完整藏文原文 · 德格版页 当前仅加载第 92 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ཏུ་དེ་བཞིན་གཤེགས་པའི་སྐུའི་རིག་བསྲེལ་ཡུངས་ཀར་གྱི་འབུམ་ཙམ་གཅིག་ཐོབ་པར་གྱུར་ལ་དེས་རིང་བསྲེལ་དེ་ཟ་མ་ཏོག་གི་ནང་དུ་བཅུག་སྟེ་ཉིན་གཅིག་བཞིན་དུ་མཆོད་པ་དང་། དཀྱིལ་འཁོར་དང་། ཁྲུས་ལ་སོགས་པ་བྱེད་ཅིང་བདུག་པ་དང་། དྲི་དང་། ཕྲེང་བ་དང་། བྱུག་པ་དང་།
D686.092.0273b01.01ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་པ་བྱེད་ན་ལག་ན་རྡོ་རྗེ་རིག་སྔགས་འཆང་དེ་དངོས་གྲུབ་དམ་པ་དང་། མཆོག་དང་། བླ་ན་མེད་པ་འཐོབ་པར་འགྱུར་རོ། །གང་དང་གང་དུ་དགོས་པར་སྦྱར་བ་དེ་དང་དེ་དངོས་གྲུབ་ཆེན་པོ་མཆོག་ཏུ་འགྱུར་
D686.092.0273b02.01རོ། །རིང་བསྲེལ་ཡུངས་ཀར་གྱི་འབྲུ་ཙམ་ཞིག་ལ་མཆོད་པ་བྱས་པ་དེ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། གཞན་བུད་མེད་དམ། སྐྱེས་པའམ། ཁྱེའུའམ། བུ་མོ་དེ་དག་
D686.092.0273b03.01གིས་དེ་བཞིན་གཤེགས་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་གི་བྱེ་མ་དང་མཉམ་པ་ལ་སྐད་ཅིག་གཅིག་གིས་མཆོད་པ་བྱས་པར་འགྱུར། རྗེད་པ་དང་། གུས་པ་དང་། བསྟོད་པ་དང་། ཕྱག་བྱས་པར་འགྱུར་རོ། །དེ་བཞིན་གཤེགས་པ་དེ་དག་གི་དྲུང་དུ་དགེ་བའི་རྩ་བ་བསྐྱེད་
D686.092.0273b04.01པར་འགྱུར། དེ་དག་གི་དྲུང་དུ་བསོད་ནམས་ཀྱི་ཕུང་པོ་ཆེན་པོ་དང་ལྡན་པར་འགྱུར་རོ། །དེ་བཞིན་གཤེགས་པ་དེ་དག་གི་དྲུང་དུ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་གང་སུ་ཡང་རུང་བ།
D686.092.0273b05.01དགེ་སྦྱོང་ངམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་སམ། སྐྱེས་པའམ། བུད་མེད་དམ། ཁྱེའུ་འམ། བུ་མོ་དེ་དག་དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབ་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་
D686.092.0273b06.01ལུང་བསྟན་པར་འགྱུར་རོ། །ཤེས་རབ་དང་། ཐབས་ལ་མཁས་པའི་དགེ་བའི་རྩ་བ་དཔག་ཏུ་མེད་པར་འགྱུར་རོ། །རིག་སྔགས་འཆང་ཆེན་པོའི་དངོས་གྲུབ་དཔག་ཏུ་མེད་པར་འགྱུར་རོ། །དོན་ཡོད་པའི་ཆོ་ག་ཞིབ་མོའི་དཀྱིལ་འཁོར་དང་། ཕྱག་རྒྱ་དང་། གསང་སྔགས་ཀྱི་དངོས་གྲུབ་དཔག་
D686.092.0273b07.01