完整藏文原文 · 德格版页 当前仅加载第 92 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
གི་འབྲུ་ཙམ་བྱས་ཏེ་གྲིབ་མ་ལ་བསྐམས་ལ། གང་གི་ཚེ་དགོས་པ་རྩོམ་པ་དེའི། ཁྲོ་བོའི་རྒྱལ་པོའི་ལྕགས་ཀྱུ་ལན་ཉི་ཤུ་རྩ་གཉིས་བཟླས་བརྗོད་བྱས་ཏེ་སྨིན་མཚམས་སུ་ཐིག་ལེ་བྱའོ། །སྨིན་མཚམས་སུ་ཐིག་ལེ་བཟང་པོ་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་
D686.092.0311b01.01ཀྱིས་བྱིན་གྱིས་བརླབས་པ་མཚན་ཉིད་བཞིན་དུ་ཐིག་ལེ་བྱས་ཏེ་བྱིན་གྱིས་བརླབས་པ་བྱས་པའི་མོད་ལ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་མཚན་ཉིད་རྣམ་པར་མཛེས་པའི་ཐིག་ལེ་དང་མཉམ་པར་མཚུངས་པར་བརྒྱན་པར་འགྱུར་རོ། །ཐམས་ཅད་དུ་མཆོད་པར་བྱ་བ་དང་།
D686.092.0311b02.01རྟག་ཏུ་བླ་མ་ལ་གུས་པས་དམ་ཚིག་མཉམས་པ་དང་། རྒྱལ་པོ་དང་མཚུངས་པའི་བློན་པོ་དང་། བཙུན་མོའི་ནང་དུ་སོང་ན་ཐམས་ཅད་དགའ་བར་འགྱུར་ཞིང་ཐམས་ཅད་དུ་མཆོད་པར་འོས་པར་འགྱུར་རོ། །སེམས་ཅན་ཀུན་གུས་པ་དང་། དགའ་བ་ཇི་ལྟར་འཇིག་རྟེན་འདྲེན་པ་
D686.092.0311b03.01ལ་བྱ་བ་བཞིན་བྱེད་དོ། །ནོར་དང་། འབྲུ་དང་། ལྷའི་དཔལ་ཐོབ་པར་འགྱུར་རོ། །ལྷ་ཐམས་ཅད་ཀྱིས་མཆོད་པར་འགྱུར་རོ། །དབང་པོ་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། འཇིག་རྟེན་སྐྱོང་བ་གྲགས་ཆེན་དང་། ཀླུ་རྣམས་ཀྱིས་རྟག་ཏུ་མཆོད་པར་
D686.092.0311b04.01འོས་པ་ཆེན་པོར་འགྱུར་རོ། །གནོད་སྦྱིན་དང་། དྲི་ཟ་དང་། གསང་བ་པ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་རྟག་ཏུ་མཆོད་པ་ཆེན་པོར་འགྱུར་རོ། །དབང་ཕྱུག་དང་། སྟོབས་དང་། བརྩོན་འགྲུས་དང་། ཚེ་འཕེལ་བར་འགྱུར་
D686.092.0311b05.01རོ། །ནད་མེད་པ་དང་། རིམས་ནད་མེད་པ་དང་། སྡིག་པ་ཐམས་ཅད་སྤངས་པ་དང་། སྒྲིབ་པ་ཐམས་ཅད་ལས་རྣམ་པར་གྲོལ་བ་དང་། ཉོན་མོངས་པའི་དྲི་མ་དང་། སྡིག་པ་དང་། དགྲ་ཐམས་ཅད་རབ་ཏུ་འཇོམས་པ་དང་། དམག་གི་གཡུལ་འགྱེད་པའི་ནང་དུ་རྟག་ཏུ་ཐམས་ཅད་
D686.092.0311b06.01དུ་རྒྱལ་བར་སྦྱིན་པར་འགྱུར་རོ། །དགྲ་དང་། ཕྱིར་རྒོལ་བ་རྣམས་ལས་གནས་ཐམས་ཅད་དུ་རྟག་ཏུ་ཀུན་དུ་རྒྱལ་བ་ཆེན་པོ་སྦྱིན་པར་འགྱུར་རོ། །ཐིག་ལེ་དེ་ལྟ་བུ་བྱས་ཏེ་ཁྲོ་བོའི་ལྕགས་ཀྱུ་ལན་ཅིག་དྲན་པར་བྱས་ལ་ཡུངས་ཀར་ལ་ལན་ཅིག་བཟླས་བརྗོད་བྱས་ཏེ་ཕུག་གི་སྒོར་
D686.092.0311b07.01