完整藏文原文 · 德格版页 当前仅加载第 92 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིའོ། །སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཀྱིས་བརྩེ་བ་ལ་མཆོག་ཏུ་བརྩོན་པར་བགྱིའོ། །བུ་གཅིག་པ་བཞིན་དུ་སེམས་ཅན་དུ་གྱུར་པ་ཐམས་ཅད་ལ་མཆོག་ཏུ་བརྩེ་བར་བགྱིའོ། །བདེན་པར་སྨྲ་བ་དང་།
D686.092.0018b01.01བདེན་པ་ལ་དགའ་བ་དང་། སྙན་པར་སྨྲ་བ་དང་། སྙིང་རྗེའི་ལྷག་པའི་བསམ་པས་དམིགས་ནས། དོན་ཡོད་པའི་ཞགས་པའི་སྙིང་པོ་བཟླས་པར་བགྱིའོ། །བཟླས་བརྗོད་ཀྱི་ཆོ་ག་བགྱི་ཞིང་། ཕྱག་རྒྱ་དང་གསང་སྔགས་ཀྱང་བཟླས་པར་བགྱིའོ། །ཕྱོགས་བཅུའི་སངས་
D686.092.0018b02.01རྒྱས་ཀྱི་ཞིང་ཐམས་ཅད་དུ་གཏོགས་པའི་དེ་བཞིན་གཤེགས་པ་རྣམས་ཡིད་ལ་བགྱིས་ནས། སངས་རྒྱས་ཡིད་ལ་རྗེས་སུ་དྲན་པ་བསྒོམ་པར་བགྱིའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བགྱིའོ། །འཕགས་པ་མགོན་པོ་སྤྱན་རས་གཟིགས་དབང་ཕྱུག་
D686.092.0018b03.01ལ་ཕྱག་བགྱིས་ནས། མངོན་སུམ་དུ་བསྒོམ་པར་བགྱིའོ། །བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་རི་མོའི་གཟུགས་ལ་ཕྱག་བགྱིས་ཏེ། མདུན་དུ་རྩྭའི་གདིང་བ་བཏིང་ནས་སྐྱིལ་མོ་ཀྲུང་བཅས་ཏེ་མཆིས་ནས་གཞན་མི་སྨྲ་བར་བཟླས་པ་བགྱིས་ཏེ།
D686.092.0018b04.01འདི་ནི་གསང་བའི་དེ་ཁོ་ན་ཉིད་བསྒྲུབ་པའོ། །དེ་ནས་ཕྱག་རྒྱ་དང་གསང་སྔགས་བརྗོད་པར་བགྱིའོ། །བདག་ལ་དོན་ཡོད་པའི་ཞགས་པའི་སྙིང་པོའི་དེ་ཁོ་ན་ཉིད་གྲུབ་པར་གྱུར་ཅིག །འཇིག་རྟེན་དབང་ཕྱུག་མགོན་པོ་ཐུགས་རྗེ་ཅན་སེམས་ཅན་ལ་བྱམས་པ། སེམས་དག་
D686.092.0018b05.01པ་ལག་ན་པདྨ་ཅན་སེམས་ཅན་ཐམས་ཅད་ལ་བྱམས་པའི་བདག་ཉིད་ཅན་གྱི་བྱིན་གྱིས་རླབས་ཀྱིས་བྱིན་གྱིས་བརླབས་པས། ཕྱོགས་བཅུའི་དེ་བཞིན་གཤེགས་ཀུན་དང་། །ལྷ་དང་ཀླུ་དང་གནོད་སྦྱིན་དང་། །སྲིན་པོ་ལྷ་མིན་གསང་བ་པ། །འཇིག་རྟེན་སྐྱོང་དང་ཚངས་པ་དང་། །དྲག་
D686.092.0018b06.01པོ་ཁྱབ་འཇུག་གཞོན་ནུ་སོགས། །གཤིན་རྗེ་ཆུ་ལྷ་ལུས་ངན་དང་། །དྲང་སྲོང་སོགས་དང་དེ་བཞིན་དུ། །ཟླ་ཉི་ཀུན་འགྱེད་གཞོན་ནུ་དང་། །དེ་བཞིན་དབང་ཕྱུག་དབང་ཆེན་དག །ཕྱག་རྒྱ་བཅིངས་པ་ཙམ་གྱིས་ནི། །དེ་དག་མྱུར་དུ་འདུ་བར་འགྱུར། །སྒྲོལ་མ་
D686.092.0018b07.01