ཞིབ་ཏུ་བཏགས་ལ་རྒྱ་ཤུག་
D686.092.0311a07.01