完整藏文原文 · 德格版页 当前仅加载第 92 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
མོད་ཉིད་ལ་རང་གི་གཟུགས་རང་གི་ངོ་བོ་ཡོངས་སུ་དག་པ་མངོན་སུམ་དུ་སྟོན་པར་མཛད་ཅིང་། མཆོག་ཐམས་ཅད་སྦྱིན་པར་མཛད་ལ་དོན་ཡོད་པ་ཆེན་པོའི་དངོས་གྲུབ་སྦྱིན་པར་མཛད་དོ། །དྲག་པོ་ལ་བདུགས་ན་གཟུགས་མངོན་སུམ་དུ་མདུན་ན་འདུག་ཅིང་།
D686.092.0209a01.01འདོད་པ་དང་། དགོས་པའི་དངོས་གྲུབ་ཐམས་ཅད་སྦྱིན་པར་བྱེད་དོ། །སྲེད་མེད་ཀྱི་བུ་ལ་བདུགས་ན་གཟུགས་བརྙན་འགུལ་ཞིང་། ཚིག་འབྱིན་ལ་ཡིད་ལ་བསམས་པ་ཐམས་ཅད་ཡོངས་སུ་རྫོགས་པར་བྱེད། རྟག་ཏུ་རྗེས་སུ་འབྲང་བར་འགྱུར། སྟོབས་དང་། ཤུགས་དང་།
D686.092.0209a02.01བརྩོན་འགྲུས་དང་། ཕ་རོལ་གནོན་པར་བྱེད་པའི་དངོས་གྲུབ་སྦྱིན་པར་བྱེད་དོ། །མ་མོའི་གནས་སུ་ནག་པོ་ཆེན་པོ་ལ་བདུགས་ན་ནག་པོ་ཆེན་པོ་མ་མོའི་ཚོགས་དང་བཅས་པ་དབང་དུ་གྱུར་ནས་འདུག་ལ་ལས་དང་བྱ་བ་ཐམས་ཅད་གྲུབ་པར་བྱེད། ཐམས་ཅད་དུ་དངོས་གྲུབ་ཆེན་
D686.092.0209a03.01པོ་སྒྲུབ་པར་བྱེད་དོ། །ཚོགས་ཀྱི་དབང་ཕྱུག་ལ་བདུགས་ན། །བགེགས་དང་ལོག་འདྲེན་ཐམས་ཅད་བཅིངས་པར་འགྱུར་རོ། །འདོད་པའི་དབང་ཕྱུག་ལ་བདུགས་ན་སྡང་བ་དང་། གདུག་པ་དང་། བར་ཆད་བྱེད་པ་གཞན་གང་ཡིན་པ་དེ་དག་ཐམས་ཅད་བཅིངས་པར་འགྱུར་ཞིང་
D686.092.0209a04.01མི་སྣང་བར་འགྱུར་རོ། །རྒྱལ་པོའི་སྒོར་བདུགས་ན་རྒྱལ་པོའི་བཙུན་མོའི་འཁོར་དང་བཅས་པ་བཀུག་ནས་དབང་དུ་གྱུར་ཏེ། ཉེ་བར་གནས་པ་འདོད་པ་དང་བྱ་བ་ཐམས་ཅད་བྱེད་དོ། །ཉི་མ་ཤར་བའི་ཚེ་ཉི་མ་ལ་མངོན་དུ་ཕྱོགས་ནས་བདུགས་ན་ཉི་མ་འབབ་ཅིང་འདོད་པའི་དངོས་གྲུབ་
D686.092.0209a05.01ཐམས་ཅད་སྦྱིན་བར་བྱེད་དོ། །ཟླ་བ་ཉལ་བདུགས་ན་ཟླ་བ་འབབ་ཅིང་དབང་ཕྱུག་འབྱོར་པ་ཆེན་པོ་སྦྱིན་པར་བྱེད་དོ། །རྣམ་ཐོས་ཀྱི་བུ་ལ་བདུགས་ན་ནོར་འཕེལ་བ་ཆེན་པོ་སྦྱིན་པར་བྱེད་དོ། །ལྷ་མོ་ཆེན་མོ་དཔལ་ལ་བདུགས་ན་དཔལ་འཐོབ་པར་འགྱུར་རོ། །གདོན་ཐམས་
D686.092.0209a06.01ཅད་ལ་བདུགས་ན་བདུགས་པ་ཙམ་གྱིས་འབབ་ཅིང་ཕྱོགས་བཅུར་འབྲོས་སོ། །ཟིན་པ་འམ་མ་ཟིན་པ་ལ་བདུགས་ན་མོད་ལ་འོང་ངོ་། །དུར་ཁྲོད་ཀྱི་མི་རོ་ལ་བདུགས་ན་རོ་ལངས་ལྡང་བར་འགྱུར་རོ། །ཐོད་པ་ལ་བདུགས་ན་འབབ་ཅིང་གར་བྱེད། གླུ་ལེན་རྒྱུག་པར་བྱེད་
D686.092.0209a07.01