完整藏文原文 · 德格版页 当前仅加载第 92 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ན་ཡང་། ཟླ་བ་དང་ཉི་མའི་མདུན་དུ་མཆིས་ནས། དོན་ཡོད་པའི་ཞགས་པའི་སྙིང་པོ་ལན་བདུན་བཟླས་ཏེ། ཟླ་བ་དང་ཉི་མའི་མངོན་སུམ་དུ་ཞགས་པ་འཕངས་ནས་སླར་ཡང་དྲང་བར་བགྱི་སྟེ། ཟླ་བ་དང་ཉི་མ་ཞགས་པས་བཅིངས་ནས་དྲང་བར་འགྱུར་རོ། །ནམ་མཁའ་ལས་
D686.092.0037b01.01བབས་ནས་རིག་སྔགས་འཆང་གི་མདུན་དུ་མཆིས་ཏེ། ཅི་ལྟར་ཡིད་ལ་བསམས་པ་བཞིན་དགོས་པ་ཐམས་ཅད་སྒྲུབ་པར་བགྱིད་དོ། །འོན་ཏེ་ཟླ་བ་དང་ཉི་མའི་གནས་སུ་མཆི་བར་འཚལ་ན། ཞགས་པའི་ཕྱག་རྒྱ་བཅིངས་པ་ལག་པས་བླངས་ཏེ། དོན་ཡོད་པའི་རྒྱལ་པོའི་སྙིང་པོ་
D686.092.0037b02.01བཟླས་པ་དང་། རིག་སྔགས་འཆང་ནམ་མཁའ་ལ་འཕུར་ན། ཉི་མ་དང་ཟླ་བའི་སྟན་ལ་ཅི་སྲིད་དུ་འཚལ་བར་ལོངས་སྤྱོད་པར་འགྱུར་ཞིང་། སླར་བདེ་བ་དང་། མ་སྣད་པ་དང་། མ་རྨས་པ་དང་། ལེགས་པར་འབབ་པར་འགྱུར་རོ། །ནགས་ཁུང་དུ་འགྲོ་བར་འཚལ་ན།
D686.092.0037b03.01གཙང་མ་ལེགས་པར་ཁྲུས་བགྱིས་པས། གོས་གཙང་མ་བགོ་བར་བགྱི་ཞིང་ནགས་ཁུང་གི་སྒོར་ལན་ཉི་ཤུ་རྩ་གཅིག་བཟླས་བརྗོད་བགྱི་སྟེ། ཞགས་པ་འཕང་བར་བགྱིའོ། །ལག་པས་ཞགས་པ་འཕངས་པ་ཙམ་གྱིས་ནགས་ཁུང་གི་གནས་ཀྱི་གཞལ་མེད་ཁང་གི་ཀླུ་ཐམས་
D686.092.0037b04.01ཅད་བཅིངས་ནས་ཐམས་ཅད་རིག་སྔགས་འཆང་གི་མདུན་དུ་མཆིས་པར་འགྱུར་ཞིང་རིག་སྔགས་འཆང་ལ་ཕྱག་བགྱིས་ནས། རིག་སྔགས་འཆང་ཁྱོད་གནས་ཆེན་པོ་མཆོག་ཏུ་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་དོན་ཡོད་པའི་རྒྱལ་པོའི་སྙིང་
D686.092.0037b05.01པོ་བཟླས་ཏེ། ལག་པ་ཞགས་པའི་ཕྱག་རྒྱས་ནགས་ཁུང་དུ་འཇུག་པར་བགྱིའོ། །ཞུགས་པ་ཙམ་ཁོ་ནས་ནགས་ཀྱི་གནས་རྣམ་པ་དྲུག་ཏུ་གཡོ་བར་འགྱུར་ཞིང་། དབུས་ཀྱི་ནགས་ཀྱི་མཐའ་ན་རིན་པོ་ཆེ་སྣ་བདུན་གྱི་རྫིང་ལྷའི་ཆབ་དང་ས་ཤིང་རྙོག་པ་མ་མཆིས་པ་ཤིན་ཏུ་གསལ་
D686.092.0037b06.01བ་ལྷའི་ཙན་དན་གྱི་དྲི་དང་ལྡན་པ་ཧ་ཅང་མི་གྲང་བ་ཧ་ཅང་མི་དྲོ་བ་རེག་ན་བདེ་བ་རོ་དང་ལྡན་པ། བདུད་རྩིའི་བཅུད་ཅན་མཆིས་ཏེ། དེ་ལྟར་དོན་ཡོད་པའི་རྒྱལ་པོའི་སྙིང་པོ་ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ནས་རྫིང་གི་དབུས་སུ་ཞགས་པ་འཕང་བར་བགྱིའོ། །
D686.092.0037b07.01