完整藏文原文 · 德格版页 当前仅加载第 92 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་ཡོངས་སུ་དག་པ་ཐོབ་པར་འགྱུར་རོ། །ཕྱག་རྒྱ་འདི་བཅིངས་ལ་དོན་ཡོད་པའི་རྒྱལ་པོའི་སྙིང་པོ་དྲན་པར་བགྱིས་པ་ཙམ་གྱི་མོད་ལ། ཡོན་ཏན་དང་ཕན་ཡོན་རྣམས་འཐོབ་པར་འགྱུར་རོ། །བཟླས་བརྗོད་བརྒྱ་རྩ་བརྒྱད་བཅངས་
D686.092.0023a01.01ནས། ཞག་གཅིག་སྨྱུང་བ་བགྱིས་ཏེ་བཟླས་བརྗོད་བགྱིས་ན། འཕགས་པ་སྤྱན་རས་གཟིགས་དབང་ཕྱུག་བདག་ཉིད་ཀྱི་རང་བཞིན་དུ་མདུན་ན་མཆིས་ནས། རིག་སྔགས་འཆང་ལ་ལེགས་སོ་ཞེས་བགྱི་བ་སྩོལ་ཏེ། རིག་སྔགས་འཆང་ལེགས་སོ་ལེགས་སོ། །འདི་
D686.092.0023a02.01ནི་བཟླས་བརྗོད་ཀྱི་དམ་པ་ཡིན་ནོ། །ཞེས་དཔུང་པ་གཡས་པ་བརྐྱང་བའི་ལག་པས་རིག་སྔགས་འཆང་གི་སྤྱི་བོར་བཞག་ནས། དབུགས་འབྱིན་པར་མཛད་དེ་ཚུར་ཤོག་བུ་གང་འདོད་པའི་མཆོག་སློངས་ཤིག་དང་སྦྱིན་ནོ། །ཁྱོད་རྗེས་སུ་བཟུང་ཞིང་བྱིན་གྱིས་བརླབས་པས་
D686.092.0023a03.01ངའི་བུ་རིག་སྔགས་འཆང་གི་ཐུ་བོར་གྱུར་ཅིག །རིག་སྔགས་འཆང་ཁྱོད་ཀྱིས་དོན་ཡོད་པའི་ཞགས་པའི་སྙིང་པོ་གྲུབ་པས། རྣམ་པར་གྲོལ་བའི་དཀྱིལ་འཁོར་གྱི་ཕྱག་རྒྱ་རིམ་པར་དབྱེ་བ་དང་། ཆོ་ག་ཞིབ་མོའི་རྒྱལ་པོ་ལ་བརྟན་པར་གྱིས་ཤིག །སྙིང་རྗེ་ཆེན་པོའི་སེམས་
D686.092.0023a04.01ཀྱིས་སེམས་ཅན་ཐམས་ཅད་ལ་གོམས་པར་གྱིས་ཤིག །ཁྱོད་འདི་ནས་མ་འོངས་པའི་མངལ་དུ་གནས་ནས། ཤི་འཕོས་ཏེ་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་ཞིང་། ཁྱོད་པདྨའི་ནང་དུ་རྫུས་ཏེ་སྐྱེས་ནས། རྒྱན་ཐམས་ཅད་ཀྱིས་བརྒྱན་ཅིང་མཚན་དང་དཔེ་
D686.092.0023a05.01བྱད་ཀྱིས་རབ་ཏུ་བརྒྱན་པ། བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་ཚེ་དཔག་ཏུ་མེད་པར་འགྱུར་རོ། །འདི་ལྟར་ཚིག་གཞན་མི་སྨྲ་བར་ལན་སྟོང་རྩ་བརྒྱད་བཟླས་བརྗོད་བགྱིས་ཏེ། ཕྱག་རྒྱ་བརྒྱ་རྩ་བརྒྱད་བཅིངས་པས། ལན་སྟོང་རྩ་བརྒྱད་ཚང་ནས་ནམ་མཁའ་ལ་མཆི་བར་
D686.092.0023a06.01འགྱུར་རོ། །དོན་ཡོད་པའི་རྣམ་པར་འཕྲུལ་པ་རྣམ་པར་དག་པའི་དཀྱིལ་འཁོར་གྱི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་འབུམ་ཕྲག་བྱེ་བ་བརྒྱ་སྟོང་ཕྲག་{བཅྭ་,བཅོ་}བརྒྱད་ཀྱིས་ཡོངས་སུ་བསྐོར་བར་འགྱུར་རོ། །ཚེ་དཔག་ཏུ་མ་མཆིས་པར་འགྱུར་རོ། །དོན་ཡོད་
D686.092.0023a07.01